Lʉkas 14:21 - Kálar Nzyɛ̌m : Ejwán é Sáá

²¹ Syɛ̂l mesâ waá ntɔ̂ʼ swîʼ, tó lɛ́ɛ sɔ́ŋ wé minkar myɔ́ɔ́ mímyɛ̂h. Lémé mʉ̂r mbɛ̌r ntɔ̂ʼ lóno ɨ́ nkpaa. Nye ó: “Kpáhwá tô ɨ́ minkpǎʼ ndu e menzɨ̌ mé nkana, lɨ́ etô le ebáŋle míndyêbndyéb, bé e bʉr o dí e bidyɛ̂m bá, baántím ndu e baá o dí etɨ́a bá. Go e nzé e bɨ́bɛ̂h wâ.”

Kálara Zyɛ̌m Edwán é mpʉ̌n

²¹ Syɛl mosa waa ntɔʼ fiʼ, to lɛɛ sɔŋ we mɨnkar myɔɔ mimyɛh. Mʉr mbɛr ntɔʼ kpaa empime. Nye ó: “Kpahba to é mɨmpaʼa ndwe e mozi mo nkana, lé eto le ejebe baanteʼenteʼe bé e baanya-bɨjyɛm, ontim ndwe e baa lé etɨa ɛ. Go ntaʼ e bɨbɛh wâ.”

Lʉkas 14:21 ပူးပေါင်းရင်းမြစ်များ

Lʉkas 14:13

Sáʼ njɨ ó, ɨ́ jɔʼ gó mû lɨ́ etyêl nzɔ́ɔ yɨ́, báŋláá míndyêbndyéb, bʉr o dí e bidyɛ̂m bá, bʉr o dí etɨ́a bá, ti e baántím.

Jacques 2:5

Bɨ́ɔɔ́ bâm! Okɛ́l bâm! Bʉr mé dí ekpɛl bá! Jóʼláá gâ: Nzyɛ̌m á si twâr baántéʼenteʼe o bʉ̂r ó sí yɨ̂ʼ lɨ́ esú ó, nye gbâʼ bé buobuo búʼó ɨ́ miléme. Nzyɛ̌m á si kɛʼ bʉr o dí ekpɛl nyé bá ó, nye ódwe bé mimbɨambɨa bísâ ɨ́ Mpóʼo nyé. Ntʉ báántéʼenteʼe o bʉ̂r ó sí yɨ̂ʼ ó ngá lîʼ e bisá nyé á kɛʼ bí ɛ́?

Mataos 11:5

Baántím, bé mû ó lɨ́ ebáʼǎ bee. Bʉr o b'á tɨtɨ́a bá, bé lɨ́ etye mbɨ̂mbɨá. Minzɨ̂nzǎm, sí tiʼe. Mingʉʼ, myé mû ó lɨ́ ejóʼo; odwe lɨ́ epah ɨ́ mesoo. Mbɨambɨa Lɔ́ɔ, wé mû ó lɨ́ elɛ́ɔɔ kwá baántéʼenteʼe o bʉ̂r le baá o dí ɨ́ kpaa nkóó bá.

Yʉanes 9:39

Yésʉs, nye ó: «Me á nze ɨ́ sí yɨ̂ʼ ó, lɨ́ enzě tíʼe bʉ̂r milɔ̌b. Me á nze sâ ó, baántím, bé béyɨɨ; baá o dí ebee bá, líŋaa baántím.»

Lʉkas 14:24

Ebě, mě lɛ́ɛ́ bɨ́n ó: kâr mʉ̂r ngwár ɨ́ sɔ́má bʉ̂r mé á nyɛɛ báŋle bá, ngá kǎ bóblo méde mé dína yâm!”»

Ebrœ̂ 2:3

Mɨná gá bɨɛ bé á be ó sí ntɨhɔɔ̌ lɔ́ɔ́ twiʼ dí elaa mpáŋla bééngeles bé á túno nyɨ́. Mʉr á nyɛɛ lɛ́ɛ lɔ́ɔ waá nyá, á be ó Tî Yésʉs mʉr tɨ̂. Ntémé, bʉr o b'á jóʼo nye bá ó b'á lɛ́ɛ mɨná gá ó, wé ó lɔ́ɔ dí e nkul wɨ́. Á nó, mɨ́ná ópyêh wé nó, mɨná bé okǎ swab gá nkoó?

Mɨngwiha 22:17

Nó ó Sísǐm mé Nzyɛ̌m, bé e mʉmá mé Mâ Nteme, bé lɨ́ elɛ́ɛ ó: «Ntáʼ!» Nó ntémé ó, mʉr dí ejóʼo nyá, nye lɛ́yɨɨ ntémé ó: «Ntáʼ!» Mʉr dí ejóʼǒ dwéh médíbé nyá, nye ntâʼ. Waá kpɛ́l nyá, nye dáalaa medíbé mé twiʼ, abwâm.

Mɨngwiha 19:15

Pasoŋ dí njebá ɨ́ bábla bábla ɨ́ lya lyá lyá yɨ́, nye á duho nye ó, ɨ́ num, ebě, nye óŋmɛ̂h bíkúl bíbyɛ̂h e tɨ̂. Nye ópɨpála bé ó e nkul jwɨ́ɨ ɨ́ lele lele mpʉ̌ súmǔ nkóho. Nye ómân bé mpʉ bé dí emân mpúmó ɨ́ pǎr yɨ́. Nó yé dí elɛ̂ʼle ó, mpʉ̌ lémé mé Nzyɛ̌m, Nzyɛ̌m nkul nyɨnyɛ̂h, wé á ka lóno ɨ́ nkpaa yɨ́.

Ebrœ̂ 13:17

Jóʼáá gá otyɛ̂b bé ésôʼ bɨ́n. Bɨ̌n e tyé ɨ́ jwɨ́ɨ́ yɔ́ɔ́. Ebě, bé ó dí ebaʼle mísísǐm mín. Bé ntémé ó ngá tó lɛ́ɛ̌ Nzyɛ̌m mpʉ bé á séa lɨ́ esú lɨ́n yɨ́. Bɨ́n sá bé mejóʼo nɛ́ɛ: bé oséǎ syɛ́ɛ́ yɔ́ɔ́ e bisʉhʉʉ. Yé bé abe nó wá, bé ójóʼo mébúʼ. Syɛ́ɛla yaá, abe bɨ́n e nyɔm.

Lʉkas 24:47

Yé á boo be cɛmá ntémé ó, bʉr, bé ótô ɨ́ lʉ́mlʉ́ wé, le etúnǒ Mbɨambɨa Lɔ́ɔ. Bé ótô le elɛ́ɛ bʉ̂r ó, bé túmaa mikoo e misyóm myɔ́ɔ́, le edwira míléme, Nzyɛ̌m pɛ́ʼɛɛ bé bibaa bí ébébe byɔ́ɔ́. Lɔ́ɔ waá, wé ónyɛɛ́ túnɔɔ ó, ɨ́ Yerʉ́zalɛm, tó túnɔɔ ntémé kwá bikúl bíbyɛ̂h.

Mataos 11:28

«Ntáʼ gá kwá nyǎm, bʉr bɨ́bɛ̂h mû sí tyɛʼ lɨ́ enkɛ́ɛ ódiledile o mímbeʼ bá. Me ódwe bɨ́n egbalá.

Lʉkas 9:10

Jɔʼ bʉ̂r o mílʉ́mlʉ́ mé Yésʉs, bé á búla yɨ́, bê nzě lɛ́ɛ nyé sá yɨ́yɛ̂h bé á sâ yɨ́. Nye nzě nʉa bê, tô e bé ɨ́ gúmó bé á to di bé omér yɨ́. Yé á be ó nko kwár bé jɨ́jébé ó, «Bétsɛ́da» yɨ́.

Mataos 18:31

Tó kœb ó, bʉ́ʉ́ bʉ̂r ó njoo yé, jɔʼ bé á bee syɛ́ɛla yaá yɨ́, nyʉ̂l ntɔ̂ʼ tyɛʼ bê. Bê nzě tó bee sɔ́ŋ wɔ́ɔ́ le onɔ́ɔ́, lɛ́ɔɔ nyé sá yɨ́yɛ̂h laá yɨ́.

Mataos 15:12

Ompʉ́n mé Yésʉs, bê nzě sîhlě súm nyé á be yɨ́. Bé e né ó: «Nzê gʉ́ gʉ́a ó, sá gô lɛ́ɛ́ nɨ̌, yê bé ó ebɔ̌ʼ ɨ́ nkǒ páʼ óFarizyɛ̂n ɛ̌? Lê bé sí bɨma bé ɨ́ miléme.»

Lʉkas 14:20

Waá lɛ̂l, nye ó: “Mɛm alúno bâ mʉ́má. Sá tɨ̂ʼ ó mé dí abe e nkul enze yɨ́.”

Lʉkas 14:22

Píe tɨ̂, syɛ̂l mesâ wé ntɔ̂ʼ báʼǎ lɛ́ɛ e né ó: “Dâ ɛ̌, mɨ́ sâ mpʉ gô lɛ́ɛ́ ó, me sâʼ yɨ́. Mɨ́ tó kœb ó, byúú bídiá, byé dína ó tʉ̂toʼó.”

Mataos 20:7

Bê nzě yala e né ó: “Ebě, mʉr bé ajébe bɨ́h bɨɛ ó, bɨ̌h tô séa nyé syɛ́ɛ́.” Nye e bé ó: “Bɨ̌n nyɨɛ ntémé, laŋaa gâ. Tó séa gá ɨ́ pemé yâm.”