Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




Lʉkas 13:14 - Kálar Nzyɛ̌m : Ejwán é Sáá

14 Njwɨ́ɨ mpáh minjɨʼla ntɔ̂ʼ jóʼo ébébe é léme, duho ɨ́ syɛ́ɛla mé Yésʉs, ebě, nye á si tiʼ mʉr ɨ́ móhó sábat. Njwɨ́ɨ mpáh minjɨʼla waá ntɔ̂ʼ lɛ́ɛ le entumo e bʉ̂r ó: «Ɨ́ sóno nyɨnyɛ̂h, yé e móhó ngwár dí móhó sábat wɨ́. Mimóhó mísaman, myê mɨná gá e nyɔm ó, lɨ́ esú ó, mɨná séaa gâ bisyɛ́ɛ́. Ntaá nzě joma gá ɨ́ mimóhó myaá, abe yɨ́ɛ móhó sábat.»

အခန်းကိုကြည့်ပါ။ ကော်ပီ

Kálara Zyɛ̌m Edwán é mpʉ̌n

14 Njwɨɨ mpah mɨnjwɨʼla ntɔʼ joʼo Yesʉs ebebe é lɔb syɛɛla ye, ebe, nye a si bana tiʼ zyoo é moho saba. Nye e bʉr bɨbɛh ó: «É sono nyiwɛh, yé e moho ngwar ndɨ moho saba ɛ. Mɨmoho tobo, myé ó bɨna ga e nyɔm é l'efu ó, bɨna sea ga. Ntaʼ, ze jʉmba ga é mɨmoho myaa, abe yɛɛ moho saba.»

အခန်းကိုကြည့်ပါ။ ကော်ပီ




Lʉkas 13:14
20 ပူးပေါင်းရင်းမြစ်များ  

Jɔʼ óFarizyɛ̂n, bé á bee syɛ́ɛla yaá yɨ́, bê nzě lɛ́ɛ e Yésʉs ó: «Paá beě mpʉ ómpʉ́n bô dí esâ sá dí ajala le esyɛ́ɛ ɨ́ móhó sábat yɨ́!»


Nó olɛ̂ʼla o métié, bé l'oFarizyɛ̂n, bé á be ó lɨ́ etirwǒ Yésʉs, lɨ́ edwɛ̂ʼ nkʉ̂ nye ótiʼ mʉ̂r waá ɨ́ móhó sábat. Nyé ósâ nó wá, bé opur nyê.


Nyʉ́ʉ́ mʉ̂r, díé lé Yárwis, ntɔ̂ʼ pyâl. Nye á be ó tyɛ̂b esôʼ ɨ́ mpáh minjɨʼla. Nye ntɔ̂ʼ kúrwo sí, píʼe mpóm ɨ́ bibwǎh ɨ́ mpǒm mé Yésʉs, nzě jɨʼla e né ó, bé e nɔ́ɔ́ tôʼ mbɛ̌r wé,


Nyʉ́ʉ́ njwɨ́ɨ mpáh minjɨʼla, díé lé Yárwis, ntɔ̂ʼ pyâl. Jɔʼ nyé á bee Yésʉs yɨ́, nye nzě kúrwo sí, píʼe mpóm ɨ́ bibwǎh ɨ́ mpǒm nyé,


Mě lɛ́ɛ́ bɨ́n ɨ́ páʼ wɔ́ɔ́ ó, mpǎŋ gwɨ́má yɔ́ɔ́, yé ó, bé nkʉ̂ buú dû Nzyɛ̌m. Bé agʉ́a yɨ́ɛ mpaŋ nzɨ́ bé jálá le edû nyɨ́.


Bʉr o nkɔ́m nyé bɨ́bɛ̂h ntɔ̂ʼ mɛ̂r Sostɛ̂n, njwɨ́ɨ mpáh minjɨʼla oYúden, bíŋɔɔ nyé gúmó tîʼ milɔ̌b á be ndîndǐl yɨ́. Galíɔŋ nyɨɛ á bé anʉǎ syɛ́ɛla yaá, gbâ yé ɨ́ nkɔb.


Nó ó, Kríspʉs, njwɨ́ɨ mpáh minjɨʼla oYúden á nze dyɛ̂ʼwo e Tî Yésʉs, bé e mbɛ̌r bʉ̂r wé wɨ́wɛ̂h. Bʉr ó Kórɨnt o b'á jʉjóʼo Pɔ̂l bá, bé á si bûʼla ntémé ɨ́ buo buo, le eduŋɔɔ.


Píe métié le mekaná mé ógwíha o mílɔ̌b, mé á sîl eláŋɔɔ yɨ́, nó ójwɨ́ɨ o mpáh bisulá, bé á sâ ó, bé lɛ́yɨɨ ó: «Bɨ́ɔɔ́, yé bé nyʉ́ʉ́ mʉ̂r ɨ́ sɔ́má yɨ́n, nyě e sá élɛ́ɛ dí e nkul egbâ bʉ̂r nkul ɨ́ miléme nó, nye lɛ́yɨɨ bʉr yǎ ɨ́ báánâ.»


Bʉ́ʉ́ bʉ̂r o b'á bee nó bá, bê kʉ́ nzě jóʼo mébúʼ. Bé ntɔ̂ʼ lwibla lɨ́ esáǎ mbi ébébe bé dí e nkul esâ Yésʉs wɨ́.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ