Lʉkas 12:30 - Kálar Nzyɛ̌m : Ejwán é Sáá

³⁰ Ohááden ó sí yɨ́yɛ̂h, bé jaá dû ó, njɨ bisɨ́ǎ byaá. Sɔ́ŋ wɨ́n, nye lɨ́ eboó gʉ́a ó, bɨ̌n ntémé bé lɨ́ ejɨ byê.

Kálara Zyɛ̌m Edwán é mpʉ̌n

³⁰ Bʉr o bɨkul bɨfih bibyɛh, bé ekʉ ka du ó njɨ bɨsɨa byaa. To kœb ó, Sɔŋ win, nye ebɛa gʉa ó, bɨn nteme bé ejɨ bye.

Lʉkas 12:30 ပူးပေါင်းရင်းမြစ်များ

Mataos 6:32

Bisá bínɨ̌, minjéʼe-Nzyɛ̌m ó dí esáa byê. Tó kœb ó, Sɔ́ŋ wɨ́n dí ɨ́ jʉ́o kʉ́ nyá, nye lɨ́ eboó gʉ́a ó, bɨ̌n bé lɨ́ egwɨ̂m byê.

Mataos 6:8

Nó, abaŋa gá bê, ebě, Sɔ́ŋ wɨ́n, nye lɨ́ eboó gʉ́ǎ sá dí esâ bɨ́n sɔ́ɔlʉ yɨ́, bɨ̌n dína apǎ gwâm nyé yǎ.

Éfɛsɔs 4:17

Nó sá mé múo nzě lɛ́ɛ bɨ́n, le eboʼlo ɨ́ díé mé Tî Yésʉs yɨ̂, yé ó: mʉr adû gá kʉ̌ tyen óhááden dí edû wɨ́. Bé jaá sâ nó ó, njɨ ebě, ocwóó wɔ́ɔ́, wé ó dwêh.

Lʉkas 12:32

«Bɨ̌n bʉr o dí mâ daa e bínteme byâm bá, ayɨ́ kpɛ́ɛ gá sɔ̂ʼ. Sɔ́ŋ wɨ́n, nye lɨ́ ebee émbɨa lɨ́ eníŋle bɨ́n ɨ́ Mpóʼo nyé.

Mataos 18:14

Nó ntémé, gwɨ́má mé Sɔ́ŋ wɨ́n dí ɨ́ jʉ́o kʉ́ nyá, yé abe ó, nye dímlaa mwân ngwár ɨ́ bwán bé.»

1 Tesalonika 4:5

Njʉ̂m nyɨɛ díʼee e mʉmá wé waá, abe ɨ́ tíná bígwɨ́má mébomo mpʉ mínjéʼe-Nzyɛ̌m dí esɨsâ yɨ́.

Mataos 10:20

Ebě, ntʉ bɨ́n ngá lwib. Sísǐm mé Nzyɛ̌m Sɔ́ŋ wɨ́n ó ngá lwib ɨ́ bɨ̌n.

Mataos 5:47

Bɨ́n ójaá sohǒ njɨ bɨ́ɔɔ́ bɨ́n nó, yé dí sá édwán tɨ̂? Bʉr o dí agʉ́ǎ Nzyɛ̌m bá, bé sá ntémé ó, jwɨʼ gwár yaá!

Yʉanes 20:17

Yésʉs, nye e né ó: «Sá akǎ mɛ̂r mê, ebě, me dína apǎ bɨ́nɔɔ ɨ́ jʉ́o kʉ́, tô kwá mé Dâ. Tóʼ, tó lɛ́ɛ bɨ́ɔɔ́ bâm ó, me mû ó lɨ́ ebére, búlǎ nko Sɔ́ŋ wǎm dí yɨ́. Nye ntémé, nye ó sɔ́ŋ wɨ́n. Nye ó Nzyɛ̌m wǎm. Nye ó Nzyɛ̌m wɨ́n ntémé.»

Mataos 6:1

«Baʼaa gá lɨ́ elɛ̂ʼle ɨ́ míh mé bʉ̂r mpʉ bɨ́n dí edwě Nzyɛ̌m kûm yɨ́, ó bɨ̌n nkʉ̂ beɔɔ. Bɨ́n sá nó wá, bɨ̌n bé ábǐ mpǎŋ myɛ́na kwá sɔ́ŋ wɨ́n dí ɨ́ jʉ́o kʉ́ nyá.

Lʉkas 12:29

Ayɨ́ dudû gá njɨ mede le menyoʼ bɨ́n ngá de má. Ayɨ́ yêʼwo gá bisɨ́ǎ byaá.

Lʉkas 12:31

Tááráá ésáa gá ó, bɨ̌n níʼee ɨ́ Mpóʼo mé Nzyɛ̌m. Byaá byúú bɨ́n ká jɨ̌ nɨ̌, Nzyɛ̌m ólóŋlo bɨ́n byǎ.