Lʉkas 12:28 - Kálar Nzyɛ̌m : Ejwán é Sáá

²⁸ Nzyɛ̌m pǎ nyɛɛ́ toŋlo ménzɔ̌m nó, á dwɛʼra e bɨ̌n! Menzɔ̌m ntémé, adi. Mûh, mé lɨ́ epâh pemé e pemé. Ɨ́ mɛ́n, mé akǎ be. Mé mû ó lɨ́ eguhɔɔ ɨ́ duró. Nzyɛ̌m ókʉ́ bôr bɨ́n mikán, bʉr o dí abûʼla bá!

Kálara Zyɛ̌m Edwán é mpʉ̌n

²⁸ Bɨka, byé etiʼe muh. Byé nteme sa yé óguhɔ omɛn é duro e. Zyɛm pa taare bœr bye mompor, a dwɛʼra e bɨn! Yé, yé ósa ó, nye l'ayi bœr bɨn, laa naa ɛ? A twaʼbe buʼo yin ɛ!

Lʉkas 12:28 ပူးပေါင်းရင်းမြစ်များ

Mataos 14:31

Tyé e tyé yaá, Yésʉs ntɔ̂ʼ syɛ̂m mbô, mɛ̂r nyê. Nye e né ó: «Á twâʼwǒ búʼó yô ɛ̌! Go pa sóŋló ɨ́ yé?»

Mataos 17:20

Nye nzě yala e bé ó: «Yé ó ɨ́ lɔ̌b búʼó yɨ́n dí ɨ́ twâʼwo yɨ́. Mě lɛ́ɛ́ bɨ́n lɨ́ otyeetye ó, bɨ́n óbe e mâ búʼó mpʉ díh é nyʉ́ó nó, bɨ̌n bé óbe e nkul elɛ́ɛ le ecwɨ́ʼ lɨ̂ʼ ó: “Nkɛ́yɨ́ɨ́ gó mʉr tɨ̂ʼ wâ. Tó tyɛ̂b kâ,” yé óbánǎ sâ nó. Abe e sá yé ógbâ bɨ́n mekɔbla tɨ̂.»

Mataos 6:30

Nzyɛ̌m pǎ nyɛɛ́ bôr mémpeʼ dí ɨ́ bipemé, ngá guhɔɔ ómɛ́n ɨ́ duró má, á dwɛʼra e bɨ̌n! E yé, yé ósâ ó, nye ayɨ́ bôr bɨ́n, laa náǎ? Á twâʼwǒ búʼó yɨ́n ɛ̂!

1 Pyɛr 1:24

Yê cɛmá ɨ́ Mekaná mé Nzyɛ̌m ó: «Bʉr bɨ́bɛ̂h, bé ó mpʉ bíká. Okúm le ogbaa wɔ́ɔ́ wɨ́wɛ̂h jaá nwɨnwɨɨla ó njɨ e nzɔ̌m. Ebě, biká, byé lɨ́ edwɛ̂hla; nzɔ̌m swaʼre.

Lʉkas 8:25

Yésʉs, nye le ompʉ́n bé ó: «Búʼó yɨ́n, yê nkoó?» Bê nzě jóʼo bʉ́á le ekɛ̂n ɨ́ buo buo, ntɔ̂ʼ lɛ́ɛla páʼ nyɔ́ɔ́ ó: «Wɨ̂ʼ mbi mʉ̂r, wê nzé, dí, nyé sí lwib nɛ́ɛ: onkúo le obóʼó ó mâŋ, byé bánǎ sâ nyé mejóʼo nyâʼ ɛ̌?»

Mataos 17:17

Yésʉs ntɔ̂ʼ lɛ́ɛ e bé ó: «Bɨ̌n myǎ bʉ̂r o dí abûʼla wɨ́! Bɨ̌n bé ó njɨ e mesónó. Me káa báʼǎ di ɨ́ sɔ́má yɨ́n, tó pyâl ɨ́ yáǎ jɔʼ ɛ̌? Me ódûhwo bɨ́n, tó swîʼ yáǎ sûm ɛ̌? Ntáʼ gá me e mwân nɨ̌ wâ.»

Mataos 16:8

Mpʉ̌ Yésʉs á gʉ́a jwɨʼ yɔ́ɔ́ yaá yɨ́, nye e bé ó: «Á twâʼwǒ búʼó yɨ́n ɛ̂! Bɨ̌n bé lɨ́ elwǐb mpʉ́nʉ̌ ɨ́ yé? Nzê ebe bɨ̂n nzé kâʼ, abe e biblêr ɛ̌?

Mataos 8:26

Jɔʼ yaá ó nyé á nze lɛ́ɛ e bé ó: «Bɨ̌n jóʼó bʉ́á mpʉ́nʉ̌ ɨ́ yé? Á twâʼwǒ búʼó yɨ́n ɛ̂!» Nye nzě mɔa sí, nkáŋla e nkúo le mâŋ. Sá yɨ́yɛ̂h nzě di ɨ́ puuu.

Ebrœ̂ 6:7

Gʉ́ŋáá gá ó, pemé ómpíé dí enwɨ́ɨ tɨ̂ʼ jɔʼ yɨ́yɛ̂h, dí egúmo mpúmó lɨ́ esú é mépwaʼ mé óbel o tɨ̂ʼ yɨ́, yé óswɨɨ métyɛʼ me mpóm mé Nzyɛ̌m.