Lʉkas 15:29 - Kálar Nzyɛ̌m : Ejwán é Sáá

²⁹ Nó ó tʉ́l á nze lɛ́ɛ e sɔ́ŋ wé ó: “Paá bee: mɨ́ sâ gó bisyɛ́ɛ́ mimbû ɨ́ buo buo. Me dína ó, apǎ pyêh lɔ́ɔ́ gô. Damá jóʼo nó, gó apǎ dwe mé mâ tab, ó bɨ̌h le osó bâm sóhaa.

Kálara Zyɛ̌m Edwán é mpʉ̌n

²⁹ No ó nye a ze lɛɛ e sɔŋ we ó: “Paʼ bee: mɨ sea go bɨsyɛɛ bɨ elʉa mɨmbu é buobuo. Me dina ó apa pyeh lɔɔ go. Dam be no, go apa dwe me ma tab ngwar, ó bɨh e l'ofo bam bwala zɔɔ!

Lʉkas 15:29 ပူးပေါင်းရင်းမြစ်များ

Mɨngwiha 3:17

Bɨ̌n bé lɨ́ elɛ́ɛ ó, bɨ̌n bé le okúm le ogbaa le ombeʼ o nyʉ̂l. Bɨ̌n bɨɛ, bé agʉ́a ó, lɨ́ otyeetye, bɨ̌n bé ó bʉr o dí ɨ́ buú kpaa nkóó bá, ndu e bʉr o métɨʼla. Bɨ̌n bé ó baántéʼenteʼe o bʉ̂r, baántím, misuswáh.

Mɨngwiha 2:17

Mekǎn Sísǐm dí elɛ́ɛ bʉ̂r ó Mbɛ̌r-Nzyɛ̌m má, mé ó ménɨ̌. Mʉr nyɨnyɛ̂h dí e megwǎl mé éjóʼo nyá, nye jóʼaa náǎ. Mʉr nyɨnyɛ̂h óntaa, búla le onkɔ́ɔ́ nyá, me ódwe nyé mede dí eduho ɨ́ jʉ́o kʉ́ má. Mede maá, mé ó lɨ́ esǒ. Me ntémé ódwe nyé ekóʼ épúmó. Díé lé, lé óbe ó tɨ̂ʼ cɛmá. Díe laá, lé ó edwán é díé lé. Nyʉ́ʉ́ mʉ̂r swîh, nyé abe e nkul egʉ́a lê, njɨ waá dí ebi lé nyá.

Rôm 10:3

Bé á si jéʼe nzɨ̌ Nzyɛ̌m á tíʼe ɨ́ lémé wé ó, nyě kǎr ó bé nyǎ, ó bé ócɨɨ tɨ̂, bé obi nkâm tɨ̂ʼ nyɨ́. Bé á jaa sáa njɨ ó, bé káraa nyɔ́ɔ́ nzɨ́. Nó ó bé á gbɔba e Nzyɛ̌m, lɨ́ esú ó, bé bíʼee nkam lɨ́ ecɨɨ ɨ́ nzɨ̌ bɨ́ɛ bé bʉr o tɨ̂ʼ, bé á kar nyɨ́.

Rôm 7:9

Ɨ́ mimbú mí píhe, jɔʼ mé á be apǎ gʉ́a métié maá yɨ́, me á be lɨ́ etiʼe. Tó kœb ó, le mé á gʉ́a metié maá, le métié maá ntɔ̂ʼ á jɨm syóm ɨ́ jô,

Lʉkas 19:21

ebě me á be ó lɨ́ ekpɛ́ɛ gô, ebě, go ɨ́ buú nyan mʉ̂r. Gǒ nʉnʉǎ sá gó á be akomo yɨ́. Gǒ kpɨkpɛm méde ó, ɨ́ gúmó gó á be abe mempeʼ yɨ́.”

Lʉkas 18:9

Yésʉs ntɔ̂ʼ kɛ̌n kɨkɛna yɨ̂, lɨ́ emveʼle bʉ́ʉ́ bʉ̂r. Bʉr baá, bé á bubûʼla ó, bé ó dí otîtyěl o bʉ̂r ɨ́ míh mé Nzyɛ̌m. Bé ntémé lɨ́ epyêh bʉ́ʉ́ bʉ̂r.

Lʉkas 17:10

Damá jóʼo bɨ́n, jɔʼ bɨ́n ósîl ésâ mílʉ́mlʉ́ mímyɛ̂h yɨ́, lɛ́yɨ́ɨ́ gá páʼ nyɨ́n ó: “Mɨná gá bé ó baántéʼenteʼe ósyɛ̂l o mésâ. Mɨná bé á jaa séa gá ó, njɨ bím syɛ́ɛ́ nyé á líʼe ó, mɨná séaa gá yɨ́.”»

Lʉkas 15:7

Mě lɛ́ɛ́ bɨ́n ó: jwɨʼ gwár yaá ntémé ó, bé óbuú soho ɨ́ jʉ́o kʉ́ ɨ́ jɔʼ syɛ̂l misyóm ngwár mû sí túmǒ koo e misyóm myé, le edwirǎ léme yɨ́. Bé óbuú soho nyê, laa bʉ̂r mekám ebǔ le ebǔ, baá o dí “otîtyěl”, dí adweʼe mísyóm myɔ́ɔ́, nkʉ̂ gʉ́a ó, bé lɨ́ ejala le etúmǒ koo e myé, le edwira míléme bá.»

Mataos 20:12

Bé e né ó: “Baá bé épíhé bâ, bê jaa nze séá ó njɨ ewala egwár. Go bánǎ kʉ́ jána bɨ́h bɨ́bɛ̂h njɨ jwɨʼ gwár e gwár. Bɨ̌h bɨɛ sí sia e mitúú mí syɛ́ɛ́ móhó ntinɨ̂ le ejaʼra e dwéhé yaá yɨ́yɛ̂h!”

Rôm 3:27

Mpʉ yé dí nó yɨ́, nzê mʉr óbánǎ tô le enkʉ́na ɨ́ bisyɛ́ɛla byé nyé mʉr tɨ̂ʼ ɛ̌? Heʼé, yʉ́ʉ́ sɔ̂ʼ, yé abe nó! Yé dí ekamle e mɨná gá ó, mɨná nkʉ́naa gâ? Nzê metié mé Nzyɛ̌m ó dí ekamle mɨ́ná gá lɨ́ enkʉ́na ɛ́? Yaá! Sá dí esâ ó, mɨná sá ankʉ́na gá yɨ́, yé ó nzɨ̌ búʼó mɨ́ná dí edû gá nyɨ́.

Rôm 3:20

Mʉr ákóʼó bi nkâm ɨ́ míh mé Nzyɛ̌m ɨ́ lɔ̌b mbaʼlá métié. Metié, mé jaá séǎ syɛ́ɛ́ ó, njɨ yaá élɛ̂ʼle mɨ́ná gá ó, mɨná gá bé ó osyɛ̂l o mísyóm.

Lʉkas 15:28

Lémé tʉ́l ntɔ̂ʼ bɨ́lwa nyé ɨ́ mo, nye nzě bene énî mbɛ̌r. Sɔ́ŋ wé ntɔ̂ʼ tô kʉ̌l, tó jébe nyé ó, nye níʼee.

Lʉkas 15:30

Nó ɨ́ jɔʼ mwân gǒ nyâ, mû sí tó búla yɨ́, waá á sam bisá byô bíbyɛ̂h lɨ́ ebwâm bísadága bi bʉ́bá nyá, gʉ́ jʉ̂ nyé mâ myáʼ ntœœ!”