Lʉkas 14:27 - Kálar Nzyɛ̌m : Ejwán é Sáá

²⁷ Mʉ̂r bé akpɛl énkɛ́ɛ̌ kolôs yé, dû mé nó, nye ákóʼó di mpʉ́n wǎm.

Kálara Zyɛ̌m Edwán é mpʉ̌n

²⁷ Waa ndɨ ankɛɛ klos ye, du me e, nye ákwoʼ di mpʉn wam.

Lʉkas 14:27 ပူးပေါင်းရင်းမြစ်များ

Mataos 10:38

Waá dí ankɛ́ɛ̌ kolôs yé, dû mé nyá, nye ɨ́ dwɛ̂hwa. Nyé ajala e me.

Markus 10:21

Yésʉs nzě dwɛ̂ʼ nyê, kpɛl ntémé nye. Nye e né ó: «Yé lɨ́ esáa gó sâ gwár. Tóʼ. Tó bɛ́mǎ bím bísá gó dí e byé bí. Go e dwé míndyêbndyéb mɔnɨ́ yaá. Jɔʼ yaá ó gó ngá bi ókúm le ogbaa ɨ́ buo buo ɨ́ jʉ́o kʉ́, kwá mé Nzyɛ̌m yɨ́. Píe tɨ̂, go e nzé dû mê!»

2 Timotɛ 3:12

Mʉr nyɨnyɛ̂h kpɛ́l étíʼe lɨ́ edwě Nzyɛ̌m kûm, le epûhla e Yésʉs-Krîst nyá, ótíblɔɔ.

Mɨlʉmlʉ 14:22

Bê nzě gbâ ómpʉ́n nkul ɨ́ miléme, le etɨ́e bé ó, bé tôʼ le edû búʼó gá yɨ́ná. Bé e bé ó: «Mɨ́ná bé ókpɛl gá enî ɨ́ Mpóʼo mé Nzyɛ̌m nó, mɨná bé ɨ́ jala le enyɛɛ́ sia gá e mitúú e mindɛ̌l ɨ́ buo buo.»

Mataos 13:21

Sâ gwár, lɔ́ɔ waá, wé anî nyé ɨ́ léme tʉ́ŋlʉ̌. Nyě jaá baʼle wé ó njɨ ɨ́ mâ péh jɔʼ. Jɔ̌ʼ túú le tíblá mû sí pyâl ɨ́ lɔ̌b lɔ́ɔ waá yɨ́, nyé obɨm ébɔ̌ʼ ɨ́ léme, ntɔ̂ʼ gwâʼ.

2 Timotɛ 1:12

Sɨ́ǎ yaá ó mé dí esia e mitúú yɨ́. Damá jóʼǒ mpʉ mé dí ebi mítúú mí tɨ̂ʼ yɨ́, mé ajóʼo bá sôn, ebe mé dí egʉ́a mʉ̂r mé á dyɛ̂ʼwo e né nyá. Mɨ́ bûʼla ntémé ó, nyě e nkul esâ ó, me bâʼlaa lɛ́ʼlá nyé á dwe me wɨ́. Nye óbaʼlě lɛ́ʼlá waá ó, tó pyâl ɨ́ móhó Yésʉs ngá báʼǎ nze wɨ́.

Yʉanes 19:17

Bisója nzě nʉǎ Yésʉs, bé le onɔ́ɔ́ ntɔ̂ʼ duhǒ nkana, Yésʉs mʉr tɨ̂ʼ lɨ́ enkɛ́ɛ̌ kolôs yé. Bé le onɔ́ɔ́ nzě tóŋɔɔ̌ gúmó bé á jɨjébe “Bʉ̌n Lʉ̂” yɨ́. (Ɨ́ lwǐb ébrœ̂, yé ó “Golgotâ”.)

Markus 15:21

Bé ntɔ̂ʼ mɛ̂r nyʉ́ʉ́ mʉ̂r e nkul ó, nye nkɛ́yɨɨ kolôs mé Yésʉs. Mʉr waá á be ó lɨ́ ebúlǎ pemé. Díé lé, lé á be ó, Simon, mʉr Sirénia, sɔ́ŋ mé Alexandre, bé e Rufûs.

Lʉkas 14:28

«Wáa mʉ̂r dí enyɛl nkân tólóm mbɛ̌r, nye l'apǎ láǎ bím mɔnɨ́ nyé óbɛ̌m dímle tɨ̂ʼ yɨ́, le egʉ́ǎ nkʉ̂ mɔnɨ́ yé, yé ójala e syɛ́ɛ́ súmó yaá yɨ́yɛ̂h?