Lʉkas 12:37 - Kálar Nzyɛ̌m : Ejwán é Sáá

³⁷ Metyɛʼ me mpóm, mé óswɨɨ lɨ́ osyɛ̂l o mésá nyé ngá kœb ɨ́ doho bá. Mě lɛ́ɛ́ bɨ́n lɨ́ otyeetye ó, nye ótyeele káná wé, dil bé ɨ́ téble, ka bé mede.

Kálara Zyɛ̌m Edwán é mpʉ̌n

³⁷ Mocyɛʼ mo mpom, mé e l'osyɛl o mosa sɔŋ wɔɔ ókœb ó, bé be ó si di nkehe e. Me elɛɛ bɨn cyecye ó nɛɛ: nye óbwar mɨkan mye mpʉ syɛl mosa, ntɔʼ sa ó, bé diʼe si, ó bé deʼ. Nye òsea e be.

Lʉkas 12:37 ပူးပေါင်းရင်းမြစ်များ

2 Pyɛr 3:14

Bʉr ó kpɛ̌l bâm! Mpʉ mɨ́ná dí ebóno gá móhó waá yɨ́, sáʼ gá sɨ́n lɨ́ edi e mepyɛbla páʼ nyɨ́n, tó pyâl ɨ́ jɔʼ nyé óbáʼǎ nze yɨ́. Sáŋáá gá ó, bɨ̌n díʼee mpʉ nyʉ̂l mé Krîst dí abe e mebar nyɨ́. Diʼee gá abe le ebébe bé óboʼlo bɨ́n e tɨ̂ʼ lɨ́.

Mataos 24:42

Nó, diʼee gá ɨ́ mpʉ̂n, ebě, bɨ̌n bé agʉ́a dʉ́ó Tî wɨ́n ngá nze yɨ́.

Filipi 1:23

Me ó lʉ̂ ɨ́ nzamá páʼ ménzɨ̌ mebá maá. Ɨ́ wɨ̂ʼ pâʼ, me lɨ́ egwɨ̂m émɔa ɨ́ bʉ̂b, tó gbala kwá mé Krîst. Sâ yaá ó dí ɨ́ buú mbɨa.

1 Korɛnt 2:9

Tó kœb ó, yé ó mpʉ yé dí cɛmá ɨ́ Mekaná mé Nzyɛ̌m yɨ́. Yê cɛmá ó: Sá mʉ̂r ngwár dína apǎ jóʼo, nkʉ̂ bee yɨ́, sá mʉ̂r dí apǎ jwɨʼ ɨ́ lémé wé lʉ́ʉ́ dʉ́o yɨ́, Nzyɛ̌m á komlo yé ó, lɨ́ esú é bʉ̂r o dí ekpɛl nyé bá.

Mɨngwiha 14:13

Me nzě jóʼo twíí lɨ́ eduho ɨ́ jʉ́o kʉ́. Nye e me ó: «Cɛmáa: “Táare ɨ́ jɔʼ yɨ̂, mʉ̂r á pa dyɛ̂ʼwo e Yésʉs nyá, sí dwe nó, lɛ́ɛ́, nye óswɨɨ métyɛʼ me mpóm.”» Sísǐm mé Nzyɛ̌m lɛ́ɛ́ ó: «Yé ó nó. Bé páa kǎ gbalǎ syɛ́ɛ́. Sá bé á sɨséa ɨ́ jɔʼ bé á títíʼe yɨ́, nyɔm tɨ̂ʼ, wé ónyɨ̂n ɨ́ gúmó bé dí edi yɨ́.»

2 Pyɛr 1:11

Nó ntémé ó Nzyɛ̌m ósúʼo bɨ́n e menzɨ̌ mɨ́mɛ̂h lɨ́ esú ó, bɨ̌n níʼee ɨ́ Mpóʼo mé Tî gá wɨ́ná le Tiʼbʉr gá wɨ́ná Yésʉs-Krîst yɨ́. Mpóʼo nyaá, nye ódi ó njʉ̌m dǐ e njʉ̌m dǐ.

Yʉanes 12:26

Mʉ̂r bé lɨ́ egwɨ̂m éséa e me nó, nye dúʼoo sɔ̂ʼ njɨ me. Nó, gúmó mé dí yɨ́, gúmo yaá ó syɛ̂l mesâ wǎm ntémé ngá di yɨ́. Waá nyɨnyɛ̂h ngá séa e me nyá, Sɔ́ŋ wǎm ódwe nyé kûm.»

Lʉkas 21:36

Diʼee gá ɨ́ mpʉ̂n. Jɨʼlaa gá ɨ́ jɔʼ yɨ́yɛ̂h, ó bɨ̌n nkʉ̂ kɨ̂ŋ bísyɛ́ɛla bí móhó waá bíbyɛ̂h. Jɨʼlaa gá ntémé ó bɨ̌n nkʉ̂ be e nkul etyɛ̂b ɨ́ mpǒm Mwân mé Mʉr.»

Mɨngwiha 7:17

Ebě, Mâ Nteme dí témé mecwɨ́ɨ́ mé jwɨ́ɨ nyá ó dí mbɔʼlʉ wɔ́ɔ́. Nye ótô e bé, tó pyâl lɨ́ enó e dí tɨ̂ʼ lɨ́, gúmó médíbé mé twiʼ dí eduho yɨ́. Nzyɛ̌m ótin bé myɛ́ɛlé mɨ́mɛ̂h ɨ́ mîh.»

Mɨngwiha 3:21

“Mʉr óntaa, búla le onkɔ́ɔ́ nyá, me ódwe nyé nkul ó, bɨ̌h e nɔ́ɔ́ díʼee diá gwár ɨ́ mecwɨ́ɨ́ mé jwɨ́ɨ́ yâm, ebě, mɛm ntémé, me á si ntaa, búla e wâm ónkɔ́ɔ́. Me á si di sí bǎʼ e Sɔ́ŋ wǎm ɨ́ mecwɨ́ɨ́ mé jwɨ́ɨ́ yé.”

Filipi 1:21

Nó ó, ɨ́ wâm pâʼ, twiʼ yâm, yé ó Krîst. Myɛ́na mâm, mé ó eswie.

Lʉkas 17:8

Heʼé, nye ólɛ́ɛ e né ó: “Jámáá mé mede, gó océne míkán, gó oka mé mede jɔʼ mé dína lɨ́ ede méde le menyoʼ yɨ́. Píe tɨ̂, gó okǎ de.”

Lʉkas 12:43

Metyɛʼ me mpóm, mé díʼee e mbi syɛ̂l mesâ wɨ̂: waá njwɨ́ɨ wé ngá pyâl, kœb nyé lɨ́ eséǎ syɛ́ɛ́ yaá nyá.

Lʉkas 12:36

Nó bɨ̌n bɨɛ, diʼee gá mpʉ ósyɛ̂l o mésâ dí ɨ́ mpʉ̂n sɔ́ŋ wɔ́ɔ́ bá. Mpʉ bé dí egʉ́a ó, nyɨ́ tó bêm mʉ́má yɨ́, bé lɨ́ ebóno mpúla nyé, lɨ́ ekpɛl ó, nyé ókwâʼle ébê nó, bé ókpâhwǎ dib nyé lǎ.

Lʉkas 22:27

Le mʉr dí ede ɨ́ téble nyá, le waá dí eséa e né nyá, nzé láá nyʉ́ʉ́? Tó kœb ó, mɛm, me ɨ́ sɔ́má yɨ́n ó, waá dí eséa e bɨ̌n nyá.

Mɨngwiha 16:15

Bê nzě syɛŋa ntémé nó. Bé á syɛŋa ó, lɨ́ ebɨ̌m e dɔ̂m bé jɨ́jébé ɨ́ lwǐb ébrœ̂ «Armagedɔ̂n» yɨ́. Tî gá wɨ́ná, nyě lɛ́ɛ́ ó: «Paá bee gâ: me lɨ́ enze métwɨrâ, mpʉ̌ ndíblʉ̌. Mʉr dí ɨ́ mpʉ̂n, mikán mimbɔ́rá ɨ́ nyʉ̂l nyá, nye ó waá mé ósʉ métyɛʼ me mpóm nyá. Nyɨɛ, nye ábě suswáh. Nye ábeɔɔ ɨ́ nkɛŋlɛ̂m. Nye ásɔ́ma.»