Lʉkas 12:45 - Kálar Nzyɛ̌m : Ejwán é Sáá

⁴⁵ Syɛ̂l mesâ waá sí jwɨʼ ɨ́ lémé wé tʉ́ŋlʉ̌ ó: “Yé ó go ó, Sɔ́ŋ wǎm álɨ̌ búla” nɛ́ɛ: nye óbɛ̌m táare ébî bʉ́ʉ́ ósyɛ̂l o mésâ, bʉbá e bʉrʉ̂m. Nye bɛ̌m táare ntémé ede méde le menyoʼ, le epuro ményoʼ.

Kálara Zyɛ̌m Edwán é mpʉ̌n

⁴⁵ Wáa mʉr é l'esama lɨn ndɨ ebula nwɨɨla e bɨbla syɛl mosa ɛ? Mbi syɛl mosa waa, nye ejwɨʼ é leme we tʉŋlʉ ó: “Tî wam, nye ó mpʉ sa lɛɛ ó, nye aŋa lɨ bula.” Nye eka taare lé eŋmɛh osyɛl o mosa o bʉba ndwe e baa o bʉrʉm, le egubo de mode le ebɛble monwoʼ mɔɔ. Mpur, nye òmɛr nye.

Lʉkas 12:45 ပူးပေါင်းရင်းမြစ်များ

Mɨngwiha 18:24

Ebě, ntémé, Nzyɛ̌m á bee ó, gó e mpono metié me bʉ̂r ɨ́ nyʉ̂l. Gʉ́ jʉ̂ ógwíha o mílɔ̌b ndu e bʉr ó Nzyɛ̌m á twâr bá. Go ó b'á jʉ̂ bʉr ó sí yɨ̂ʼ bɨ́bɛ̂h, bé á dwe ɨ́ cére bá.

Mɨngwiha 16:6

ebě, bé á si kʉ jʉ̂ bʉr o gó á twâr bá, bé le ogwíha o mílɔ̌b bô. Metié mɔ́ɔ́, mɨ́ buú swɨɨ sí. Nó ntémé ó gó á lɛ́ɛ ojʉ̂l o bʉ̂r baá ó, bé bɛ́blaa metié yɨ́. Sá dí ejala e bé yɨ́ ó nɨ̌!»

2 Pyɛr 2:19

Bé kɛʼ bé ó, bé ópɛʼ bé lɨ́ otúʼǎ, dil bé ɨ́ dǐ ónzyɛh o bʉ̂r. Tó kœb ó, bé bʉr o tɨ̂ʼ, bé ó mpǎŋ bitúʼǎ, lɨ́ edû métum me dí etyen mʉ̂r lɨ́ eswie má, ebě, sá yɨ́yɛ̂h dí ejwɨ́ɨ mʉ̂r yɨ́, mʉr waá, nye ó túʼǎ sâ yaá.

2 Pyɛr 2:13

Bé óbi myɛ́na mé ébébe bé á pa sâ bʉr lɨ́. Bé mɨmɛɛla ó, lɨ́ edi ɨ́ twiʼ mépwaʼ témé móhó. Jɔʼ bé dí esyɛŋa e bɨ̌n lɨ́ ede yɨ́, nkʉ̂ bɨ̌n nwɨɨla ó e nyʉ̂l, bé ó dí mebar me nyʉ̂l nyaá. Bé lɨ́ esahle lɨ́ ede, lɨ́ edû bígwɨ́má byɔ́ɔ́. Byé lɨ́ edímle bé ɨ́ nzɨ̌ mikóo myɔ́ɔ́.

1 Tesalonika 5:7

Ebě, baá o dí ejâ bíjô bá, bé já ó, ɨ́ pum. Minyʉnyóʼ, myé puro ményoʼ ó, ɨ́ pum.

2 Korɛnt 11:20

Bɨ̌n bé lɨ́ ebánǎ dûhwo mʉ̂r dí emɛ̂r bɨ́n lɨ́ okómó nyá. Bɨ̌n bé lɨ́ edûhwo ntémé mʉr dí ede bípúnó bín nyá, le waá dí esa bɨ́n nyá. Bɨ̌n bé lɨ́ edûhwo mélɛ́ɛ́-nyʉ̂l, le mʉr dí eŋmɛ̂h bɨ́n mempɛ̂h nyá.

Rôm 16:18

Mimbi mi bʉ̂r myaá, ntʉ Tî gá wɨ́ná Krîst bé dí eséa. Bé jaá séǎ syɛ́ɛ́ ó, njɨ lɨ́ esú é mímo myɔ́ɔ́. Bé lɨ́ edímle bʉ̂r o dína apǎ gʉ́a ébɛ̂ʼ páʼ émbɨa le ebébe bá, e nzɨ̌ lwǐb mépɨʼ ti e meswɨ̂ʼlʉ.

Mataos 22:6

Baá bʉ́ʉ́, mɛ́rɔɔ ósyɛ̂l o mésâ ónɨ̌, sáŋɔɔ bé cére, jʉ́ŋɔɔ.

Lʉkas 12:44

Mě lɛ́ɛ́ bɨ́n lɨ́ otyeetye ó, nye ódwe nyé nkul jwɨ́ɨ ɨ́ bisá bí mbɛ̌r bíbyɛ̂h.

Lʉkas 12:46

Sɔ́ŋ syɛ̂l mesâ waá ópyâl ó, dʉ́ó nyé ngá be, abûʼla ó, nyě e nkul epyâl lɨ́, le ewala nyé ngá be, agʉ́a lɨ́. Nye ódwe syɛ̂l mesâ waá bintɨ́ʼá ó, mpʉ nyé ngá dwe bʉ̂r o dí adyɛ̂ʼwo e nye bá yɨ́. Nye ókpáa nyé mimyál mímbá.

Lʉkas 21:34

«Gwá di gá le ocwóó. Milémé mín ámû jaá tyɛʼ ɨ́ mpwaʼ edɨ́ɨ́ ndu e mpur menyoʼ, nkʉ̂ ɨ́ mpuo bijwɨʼ bí twǐʼ sí yɨ̂. Móhó waá, wé ámû jaá pyâl bɨ́n metwɨrâ, mpʉ̌ syɛ̌m.

Yʉanes 2:10

Nye e né ó: «Mʉr nyɨnyɛ̂h, nyě nyɛɛ́ dwe ó, menyoʼ mempâ. Píe tɨ̂, maá me dí pâʼ e tɨ̂ʼ má, ɨ́ jɔʼ bʉ̂r o nzɔ́ɔ óbe, bé mû sí buú bɛble yɨ́. Sâ gwár, gua bé ɨ́ komo ményoʼ me dí ɨ́ mbɨa má, kumo ɨ́ báánâ.»

Mɨlʉmlʉ 2:18

Yé ó nó: ɨ́ melû maá, me óntɨh ósyɛ̂l o mésá bâm, bʉbá le bʉrʉ̂m, Sísǐm wâm. Bé ógwîh mílɔ̌b myâm.