Lʉkas 15:28 - Kálar Nzyɛ̌m : Ejwán é Sáá

²⁸ Lémé tʉ́l ntɔ̂ʼ bɨ́lwa nyé ɨ́ mo, nye nzě bene énî mbɛ̌r. Sɔ́ŋ wé ntɔ̂ʼ tô kʉ̌l, tó jébe nyé ó, nye níʼee.

Kálara Zyɛ̌m Edwán é mpʉ̌n

²⁸ Leme mo tʉl ntɔʼ ze dwie nye é mo, nye ntɔʼ bene lé eni mbɛr. Sɔŋ we ntɔʼ pyal kʉl, to jwɨʼla e nye ó, nye niʼe.

Lʉkas 15:28 ပူးပေါင်းရင်းမြစ်များ

Lʉkas 15:2

Nó ó óFarizyɛ̂n le olɛ̂ʼla o métié, bé á nyimla páʼ nyɔ́ɔ́ ó: «Mʉr nyâ, nye lɨ́ enʉa ósyɛ̂l o mísyóm! Bé e boo nɔ́ɔ́ bánǎ pûhla mébô, de!»

Lʉkas 7:39

Nó ɨ́ jɔ̌ʼ Farizyɛ̂n á báŋle Yésʉs nyá, á bee syɛ́ɛla yaá yɨ́, nye ntɔ̂ʼ táare élwib ɨ́ lémé wé ó: “Yé bé mʉr nyâ, nyě tyeetye ó ngwíha milɔ̌b mé Nzyɛ̌m nó, lɛ́ɛ́, nyɨ́ gʉ́a ó, mʉmá dí ekúna e né nyâ, nye lɨ́ esâ syóm ɨ́ nwérédé.”

Mɨlʉmlʉ 14:2

Bʉ́ʉ́ óYúden, baá bé á be adyɛ̂ʼwo e Nzyɛ̌m bá, bê nzě sôʼlo bʉ̂r o bíkúl bíswîh, tíne bé ó, bé díʼee e bijwɨʼ bí ébébe ɨ́ páʼ bɨ́ɔɔ́ bɨ́ná.

Mɨlʉmlʉ 13:45

Jɔʼ óYúden, bé á bee bím éntumo e bʉ̂r láa yɨ́, bé kʉ́ nzě sáŋɔɔ nzwíí, le epérɔɔ mékǎn Pɔ̂l á lɨ̂lɛɛ má, le elwɨ́ɔɔ nyê.

Lʉkas 24:47

Yé á boo be cɛmá ntémé ó, bʉr, bé ótô ɨ́ lʉ́mlʉ́ wé, le etúnǒ Mbɨambɨa Lɔ́ɔ. Bé ótô le elɛ́ɛ bʉ̂r ó, bé túmaa mikoo e misyóm myɔ́ɔ́, le edwira míléme, Nzyɛ̌m pɛ́ʼɛɛ bé bibaa bí ébébe byɔ́ɔ́. Lɔ́ɔ waá, wé ónyɛɛ́ túnɔɔ ó, ɨ́ Yerʉ́zalɛm, tó túnɔɔ ntémé kwá bikúl bíbyɛ̂h.

Lʉkas 13:34

«Yerʉ́zalɛm, Yerʉ́zalɛm, gua mʉr dí ejʉ̂ ógwíha o mílɔ̌b le elúmo baá Nzyɛ̌m dí elómlo gó bá mekóʼ nyá! Nzɔʼ ntíá mé á be lɨ́ egwɨ̂m ésyɛŋ bwán bô mpʉ ábyɛɛ́-kúo dí esyɛŋ bwán bé sí mempabaá mé yɨ́, bɨ̌n bɨbené benáa.

Lʉkas 5:30

OFarizyɛ̂n, bé le olɛ̂ʼla o métié bé e boo nɔ́ɔ́ bé á be nkɔ̌m mpwár bá, bê nzě gɔ́na le elwib ɨ́ bébe bébe dumo le ompʉ́n mé Yésʉs, le elɛ́ɛ ó: «Bɨ̌n bé lɨ́ ede méde le menyoʼ, bɨ̌n le onwɨa ó mɔnɨ́ tœ́a le osyɛ̂l o mísyóm ɨ́ yé?»

Mataos 20:11

Jɔʼ bé á sil enʉa, mʉr wé nzaŋ yɨ́, bê nzě lwib ɨ́ bébe bébe dumo e mʉr pemé.

1 Tesalonika 2:16

Mpʉ bɨ́h dí ekpɛl étô le elɛ́ɛ bíkúl bíswîh mpʉ̌ Nzyɛ̌m dí e nkul etíʼ bé yɨ́, oYúden bɨ́ɛ, bé lɨ́ ebene, ndu e l'ekamle bɨ́h lɨ́ esâ nó. Ɨ́ syɛ́ɛla yaá, bé mû ó sí lóŋlo bísyɛ́ɛla bí ébébe byɔ́ɔ́. Sá tɨ̂ʼ ó Nzyɛ̌m á ka lɛ̂ʼle nkpaa nyé ɨ́ páʼ wɔ́ɔ́ yɨ́.

2 Korɛnt 5:20

Nó bɨ̌h bé ó bʉr o mílʉ́mlʉ́ ɨ́ syɛ́ɛ́ mé Krîst. Yé ó mpʉ̌ sá lɛ́ɛ́, Nzyɛ̌m mʉr tɨ̂ʼ ó dí ejébe bɨ́n ɨ́ nzɨ̌ njɨ́blɨ́ wɨ́h. Ɨ́ tyé mé Krîst, bɨ̌h mû lɨ́ ejɨʼla e bɨ̌n ó nɛ́ɛ: kamaa gá ó, bɨ̌n bɨɛ díʼee baá Nzyɛ̌m á sâ saá páʼ bé e boo nɔ́ɔ́ bá.

Rôm 10:19

Nó ó, me lɨ́ ebáʼǎ dî ó: «Nzê oYúden, bé á bé agwá gʉ́a ɛ̌?» Eee, bé á be yɨ́ɛ ó, sí kʉ́ jóʼo. Moyɨ̂z á boo lɛ́ɛ ó: Nzyɛ̌m lɛ́ɛ́ ó: Me ósâ bɨ́n mbi dí ó, bɨ̌n sâʼ egú e bʉr o bíkúl bíswîh. Me ókóblo bɨ́n ebúʼ e nzɨ̌ bʉr o dí ɨ́ sí bígʉʼlʉgʉ́, dí elúʼo pɨ̂ʼ bá.

Mɨlʉmlʉ 14:19

OYúden ntɔ̂ʼ pyâl tɨ̂: bâʼ duhǒ Antiôs, yaá Pisidía, bʉ́ʉ́ duhǒ Ikóniʉm. Bê nzě dulo bʉ̂r ɨ́ nkɔ̌m nyɔ́ɔ́ ó, bɨ́bɛ̂h, bé lúmaa Pɔ̂l mekóʼ, bé e jʉ́ nyê. Bê nzě nyɛl ésâ ntémé nó. Dâʼrɔɔ nyé sí e sí, pɛʼɔɔ nyé ɨ́ nkana, ebě, bé á jwɨʼ ó, nyɨ́ dwe.

Mɨlʉmlʉ 13:50

OYúden bɨ́ɛ nzě tîtine bʉ́bá ó yébé wɔ́ɔ́, baá bé á be ɨ́ mimpǎŋ bídǐ bá ó, bé tíblaa Pɔ̂l, bé e Banabâs. Bé á tíne ntémé ó, mimpaŋ mi bʉ̂r ó nkana, soŋɔɔ bé e Pɔ̂l ó, bé pʉ́ʼaa ɨ́ sí yɔ́ɔ́.

Markus 1:40

Nyʉ́ʉ́ mʉ̂r nzě pyâl kwá mé Yésʉs, nzǎm ɨ́ nyʉ̂l ɨ́ nɛ̌m. Nó nyé á nze jɨʼla e né. Nye e né ó: «Gó kpɛ̂l nó, bɛ̌m tiʼ mê. Nyʉ̂l díʼee me ɨ́ deŋé.»

Lʉkas 15:27

Syɛ̂l mesâ, nye e né ó: “Ntwómô, nyɨ́ búla. Nó sɔ́ŋ gǒ bé sí jʉ̂ mâ ntœœ, waá dí myáʼ nyá, ebě, mɨ́ʉ̌, nyɨ́ búla, nyʉ̂l mbɨ̂mbɨá!”

Lʉkas 15:29

Nó ó tʉ́l á nze lɛ́ɛ e sɔ́ŋ wé ó: “Paá bee: mɨ́ sâ gó bisyɛ́ɛ́ mimbû ɨ́ buo buo. Me dína ó, apǎ pyêh lɔ́ɔ́ gô. Damá jóʼo nó, gó apǎ dwe mé mâ tab, ó bɨ̌h le osó bâm sóhaa.