Lʉkas 12:1 - Kálar Nzyɛ̌m : Ejwán é Sáá

¹ Lɛŋ bá jɔʼ, entumo e bʉ̂r ntɔ̂ʼ báʼǎ swâl. Bé á be ó otɔ́ɔ́sin otɔ́ɔ́sin. Bʉr tîtibe bʉ́ʉ́ mekʉ̌. Yésʉs, nye le ompʉ́n bé ó: «Gwá baʼ gá oFarizyɛ̂n ɨ́ lɔ̌b levure bé dí e yé yɨ́. Yé ó mikóo.

Kálara Zyɛ̌m Edwán é mpʉ̌n

¹ Lɛŋ ba jɔʼ, ntuntuma bʉr, yé ntɔʼ bâʼle fwal. Bé a be ó otɔɔyin otɔɔyin, baʼ bʉr dɨ tibe bʉʉ mokʉ. Yesʉs, nye le ompʉn be ó: «Diʼe ga ncye e l'oFarizyɛŋ é lɔb levure bé ndɨ e ye e. Yé ó bɨkʉʉŋʉ!

Lʉkas 12:1 ပူးပေါင်းရင်းမြစ်များ

1 Pyɛr 2:1

Myahaa gá bé bisyɛ́ɛla bîʼ bíbyɛ̂h: ebébe é léme, mimbi mímyɛ̂h, bilwǐb míkóo, mimbi mímyɛ̂h, bilwǐb bíbá bíbá, nzwíí ti e mesyɛ́ɛla mimbi mímyɛ̂h.

Jacques 3:17

Sá ésôʼ mɨ́ná jálá le elɛ́ɛ gá yɨ́ ó yɨ̂: ocwóó dí eduho kʉ́ wɨ́, wé abe ɨ́ mpúhlá le ebébe. Píe tɨ̂, wé ó sá dí esâ ó, bʉr tíʼaa ɨ́ mepyɛbla yɨ́. Wé ó sá dí elɛ̂ʼle mʉ̂r mpʉ nyé tálaa njwɨr, le edi e léme sulá sí yɨ́. Ocwóó waá ó dí esâ ó, mʉr jɨ́ʼɨɨ bʉ́ʉ́ bʉ̂r nkoó. Wé lɨ́ edwe mʉ̂r ngwɨ́á ésâ bísyɛ́ɛla bimpâ. Wé abe e nkɔ̌m ɨ́ gúú pâʼ. Wé abe e mikóo.

Lʉkas 12:56

Bɨ̌n baányâ-mikóo bâ, bɨ̌n bé lɨ́ ekʉ́ dweʼe bísâ bi dí epyâl lɨ́ ejwoo bí ndu e byaá bí sí yɨ̂. Á nó, bɨ̌n bé lɨ́ ekâr édweʼe yɨ̂ʼ jɔʼ ɨ́ yé?»

1 Korɛnt 15:3

Me á bě sí kala bɨ́n lɔ́ɔ́ mé á lɛ́ɔɔ wɨ́. Wé ɨ́ bwǎʼ nyɔm. Wé ó nɛ́ɛ: Krîst, nye á si búra e misyóm gá míná mpʉ yé á boo be cɛmá ɨ́ Mekaná mé Nzyɛ̌m yɨ́.

Mɨlʉmlʉ 21:20

Jɔʼ bé á sil ejôʼlo sá nyé á lɛ́ɛ bé yɨ́, bé ntɔ̂ʼ gúmlǒ Nzyɛ̌m. Bê nzě lɛ́ɛ e Pɔ̂l ó: «Mɨ́ɔɔ́ wɨ́h ɛ́, go mʉr tɨ̂, gʉ́ beě bím ótɔ́ɔ́sin bé óYúden mû sí dyɛ̂ʼwo e Yésʉs-Krîst yɨ́. Bɨ́bɛ̂h ntémé, bé lɨ́ egbâ nkûl ɨ́ dwííí lɨ́ ebaʼle métié mé Moyɨ̂z.

Lʉkas 11:44

Nkoó, nye ó e bɨ̌n! Ebě, bɨ̌n bé ó mpʉ mésoo dí akǎ nyɨ̂n kʉ̌l má. Bʉr, bé lɨ́ etíbe mésoo maá, bɨ́ɛ l'agʉ́a ó, bé lɨ́ ekúna e sá mélwaʼwo.»

Lʉkas 6:17

Jɔ̌ʼ Yésʉs, bé le ompʉ́n bé, bé á sulo lɨ́ ecwɨ̂ʼ, pyálɔɔ̌ gúmó dí ɨ́ bɛɛ́ɛ yɨ́, bê nzě bɔma le ompʉ́n ɨ́ buo buo. Yé á be ntémé ó le entumo e bʉ̂r. Bâʼ á duho ó ɨ́ Yerʉ́zalɛm ndu e mekwár mé sí Yʉ́da. Bʉ́ʉ́ duho bínkana bibá byé á be lɨ́ ebʉ́m é mâŋ bí, Tîr e Sidɔ̂n.

Lʉkas 5:15

Damá jóʼǒ mpʉ̌ Yésʉs á lɛ́ɛ nye nó yɨ́, lɔ́ɔ́ mʉ̂r waá, wé á si bu myaŋla, tó pyâl ɨ́ jɔʼ éntumo e bʉ̂r lé á swâl, lɨ́ enzě jôʼlo mílɛ́ʼlá mé Yésʉs, le enzě sáa ntémé ó, nye pɛ́ʼɛɛ mekpaa mɔ́ɔ́ yɨ́.

Lʉkas 5:1

Ɨ́ lʉ́ʉ́ dʉ́o, Yésʉs á si to tyɛ̂b lɨ́ ebʉ́m é mâŋ mé Genezarɛ̂t. Nó éntumo e bʉ̂r, lé á nze bɔma nye ɨ́ nká. Bé á nze ó, lɨ́ enzě jôʼlǒ lɔ́ɔ́ mé Nzyɛ̌m nyé á tutúno wɨ́.

Ebrœ̂ 12:22

Bɨ̌n bɨɛ, bé abe nó. Bɨ̌n mû ó sí sîhle kúnókúno le ecwɨ́ʼ é Síon. Yé ó gúmǒ nkana mé Nzyɛ̌m dí kublakúbla nyá dí yɨ́. Yé ó nkanǎ Yerʉ́zalɛm, yaá dí ɨ́ jʉ́o kʉ́ yɨ́. Beéngeles ɨ́ buo buo, bé ó tɨ̂, abe e tólɔ́ɔ. Bé ɨ́ nzɔɔ sʉhʉʉ.