Lʉkas 15:7 - Kálar Nzyɛ̌m : Ejwán é Sáá

⁷ Mě lɛ́ɛ́ bɨ́n ó: jwɨʼ gwár yaá ntémé ó, bé óbuú soho ɨ́ jʉ́o kʉ́ ɨ́ jɔʼ syɛ̂l misyóm ngwár mû sí túmǒ koo e misyóm myé, le edwirǎ léme yɨ́. Bé óbuú soho nyê, laa bʉ̂r mekám ebǔ le ebǔ, baá o dí “otîtyěl”, dí adweʼe mísyóm myɔ́ɔ́, nkʉ̂ gʉ́a ó, bé lɨ́ ejala le etúmǒ koo e myé, le edwira míléme bá.»

Kálara Zyɛ̌m Edwán é mpʉ̌n

⁷ Me elɛɛ bɨn ó, jwɨʼ gwar yaa nteme ó bé óbul soho é jobo kʉ é jɔʼ syɛl mɨsyem ngwar óbe si gwɨma mobebe me, le edwir leme e. Bé óbul soho é lɔb we, laa mpʉ bé ngbaa soho é lɔb “ocɨcyel o bʉr” mowʉm bu e bu ndɨ amɛʼle ó, bé lé ejala le egwɨma mobebe mɔɔ, le edwir mɨleme e.»

Lʉkas 15:7 ပူးပေါင်းရင်းမြစ်များ

Lʉkas 5:32

Me á bé anzě jébe ótîtyěl o bʉ̂r. Me á nze jébe ó, osyɛ̂l o mísyóm, ó bé túmaa mikoo e misyóm myɔ́ɔ́, le edwira míléme.»

Lʉkas 15:10

Mě lɛ́ɛ́ bɨ́n ó: jwɨʼ gwár yaá ntémé ó bisʉhʉʉ ngá bě gúmó bééngeles mé Nzyɛ̌m dí yɨ́, ɨ́ jɔʼ syɛ̂l misyóm ngwár mû sí túmǒ koo e misyóm myé, le le edwirǎ léme yɨ́.»

Lʉkas 15:32

Sâ gwár, yê kʉ jalá ó, mɨná tyélɨɨ gá nzɔɔ bisʉhʉʉ, ebě, ntwómô á pa be ndwe nyá, nyɨ́ pah. Nye á si boo dîm. Nyɨ́ kǎ beɔɔ.”»

Mataos 18:13

Mě lɛ́ɛ́ bɨ́n lɨ́ otyeetye ó, nyé óbe, nye mû sí bee yé nó, nye óbuú soho ɨ́ lɔ̌b nteme yaá, laǎ mpʉ nyé sóhaa ɨ́ lɔ̌b bínteme mekám ebǔ le ebǔ byé á be adîm bí yɨ́.

Rôm 7:9

Ɨ́ mimbú mí píhe, jɔʼ mé á be apǎ gʉ́a métié maá yɨ́, me á be lɨ́ etiʼe. Tó kœb ó, le mé á gʉ́a metié maá, le métié maá ntɔ̂ʼ á jɨm syóm ɨ́ jô,

Lʉkas 16:15

Yésʉs ntɔ̂ʼ lɛ́ɛ e bé ó: «Bɨ̌n bé lɨ́ elɨlɛ̂ʼle bʉ̂r ó, bɨ̌n ó dí otîtyěl. Sâ gwár, Nzyɛ̌m, nye lɨ́ egʉ́a mílémé mín, ebě, sá bʉ̂r dí ebuú sêʼle yɨ́, Nzyɛ̌m, nye lɨ́ ebene yé mpene-numó.

Lʉkas 15:29

Nó ó tʉ́l á nze lɛ́ɛ e sɔ́ŋ wé ó: “Paá bee: mɨ́ sâ gó bisyɛ́ɛ́ mimbû ɨ́ buo buo. Me dína ó, apǎ pyêh lɔ́ɔ́ gô. Damá jóʼo nó, gó apǎ dwe mé mâ tab, ó bɨ̌h le osó bâm sóhaa.

Mataos 3:8

Gúmáá gá mimpaŋ mi mpúmó mi dí ejala e miléme mû sí dwira mí.

Lʉkas 15:6

Mpúla nyé óbe, nye mû sí búla kwár nyɨ́, nye óbáŋle ósó bé ndu e bʉ́ʉ́ bʉ̂r o kwár, le elɛ́ɛ e bé ó: “Mɨná sóhaa gâ, ebě, mɨ́ bánǎ beě nteme yâm yé á dîm yɨ́!”

Lʉkas 15:8

«Nyʉ́ʉ́ mʉ́má á be ó e minzaŋ mí mɔnɨ́ kám. Nzaŋ ngwár nzě dîm. Nye nzě tumo éláma, gwámlě mbɛ̌r. Nye nzě gɔ́na le esáa wé twîtwǒʼ, twîtwǒʼ, tó pyâl ɨ́ jɔʼ nyé á ka bee wé yɨ́.