Lʉkas 13:19 - Kálar Nzyɛ̌m : Ejwán é Sáá

¹⁹ Nyě nwɨɨlá ó e díh é nzɔ́m nyʉ́ʉ́ mʉ̂r á to myam ɨ́ pemé yé lɨ́. Lê nzě pâh, sâ lɨ́ ɨ́ ntuuu. Binʉ̌n nzě lʉ́o mɔ̂ʼ mɔ́ɔ́ tɨ̂ʼ ɨ́ milɔ́ɔ.»

Kálara Zyɛ̌m Edwán é mpʉ̌n

¹⁹ Yé enwɨɨla ó e mpœʼ mpœʼ ndɨ bim boho nʉo e. Nye ó mbèl mompœʼ a nʉa, ntɔʼ myɛʼ é modiʼe mo peme me e. Nye ze pah, sa lɨ é ntuuu. Bɨnɔn ze dɨ bebre tɨʼ é mɨlɔɔ.»

Lʉkas 13:19 ပူးပေါင်းရင်းမြစ်များ

Mɨlʉmlʉ 4:4

Sâ gwár, bʉr ɨ́ buo buo o b'á jóʼo milɔ̌b myaá bá, bé á be ó sí bûʼla. Tâŋ bʉrʉ̂m o b'á dwira miléme bá, nye á si pyâl kúnókúno e bʉr otɔ́ɔ́sin otɛ̂n.

Mɨlʉmlʉ 2:41

Buobuo bʉr ɨ́ sɔ́má yɔ́ɔ́, bé ntɔ̂ʼ kǎm sá Pétrus á lɛ́ɛ yɨ́, ntɔ̂ʼ duŋɔɔ. Ɨ́ móhó waá, kúnókúno e bʉr otɔ́ɔ́sin olɛ̂l, bé á si nî ɨ́ sɔ́má óbûʼla.

Mɨlʉmlʉ 21:20

Jɔʼ bé á sil ejôʼlo sá nyé á lɛ́ɛ bé yɨ́, bé ntɔ̂ʼ gúmlǒ Nzyɛ̌m. Bê nzě lɛ́ɛ e Pɔ̂l ó: «Mɨ́ɔɔ́ wɨ́h ɛ́, go mʉr tɨ̂, gʉ́ beě bím ótɔ́ɔ́sin bé óYúden mû sí dyɛ̂ʼwo e Yésʉs-Krîst yɨ́. Bɨ́bɛ̂h ntémé, bé lɨ́ egbâ nkûl ɨ́ dwííí lɨ́ ebaʼle métié mé Moyɨ̂z.

Mataos 17:20

Nye nzě yala e bé ó: «Yé ó ɨ́ lɔ̌b búʼó yɨ́n dí ɨ́ twâʼwo yɨ́. Mě lɛ́ɛ́ bɨ́n lɨ́ otyeetye ó, bɨ́n óbe e mâ búʼó mpʉ díh é nyʉ́ó nó, bɨ̌n bé óbe e nkul elɛ́ɛ le ecwɨ́ʼ lɨ̂ʼ ó: “Nkɛ́yɨ́ɨ́ gó mʉr tɨ̂ʼ wâ. Tó tyɛ̂b kâ,” yé óbánǎ sâ nó. Abe e sá yé ógbâ bɨ́n mekɔbla tɨ̂.»

Mɨngwiha 11:15

Píe tɨ̂, éngeles nzaangbá á si lʉ́o sébé wé. Me ntɔ̂ʼ jóʼo métwíí ménɨ́nɨ́ɨ́, duho ɨ́ jʉ́o kʉ́. Mé ó: «Dâ Nzyɛ̌m wɨ́h, bé e mʉr nyé á lœm múló mé jwɨ́ɨ nyá, bé ó dí e jwɨ́ɨ ɨ́ páʼ bʉ̂r ó sí yɨ̂ʼ bɨ́bɛ̂h. Jwɨ́ɨ́ yé, yé ódǐ njʉ̌m dǐ e njʉ̌m dǐ.»

Rôm 15:19

Me á sɨséa ntémé ó e mesimá, le bisá bí ékâm, ti e bisyɛ́ɛla bi nkûl Sísǐm mé Nzyɛ̌m wé á sâ bí. Me á nze túno Mbɨambɨa Lɔ́ɔ dí edumo e Yésʉs-Krîst wɨ́ ó, bigúmó bíbyɛ̂h, táare ɨ́ Yerʉ́zalɛm, tó kumǒ Ilirikɔ̂m.

Lʉkas 17:6

Tî Yésʉs ntɔ̂ʼ yala ó: «Búʼó yɨ́n, yé damá twâʼwo mpʉ dîh é nyʉ́ó, yé bé yé ó mpǎŋ búʼó nó, bɨ̌n bé e nkul elɛ́ɛ e lɨ́ yɨ̂ʼ ó: “Duhaa wâ, go e tó tyɛ̂b ɨ́ mâŋ,” yé ntémé ntɔ̂ʼ sâ bɨ́n mejóʼo.»

Markus 4:30

Yésʉs nzě dî ó: «Mɨná bé e nkul ejwɨʼ gá Mpóʼo mé Nzyɛ̌m e wáǎ mbǐ sɔ̂ʼ? Yáǎ kɨkɛna mé ókǎ báʼǎ sâ bɨ́n lɨ́ elɛ̂ʼle bɨ́n mpʉ nyé dí yɨ́?