Lʉkas 14:15 - Kálar Nzyɛ̌m : Ejwán é Sáá

¹⁵ Mpʉ nyʉ́ʉ́ mʉ̂r á jóʼo Yésʉs lɨ́ elwib nó yɨ́, nye e né ó: «Metyɛʼ me mpóm, mé díʼee e mʉr óde méde ɨ́ Mpóʼo mé Nzyɛ̌m nyá.»

Kálara Zyɛ̌m Edwán é mpʉ̌n

¹⁵ É mpʉ nuu mʉr a joʼo Yesʉs lé elwib no e, nye ze lɛɛ e nye ó: «Mocyɛʼ mo mpom, mé ó e mʉr óde dina é jwɨ̀ʼa mo Zyɛm ɨ!»

Lʉkas 14:15 ပူးပေါင်းရင်းမြစ်များ

Mɨngwiha 19:9

Nó ó éngeles á lɛ́ɛ e me ó: «Cɛmáa. Nzyɛ̌m sʉ́ʼoo metyɛʼ me mpóm ɨ́ bʉr o b'á báŋlɔɔ ó, bé tô de méde ɨ́ nzɔɔ ebá mé Mâ Nteme bá.» Nye nzě báʼǎ lɛ́ɛ e me ó: «Mekǎn mâ, mé kʉ́ be ó tyeetye. Mé duho ó, ɨ́ num mé Nzyɛ̌m.»

Lʉkas 22:30

lɨ́ esú ó, bɨ̌n dêʼ mede le menyoʼ ɨ́ téble wǎm, ɨ́ Mpóʼo mé ngá jwɨ́ɨ nyɨ́. Bɨ̌n bé ódi ɨ́ mecwɨ́ɨ́ mé ójwɨ́ɨ mɨ́n tɨ̂, lɨ́ etíʼe ménzweh mé Ɨ́zraɛ̂l kám e mebá milɔ̌b.»

Lʉkas 13:29

Bʉr, bé óduhǒ nko mejɨma me dʉ́o, ndu e nko mejá mé dʉ́o. Bé óduhǒ nko tín ndu e nko tie. Bé óswâl, ntɔ̂ʼ nʉa bídiá byɔ́ɔ́ ɨ́ dína ɨ́ Mpóʼo mé Nzyɛ̌m.

Mataos 25:10

Jɔʼ bíhaá, byé á be, byé dína lɨ́ etó bwâm múlo yɨ́, mʉr á bêm mʉmá nyá, nye ntɔ̂ʼ pyâl, kœb byaá byé á be ɨ́ cǎr bí. Bibíŋ méséhe byaá, bé e mʉr waá, bé ntɔ̂ʼ nî ɨ́ nzɔɔ ebâ, nyɨɛ ntɔ̂ʼ dible ébê ɨ́ kpɨ̂m.

Lʉkas 12:37

Metyɛʼ me mpóm, mé óswɨɨ lɨ́ osyɛ̂l o mésá nyé ngá kœb ɨ́ doho bá. Mě lɛ́ɛ́ bɨ́n lɨ́ otyeetye ó, nye ótyeele káná wé, dil bé ɨ́ téble, ka bé mede.

Mataos 8:11

Mě lɛ́ɛ́ bɨ́n lɨ́ otyeetye ó, bʉr ɨ́ buo buo, bé óduhǒ nko dʉ́o dí ejɨma le nko dʉ́o dí ejâ yɨ́. Bé onî ɨ́ Mpóʼo mé Dâ Nzyɛ̌m, ntɔ̂ʼ nʉa bídiá byɔ́ɔ́ ɨ́ dína, bé le Abraham, Isaac le Yákɔb.

Lʉkas 22:16

ebě, mě lɛ́ɛ́ bɨ́n ó: me ákǎ báʼǎ de mé ndéá swîh, tó pyâl ɨ́ jɔ̌ʼ ndéá mû sí táare ɨ́ móhó wɨ̂, ngá lwɨ́ŋlɨ ɨ́ Mpóʼo mé Nzyɛ̌m yɨ́.»