Lʉkas 15:24 - Kálar Nzyɛ̌m : Ejwán é Sáá

²⁴ ebě, mwân wǎm nyâʼ á be ó mpʉ ndwê. Nó nyɨ́ báʼǎ tiʼe. Nye á si boo dîm kɔ́m. Nó mɨ́ báʼǎ bee nyê!” Bé ntɔ̂ʼ nyɛl nzɔ́ɔ e bisʉhʉʉ ɨ́ buo buo.

Kálara Zyɛ̌m Edwán é mpʉ̌n

²⁴ ebe, mwan wam nwaʼ a be ó si sil dwè. No ó, nyi bâʼle tiʼe! Nye a bɛa ó dim muh mɨmbu mɨmbu. No ó, mɨ bâʼle bee nye!” Bé ntɔʼ taare lé ebwal zɔɔ.

Lʉkas 15:24 ပူးပေါင်းရင်းမြစ်များ

Éfɛsɔs 2:5

Mɨná bé á si gbah gá metié mé Nzyɛ̌m, ntɔ̂ʼ dwe lɨ́ ejala e syóm waá. Damá jóʼo nó, nye á si bana tiʼ mɨná gá ɨ́ lɔ̌b mpúhlá gá nyɨ́ná e Krîst. (Bɨ̌n bé á bi twiʼ ó e nzɨ̌ ncwɨ́ncwɨ́ǎ Nzyɛ̌m á lɛ̂ʼle bɨ̌n nyɨ́.)

Kolosi 2:13

Ɨ́ mimbú mí píhe, bɨ̌n bé á be ó odwe nkǒ páʼ sísǐm, tɨ̂ ɨ́ misyóm mín, le mpʉ bɨ́n á be apǎ teʼle nkûl njwɨr myâ gá wɨ́ná yɨ́. Nó ó, ɨ́ báánâ, Nzyɛ̌m, nyɨ́ sâ ó, bɨ̌n e boo Krîst, bé níʼee ɨ́ twiʼ mpâ sɔ́má gwár. Nzyɛ̌m, nyɨ́ pɛʼ bíbaa bí ébébe bíbyɛ̂h nyé á niʼe mɨná ɨ́ lɔ̌b mísyóm gá míná mímyɛ̂h.

Lʉkas 19:10

Ebě, Mwân mé Mʉr á nze ó, nzě sáa baá mû sí dîm bá ó, nye ódwe bé twiʼ.»

Éfɛsɔs 2:1

Ɨ́ mimbú mí píhe, bɨ̌n bé á be ó odwe nkǒ páʼ sísǐm, tɨ̂ ɨ́ bidyɛʼ bín, le misyóm bɨ́n á sâ mí.

Lʉkas 15:4

«Yé bé mʉr sɔ́má yɨ́n, nyě e binteme nter, nteme gwár ntɔ̂ʼ dîm nó, nye ólíʼe bínteme mekám ebǔ le ebǔ ɨ́ lʉá, ntɔ̂ʼ tó sáa yaá yé á dîm yɨ́. Nye ósáǎ nteme yaá, ɨ́ sáa, sáa, tó pyâl ɨ́ jɔʼ nyé ngá bee yé yɨ́. Yé abe nó?

Lʉkas 15:32

Sâ gwár, yê kʉ jalá ó, mɨná tyélɨɨ gá nzɔɔ bisʉhʉʉ, ebě, ntwómô á pa be ndwe nyá, nyɨ́ pah. Nye á si boo dîm. Nyɨ́ kǎ beɔɔ.”»

Rôm 6:11

Sɨ́sáʼ gá ntémé nó. Sísímsáá gá ó, bɨ̌n bé ó bʉr o b'á dwe nkǒ páʼ mísyóm bá. Símsáá gá ó, bɨ̌n mû tiʼe ó, ɨ́ páʼ mé Nzyɛ̌m ɨ́ mpúhlá nyɨ́n e Yésʉs-Krîst.

Rôm 8:2

Me á nyɛɛ be ó túʼǎ ɨ́ lɔ̌b tíná mé Syóm, bé le eswie. Me á be ó, ɨ́ mpila yɔ́ɔ́. Sísǐm mé Nzyɛ̌m nzě tíne mé ó, me bíʼee twiʼ ɨ́ mpúhlá nyɨ́h e Yésʉs-Krîst. Nye ó b'á dwih me ɨ́ mpila yaá, pɛʼ mé tɨ̂ʼ ɨ́ fá.

Rôm 12:15

Sohaa gá, bɨ̌n e bʉr o dí esoho bá. Jɨʼee gá medwê, bɨ̌n e baá o dí ejɨ bá.

Yʉanes 11:25

Yésʉs, nye e né ó: «Me ó waá dí epɛh bʉ̂r, dwe bé twiʼ nyá. Mʉr dí edyɛ̂ʼwo e me nyá, óbáʼǎ tiʼe, damá be ó, nyɨ́ dwe.

Éfɛsɔs 5:14

Ebě, sá yɨ́yɛ̂h njʉl dí ekʉn yɨ́, yé mû ó lɨ́ epan mímbah. Sá tɨ̂ʼ ó bé dí elɛ́ɛ ó: «Gua mʉr dí ɨ́ jô nyá, jɨmáa. Duhaa ɨ́ sɔ́má ódwe. Krîst pánaa go mimbah, tyen gó ɨ́ myɛ́n» yɨ́.

1 Korɛnt 12:26

Tíl nyʉ̂l gwár bé lɨ́ ebǐ túú nó, byúú bíbyɛ̂h, byé ósia e túú waá ntémé. Yʉ́ʉ́ tîl bé lɨ́ edweŋɔɔ kûm nó, bé e byúú bítíl bíbyɛ̂h, byé ósoho.

1 Timotɛ 5:6

Kúho dí etíʼe ɨ́ gwɨ́má bísâ wɨ́, wɨ́haá, wɨ́ boó dwe yé kɔ́m, damá be ó, wé dína ó lɨ́ ekubla.

Rôm 11:15

Nzyɛ̌m pǎ nyɛɛ́ sâ sáá e bʉr ó sí yɨ̂ʼ ɨ́ jɔʼ nyé á bene oYúden yɨ́, á dwɛʼra le embɨa nyé ósâ bé le onɔ́ɔ́ ɨ́ jɔʼ nyé óbáʼǎ nʉa bé yɨ́! Yé ónwɨɨla ó e pahá sóo. Bé óbe ó mpʉ ódwe o dí epah bá.

Rôm 6:13

Abîr gá bitíl ményʉ́l bín ó, byé díʼee bisá bɨ́n ósâ syóm e tɨ̂ʼ bí. Syóm, wé ámû jaá nʉa bítíl ményʉ́l bín byaá, wê nzě sâ mísyóm e tɨ̂. Bɨ̌n bé ó bʉr o b'á nyɛɛ dwe, nzě kǎ pah bá. Tímláá gá Nzyɛ̌m bɨ̌n bʉr o tɨ̂, ti e bitíl ményʉ́l bín. Byé díʼee bɨ̌n bisá bɨ́n ótó sâ ótîtyěl o bísyɛ́ɛla e byé bí.

Yʉanes 5:21

Ebě, jwɨʼ gwár mpʉ Sɔ́ŋ dí epɛh ódwe, báʼǎ dwe bé twiʼ yɨ́, nó ntémé ó Mwân ódwe baá nyé kpɛ̂l bá twiʼ.

Markus 8:22

Bê nzě pyâl Bétsɛ́da. Bʉr ntɔ̂ʼ nze nyé le ántím, nzě jɨʼla e né ó, nye kɛ́lɨɨ nye mbô.

Mɨngwiha 3:1

«Cɛmaa mékaná. Go e tyén éngeles dí edwéelě Mbɛ̌r-Nzyɛ̌m, waá dí ɨ́ Sárdɛs wɨ́ nyá. Lɛ́yɨ́ɨ́ nyé ó: Waá dí emɛ̂r mísísǐm mé Nzyɛ̌m nzaangbá ndu e l'ocwícwén nzaangbá nyá, nyě lɛ́ɛ́ ó: me lɨ́ egʉ́ǎ sá yɨ́yɛ̂h gó dí esâ yɨ́. Bʉr bɨ́ɛ bee ó, go ó kublakúbla. Nkúná gua, go ó mpʉ̌ múu.

Yʉ̂d 1:12

Jwɨʼ yɔ́ɔ́, yé lɨ́ entɨ̂ʼ ɨ́ páʼ wɨ́n. Bé buú ntɨ̂ʼ ó, ɨ́ jɔʼ bɨ́n le onɔ́ɔ́ dé méde ɨ́ Mbɛ̌r-Nzyɛ̌m yɨ́. Bé dɨ́dé ó, lɔ̂ʼwǎ lɔ́ʼwáa, ajóʼo bá sôn. Bé jaá gbɨgbâ méde ó, njɨ ɨ́ myɔ́ɔ́ mínum. Bé ó mpʉ médwíne me mpíé, pubó dí etíne, mpíé nyɨɛ akǎ nwɨ́ɨ má. Bé ntémé, bé ó mpʉ bílɨ́ bi dí abe lɨ́ egúmo mpúmó ɨ́ jɔ̌ʼ nkóno bí. Byé lɨ́ edwe nzɔ̂ʼ bá, ebě, byé lɨ́ emuna sí.

Lʉkas 10:19

Jóʼláá gâ: me á si dwe bɨ̌n nkul etíbe ónyʉ́a ndu e bibámlwál. Mɨ́ dwe bɨ́n nkul entaa ménkul mɨ́mɛ̂h me ntɨ̂m e mbɨn gá wɨ́ná. Sá ébébe, yé abe e nkul epyâl ɨ́ bɨ̌n.

Mataos 8:22

Yésʉs nzě yala e né ó: «Dúʼóó mê. Bírɨ́ɨ́ ódwe, bé dɨ́lɨɨ mimúú myɔ́ɔ́.»

Lʉkas 9:60

Nó nyé á lɛ́ɛ e né ó: «Bírɨ́ɨ́ ódwe, bé dɨ́lɨɨ mimúú myɔ́ɔ́. Gua, tóʼ, tó túnǒ Mbɨambɨa Lɔ́ɔ Mpóʼo mé Nzyɛ̌m.»

Lʉkas 15:23

Ntáʼ gá e mâ ntœœ, waá dí myáʼ nyá. Bɨ̌n a tíʼe. Mɨná tyélɨɨ gá nzɔɔ bisʉhʉʉ,

Lʉkas 15:25

«Ɨ́ jɔʼ yaá, tʉ́l á be ó pemé. Jɔʼ nyé á ka búla, nye mû bǎʼ e mbɛ̌r yɨ́, nyě kǎ jóʼo ó, ntíne pɛ̂m pɛ́mɨ́ɨ, kûl e nkom dâʼ dáʼáa, le démé.