Lʉkas 14:13 - Kálar Nzyɛ̌m : Ejwán é Sáá

¹³ Sáʼ njɨ ó, ɨ́ jɔʼ gó mû lɨ́ etyêl nzɔ́ɔ yɨ́, báŋláá míndyêbndyéb, bʉr o dí e bidyɛ̂m bá, bʉr o dí etɨ́a bá, ti e baántím.

Kálara Zyɛ̌m Edwán é mpʉ̌n

¹³ Saʼ ó, é jɔʼ go muno ze cyel dina ɛ, baŋla baanteʼenteʼe, baanya-bɨjyɛm, bʉr lé etɨa ɛ, ndwe e l'ontim.

Lʉkas 14:13 ပူးပေါင်းရင်းမြစ်များ

Lʉkas 14:21

Syɛ̂l mesâ waá ntɔ̂ʼ swîʼ, tó lɛ́ɛ sɔ́ŋ wé minkar myɔ́ɔ́ mímyɛ̂h. Lémé mʉ̂r mbɛ̌r ntɔ̂ʼ lóno ɨ́ nkpaa. Nye ó: “Kpáhwá tô ɨ́ minkpǎʼ ndu e menzɨ̌ mé nkana, lɨ́ etô le ebáŋle míndyêbndyéb, bé e bʉr o dí e bidyɛ̂m bá, baántím ndu e baá o dí etɨ́a bá. Go e nzé e bɨ́bɛ̂h wâ.”

Ebrœ̂ 13:2

Mʉ̌r sá asâ épɨ̂h lɨ́ enʉa ójwóo o dí epyâl kwá nyɨ́n bá mbɨ̂mbɨá. Bʉ́ʉ́ bʉ̂r, bé á si nʉa ojwóo mbɨ̂mbɨá, bé ntɔ̂ʼ kœb ó, nkúná yé á be ó beéngeles, bɨ́ɛ l'agʉ́a.

Mataos 22:10

Osyɛ̂l o mésá bé ntɔ̂ʼ tô ɨ́ menzɨ̌ mɨ́mɛ̂h, tô le egôhlɔɔ bʉ̂r o bé á bʉbɔma e bé bá, le bibɨ́bla bi bʉ̂r le otîtyěl o bʉ̂r. Mbɛ̌r nzɔ́ɔ ebâ nzě lóno lɨ́ ojwóo ɨ́ lúrúdú.

1 Timotɛ 5:10

Go ócɛmǎ kúho díe ó, waá wé óbe, wé mû sí gúmo ɨ́ páʼ bísyɛ́ɛla bimpâ wɨ́. Wé díʼee mbi mʉ́má wɨ̂: waá á gwɨ̂l bwân, nʉa ójwóo mbɨ̂mbɨá, waá á jwɨɨ bʉr o mé Nzyɛ̌m mekʉ̌, kɛm bʉ̂r o dí esia e mitúú bá, gbâ nkûl lɨ́ esâ bísyɛ́ɛla bimpâ mimbi mímyɛ̂h wɨ́.

1 Timotɛ 3:2

Nó yé jɨ ó, waá dí epála bʉ́ʉ́ nyá, díʼee mʉr dí, abe e nkul edweŋɔɔ mébě nyá. Nye díʼee njʉ̂m mʉmá ngwár. Nyé ajala le ebe mʉ̂r dí ede ményoʼ, puro nyá. Nye dwêʼ nyʉ̂l nyé medile. Nye díʼee mʉr dí e dúu nyá. Nye díʼee mʉr dí enʉa ójwóo, waá dí egʉ́a édwe bʉ̂r milɛ́ʼlá nyá,

Títos 1:8

Nyě mbɨa ó, di mʉ̂r dí egʉ́a énʉa ójwóo nyá. Lémé wé, wé dúʼoo sɔ̂ʼ njɨ embɨa. Nye dwêʼ nyʉ̂l nyé medile. Nye díʼee tîtyěl, e léme ɨ́ sɔ́ɔ́ɔ́ ɨ́ mîh mé Nzyɛ̌m. Nye gʉ́ŋaa emâr léme.

Filemɔŋ 1:7

Mɨ́ɔɔ́ wǎm, yé á si bu dwe me bisʉhʉʉ lɨ́ ebeě mpʉ gó dí ekpɛl óbûʼla yɨ́. Yé ntémé, yé á si bu gbâ bé nkul ɨ́ miléme.

Mɨlʉmlʉ 9:39

Nó Pétrus á mɔa sí, bé e boo nɔ́ɔ́ nzě tô. Jɔʼ bé á pyâl yɨ́, bê nzě tô e né ɨ́ ntɔ́ɔ mbɛ̌r nyaá. Mikúhó mí bʉ́bá mímyɛ̂h, myé ntɔ̂ʼ sîhlě bǎʼ e né, le ejɨŋɔɔ médwê. Bé ntɔ̂ʼ lɛ̂ʼle Pétrus mintɔra mi kʉ́ le okʉ̂r Dɔ́rkas á lar bé ɨ́ jɔʼ nyé á be apǎ dwe yɨ́.

Lʉkas 11:41

Dwéʼ gá baántéʼenteʼe o bʉ̂r sá dí ɨ́ bisʉ́á bín tʉ́ŋlʉ̌ yɨ́. Bɨ̌n bé óbee ó, bisʉ́á bín bíbyɛ̂h, byé ó mbɨ̂mbɨá ɨ́ míh mé Nzyɛ̌m.

Mataos 15:30

Mentumo me bʉ̂r ɨ́ buo buo, mé ntɔ̂ʼ nzě súm nyé á be yɨ́ le mimbêl ɨ́ buo buo: baá bé á tɨtɨ́a bá, baántím, baá bé á be e bidyɛ̂m, baányâ-emúmó, le myúú mímbêl ɨ́ buo buo. Bʉr, bé á nze le mimbêl myaá bá, bé á susul myé ó, sí mekʉ̌ mé, nye nzě tiʼ myê.

Lʉkas 14:12

Yésʉs ntɔ̂ʼ lɛ́ɛ e mʉr nzɔɔ ó: «Jɔʼ gó jámlé bʉ̂r mede, nkʉ̂ sâ dína yɨ́, abáŋle ósó bô, nkʉ̂ bɨ́ʉ̌, nkʉ̂ mimbyɛ́l myô, nkʉ̂ bʉr o bímɔnɨ́ dí ekúnwo e go bá, lɨ́ ekpɛ́ɛ ó, bé ámû jaá báŋle gó ó, go tô de ɨ́ myɔ́ɔ́ mímbɛ̌r. Gó sá nó wá, go óbi myɛ́na mô, lɨ́ etó de méde mɔ́ɔ́.

Lʉkas 14:14

Gó sá nó wá, go óbi métyɛʼ me mpóm, ebě, bé abe e nkul ebwóolo gó embɨa lô. Embɨa laá, lé óbwóolɔɔ gó ó, ɨ́ móhó ótîtyěl o bʉ̂r, bé ópah wɨ́.»