Lʉkas 12:33 - Kálar Nzyɛ̌m : Ejwán é Sáá

³³ Bɛ́máá gá mebi mɨ́n. Súʼáá gá baántéʼenteʼe o bʉ̂r. Laraa gá mimpɨ́ʼ bímɔnɨ́ mi dí aswɨ́ɨ mí. Máʼáá gá okúm le ogbaa wɨ́n ɨ́ jʉ́o kʉ́, gúmó byé ngá be, adîm yɨ́, ebě, mindíblʉ̌, myé abe e nkul ekúnwo e tɨ̂. Oswôʼ ntémé, ajʉ́a byê.

Kálara Zyɛ̌m Edwán é mpʉ̌n

³³ Bɛma ga mobi mɨn. Fuʼa ga baanteʼenteʼe o bʉr. Lara ga mɨmpɨʼ bɨmɔn ndɨ ajwɨm ɨ. Maʼa ga okum e l'ogbaa win é jobo kʉ, gumo byé óbe, asie e, ebe, mɨndiblʉ, myé abe e nkul ekunbo e tɨ; osyoʼ nteme ajʉa bye.

Lʉkas 12:33 ပူးပေါင်းရင်းမြစ်များ

Mataos 19:21

Yésʉs nzě lɛ́ɛ e né ó: «Yé bé go lɨ́ egwɨ̂m édǐ mbɨ̂mbɨá ɨ́ mipáʼ mímyɛ̂h nó, pǎ nyɛɛ́ tó bɛ́ma bísá gó dí e byé bí, dwe báántéʼenteʼe o bʉ̂r mɔnɨ́ tɨ̂. Jɔʼ yaá ó gó ngá bi ókúm le ogbaa ɨ́ jʉ́o kʉ́ kwá mé Nzyɛ̌m yɨ́. Píe tɨ̂, go e nzé dû mê.»

Lʉkas 18:22

Jɔ̌ʼ Yésʉs á jóʼo nó yɨ́, nye nzě lɛ́ɛ e né ó: «Yé lɨ́ esáa gó sâ gwár. Tóʼ, tó bɛ́ma bísá bíbyɛ̂h gó dí e byé bí. Go e dwé míndyêbndyéb mɔnɨ́ yaá. Jɔʼ yaá ó gó ngá bi ókúm le ogbaa ɨ́ buo buo ɨ́ jʉ́o kʉ́ kwá mé Nzyɛ̌m yɨ́. Píe tɨ̂, go e nzé dû mê.»

Mɨlʉmlʉ 2:45

Bé á be lɨ́ ebɛ́ma bípéh bísí byɔ́ɔ́ e mebi mɔ́ɔ́ mɨ́mɛ̂h, nzě kablɔɔ bímɔnɨ́ bi tɨ̂ʼ páʼ nyɔ́ɔ́, mʉr nyɨnyɛ̂h nʉnʉǎ mɔnɨ́ yaá, dû mpʉ bígwɨ́má byé, byé á be yɨ́, nzě de byê.

Lʉkas 16:9

Yésʉs ntɔ̂ʼ lɛ́ɛ ó: «Mě lɛ́ɛ́ bɨ́n ó: nʉaa gá bibɨ́bla bí ókúm le ogbaa ó sí yɨ̂. Jwɛ́náá gá byê, lɨ́ esú ó, bɨ̌n tíaa esó e bʉr. Jɔʼ ókúm le ogbaa waá, wé ósíe yɨ́, bé odil bɨ́n ɨ́ bisaʼ ngá dǐ njʉ̌m dǐ e njʉ̌m dǐ bí.

Lʉkas 12:21

Yésʉs, nye e bé ó: «Mʉr dí ekomo mébi mé lɨ́ esú lé, nye mʉr tɨ̂, nyɨɛ yɨ́ɛ ántéʼenteʼe mʉr ɨ́ míh mé Nzyɛ̌m nyá, nye ó mpʉ mʉ̂r waá.»

2 Korɛnt 8:2

Bé á si kʉ bóblɔɔ e nzɨ̌ mitúú bé á sia e myé mí. Damá be ɨ́ nyɨna le entéʼe lɔ́ɔ́, bisʉhʉʉ byɔ́ɔ́, byé á si kʉ nyɨ̂n ɨ́ ponó e nzɨ̌ mingúlá myɔ́ɔ́.

Yʉanes 12:6

(Nye á bé alɛ́ɛ nó ɨ́ lɔ̌b nkóó nyé á jɨ̂ʼ baántéʼenteʼe o bʉ̂r nyɨ́. Nye á lwib nó ó, ebě, nye á be ó ndíblʉ̌. Nye ó b'á bɨbaʼle ekúró lɔ́ɔ́, le edidíbě sá bʉ̂r, bé á gbɨgbâ tɨ̂ʼ yɨ́.)

Lʉkas 11:41

Dwéʼ gá baántéʼenteʼe o bʉ̂r sá dí ɨ́ bisʉ́á bín tʉ́ŋlʉ̌ yɨ́. Bɨ̌n bé óbee ó, bisʉ́á bín bíbyɛ̂h, byé ó mbɨ̂mbɨá ɨ́ míh mé Nzyɛ̌m.