Lʉkas 14:23 - Kálar Nzyɛ̌m : Ejwán é Sáá

²³ Nye e né ó: “Duhaǎ nkana bé. Tóʼ ɨ́ bwá ménzɨ̌ le ɨ́ nkpâh mikôʼ, bigúmó gó ngá bee bʉ̂r bí. Tínáá bê, bé níʼee ɨ́ mbɛ̌r wâm. Wé lónaa ɨ́ bʉr.

Kálara Zyɛ̌m Edwán é mpʉ̌n

²³ Nye e syɛl mosa waa ó: “Duha nkana. Go à to é bwa mozi le é nkpah bɨpeme, bɨgumo go ófuuba e bʉr ɨ. Bɨn bé ejala le etine be ó, bé ntaʼ, ze ni ɨ modwii mam. Mbɛr wam, wé loŋla e bʉr!

Lʉkas 14:23 ပူးပေါင်းရင်းမြစ်များ

Kolosi 1:28

Sá tɨ̂ʼ ó bɨ́h dí etúnǒ lɔ́ɔ́ mé Krîst páʼ bʉ̂r bɨ́bɛ̂h yɨ́. Bɨ̌h bé lɨ́ ecɨ̂l mʉ̂r nyɨnyɛ̂h. Bɨ̌h bé lɨ́ elɛ̂ʼle bʉ̂r bɨ́bɛ̂h le ocwóó wɨ́wɛ̂h, ó bɨ̌h nkʉ̂ tyêl bé ɨ́ míh mé Nzyɛ̌m, bé osí pǎ gwá tɔ́ma ɨ́ mipáʼ mímyɛ̂h ɨ́ nzɨ̌ mé Krîst.

2 Korɛnt 5:11

Bɨ̌h bɨ́ gʉ́ǎ sá dí esâ ó, mʉr jóʼaa Nzyɛ̌m bʉ́á yɨ́. Sá tɨ̂ʼ ó bɨ́h dí etô le edulo bʉ̂r yɨ́. Nzyɛ̌m, nyɨ́ kʉ́ gʉ́ǎ mpʉ bɨ́h dí yɨ́. Mpûʼla, nye me ɨ́ léme ó, mipahlá mílémé mín, mí gʉ́a bɨ́h ntémé nó.

2 Timotɛ 4:2

túnáá Mbɨambɨa Lɔ́ɔ. Diʼee ɨ́ cǎr ó, go túnaa wé ɨ́ bijɔʼ bi dí ejala e túnó waá bí, ti e byaá bi dí ajala e wé bí. Dwéʼ bʉ̂r mebě ɨ́ mebébe mɔ́ɔ́. Lɛ́ʼláá bé mebě mɔ́ɔ́. Gbáʼ bé pîm ɨ́ búʼó. Sáʼ nó e bíhwó, ti e milɛ́ʼlá mímpâ.

2 Korɛnt 5:20

Nó bɨ̌h bé ó bʉr o mílʉ́mlʉ́ ɨ́ syɛ́ɛ́ mé Krîst. Yé ó mpʉ̌ sá lɛ́ɛ́, Nzyɛ̌m mʉr tɨ̂ʼ ó dí ejébe bɨ́n ɨ́ nzɨ̌ njɨ́blɨ́ wɨ́h. Ɨ́ tyé mé Krîst, bɨ̌h mû lɨ́ ejɨʼla e bɨ̌n ó nɛ́ɛ: kamaa gá ó, bɨ̌n bɨɛ díʼee baá Nzyɛ̌m á sâ saá páʼ bé e boo nɔ́ɔ́ bá.

Kolosi 1:23

Bɨ́n ótô dóló le edyɛ̂ʼwo e Tî Yésʉs, le etyɛ̂b mekʉ̌ sí ɨ́ sɨ́ŋ nó, go ó, milémé mín, myé odi ɨ́ puuu. Mʉr apɨ́ŋla gâ! Mʉ̌r sá abîr ó, bé sâʼ ó, bɨ̌n léhee, nkʉ̂ sóŋlǒ Mbɨambɨa Lɔ́ɔ bɨ́n á jóʼo wɨ́. Mbɨambɨa Lɔ́ɔ waá, wé mû lɨ́ etúnɔɔ ó, ɨ́ sí yɨ́yɛ̂h, ɨ́ páʼ bʉ̂r bɨ́bɛ̂h dí sí jʉ́o bá. Mɛm Pɔ̂l á tyélɔɔ ɨ́ syɛ́ɛ́ ó, me lɛ́yɨɨ bʉr wǎ.

Rôm 10:18

Nó ó, mě dí ó nɛ́ɛ: «Nzê oYúden bɨ́ɛ, bé á bé ajóʼǒ lɔ́ɔ waá ɛ́?» Eee, bé á si gwa kʉ jóʼo wê. Yé ó mpʉ bé á cɛma ɨ́ Mekaná mé Nzyɛ̌m yɨ́. Yê cɛmá ó: Bʉr, bé á be ɨ́ tô le etúnǒ gúmó yɨ́yɛ̂h, mecwíí mɔ́ɔ́ jwɨ̂ʼ ɨ́ sí yɨ́yɛ̂h, tó pyâl ɨ́ medumo mé sí mɨ́mɛ̂h.

Mɨlʉmlʉ 28:28

Pɔ̂l, nye e bé ó: «Gʉ́ŋáá gá ó nɛ́ɛ: lɔ́ɔ́ dí esâ ó, Nzyɛ̌m tíʼɨɨ bʉr wɨ́, wé mû ó lɨ́ elɛ́ɔɔ kwá baá o dí abe óYúden bá. Bɨ́ɛ, bé ókʉ́ jóʼo wê.»

Mɨlʉmlʉ 18:6

Bʉr oYúden bɨ́ɛ, bé á be lɨ́ epére mékǎn e né, le elwɨ́ɔɔ nyê. Nye nzě kuro pím mikán myé. Nye ó: «Bɨ́n ódîm nó, yé óbe ó lɔ̌b wɨ́n bʉr o tɨ̂. Mɛm, mé abe e lɔ̌b tɨ̂. Táare ɨ́ báánâ, me múo nzě tô kwá bʉr o bíkúl bíswîh.»

2 Korɛnt 6:1

Ebě, Nzyɛ̌m lɛ́ɛ́ ó nɛ́ɛ: «Ɨ́ jɔʼ yé á jala yɨ́, me á si jóʼo go. Ɨ́ móhó mé á tiʼ bʉ́ʉ́ bʉ̂r wɨ́, me á si kɛm go ntémé.» Nó mpʉ bɨ́h dí esɨséǎ Nzyɛ̌m syɛ́ɛ́ gwár yaá yɨ́, bɨ̌h bé lɨ́ ejɨʼla e bɨ̌n ó, bɨ̌n ayɨ́ bi mpâm mé Nzyɛ̌m dwêh. Jɔ̌ʼ Nzyɛ̌m á kam ó, nye óyala mɨ́ná gá yɨ́ ó yɨ̂. Móhó nyé á tyêl lɨ́ esú lé étiʼ mɨ́ná gá wɨ́ ó wɨ̂.

Mɨlʉmlʉ 9:15

Nó ó Tî Yésʉs á lɛ́ɛ e né ó: «Tóʼ, ebě, me á si twâr mʉ̌r nɨ̌. Lɔ́ɔ́ wâm, wé ótó lɛ́ɔɔ kwá byúú bíkûl bi bʉ̂r ó, ɨ́ nzɨ̌ nyé. Nye ólɛ́ɛ ntémé ojwɨ́ɨ́ bɔ́ɔ́ wǎ, bé e bʉr o b'Ɨ́zraɛ̂l.

Mataos 21:43

«Sá tɨ̂ʼ ó mé dí elɛ́ɛ bɨ́n ó, Nzyɛ̌m múo nzě dwih Mpóʼo nyé kwá nyɨ́n yɨ́. Nyé okǎ tyêl Mpóʼo nyaá kwá bʉr o ngá séa nyé syɛ́ɛ́ bá.

Mɨlʉmlʉ 16:15

Nye nzě duŋɔɔ, bé e mbɛ̌r bʉ̂r wé ntémé. Nó nyé á jébe bɨ̌h. Nye e bɨ̌h ó: «Yé bé bɨ̌n bɨ́ gwá kʉ́ bee ó, me mû ó lɨ́ ekʉ́ dyɛ̂ʼwo e Tî Yésʉs nó, ntaá di gá ɨ́ mbɛ̌r wâm.» Nó nyé á tíne bɨ̌h ó, bɨ̌h kámaa.

Lʉkas 24:29

Mpʉ bé á bee nó yɨ́, bé ntɔ̂ʼ lɛ́ɛ e né ó: «Mɨná díʼee gá wâ. Dʉ́o mû ó lɨ́ enzě jâ; pum lɨ́ edwíne.» Bé e nɔ́ɔ́ nzě nî mbɛ̌r tʉ́ŋlʉ̌.

Mataos 5:41

Mʉ̂r sá gó mpêl, sâ ó, go nkɛ́yɨɨ nye mimbeʼ tâŋ kíloméra ngwár nó, gua, go e sá óbá.

Lʉkas 14:22

Píe tɨ̂, syɛ̂l mesâ wé ntɔ̂ʼ báʼǎ lɛ́ɛ e né ó: “Dâ ɛ̌, mɨ́ sâ mpʉ gô lɛ́ɛ́ ó, me sâʼ yɨ́. Mɨ́ tó kœb ó, byúú bídiá, byé dína ó tʉ̂toʼó.”

Lʉkas 14:24

Ebě, mě lɛ́ɛ́ bɨ́n ó: kâr mʉ̂r ngwár ɨ́ sɔ́má bʉ̂r mé á nyɛɛ báŋle bá, ngá kǎ bóblo méde mé dína yâm!”»