Lʉkas 11:4 - Kálar Nzyɛ̌m : Ejwán é Sáá

⁴ Pɛʼɛɛ bíbaa gó á niʼe bɨ̌h ɨ́ lɔ̌b mébébe mɨ́h bí, ebě, bɨ̌h ntémé bé lɨ́ epɛʼ bíbaa bɨ́h dí eniʼe bʉ̂r bɨ́bɛ̂h ɨ́ lɔ̌b ébébe bé dí esâ bɨ́h lɨ́. Ayɨ́ bîr ó, bɨ̌h níʼee ɨ́ mebʉ́blá.”»

Kálara Zyɛ̌m Edwán é mpʉ̌n

⁴ Pɛʼɛ bɨbaa bɨ ebebe bɨh, mpʉ bɨh lé epɛʼ byaa bɨ bʉr o ndɨ esa bɨh ebebe e. Ato e bɨh é mobʉbla tʉŋlʉ.»

Lʉkas 11:4 ပူးပေါင်းရင်းမြစ်များ

Mataos 26:41

Diʼee gá ɨ́ mpʉ̂n. Jɨʼlaa gâ, bɨ̌n ámû jaá bóblɔɔ, bɨ̌n ntɔ̂ʼ duma. Sísǐm mʉ̂r, wé damá gwɨ̂m ésâ bísyɛ́ɛla bimpâ, bipúno bíɛ, byé ɨ́ tyɛʼ.»

Kolosi 3:13

Júhwáá gá ebébe páʼ nyɨ́n, alwib. Mʉ̂r bé e nyʉ́ʉ́ mbûʼla, bé e lɔ̌b nó, bʉr baá, bé ɨ́ jala le epɛʼla bíbaa bí ébébe bé á niʼla páʼ nyɔ́ɔ́ bí. Pɨpɛʼ gá bibaa bí ébébe páʼ nyɨ́n mpʉ Tî gá wɨ́ná á pɛʼ byaá nyé á niʼe mɨná gá bí.

Mataos 18:35

Yésʉs nzě kɛl tɨ̂ʼ ó: «Bɨ́n óbe, apɛʼ e milémé mín mímyɛ̂h, bibaa bí ébébe bɨ̂n pa niʼé bɨ́ɔɔ́ bɨ́n bí nó, Sɔ́ŋ wǎm dí ɨ́ jʉ́o kʉ́ nyá, nye ákam épɛʼ bíbaa nyé á niʼe mʉr nyɨnyɛ̂h ɨ́ sɔ́má yɨ́n bí.»

Jacques 2:13

Mʉ̂r bé ajɨ̂ʼ bʉ́ʉ́ bʉ̂r nkoó nó, ɨ́ jɔ̌ʼ Nzyɛ̌m ólwǐb lɔ̌b wé yɨ́, nye ájɨ̂ʼ nyé ntémé nkoó. Sâ gwár, mʉr dí ejɨ̂ʼ bʉ̂r nkoó nyá, nye ábáawǒ sɔ̂ʼ ɨ́ jɔ̌ʼ móhó élab, wé ópyâl yɨ́.

2 Timotɛ 4:18

Tî gá wɨ́ná ótô le etítíʼ mé nó, ɨ́ jɔʼ yɨ́yɛ̂h bé ólɛ́ɛ ó, bé sá ó me ebébe yɨ́. Nye ósâ ó, me pyálaa ɨ́ Mpóʼo nyé, nyaá dí ɨ́ jʉ́o kʉ́ nyɨ́. Nye dwéŋɔɔ kûm njʉ̌m dǐ e njʉ̌m dǐ. Amɛn.

2 Tesalonika 3:3

Sâ gwár, Tî Yésʉs, nye ó mʉr jálá le ebúʼlɔɔ nyá. Nye ódwe bɨ́n nkul, le ekamle e bɨ̌n ɨ́ páʼ mé Sátan.

1 Korɛnt 10:13

Mebʉ́blá bɨ́n á ntaa má, mé lɨ́ epyâl bɨ́n e bʉr bɨ́bɛ̂h. Tó kœb ó, Nzyɛ̌m, nye ó mʉr jálá le ebúʼlɔɔ nyá. Nye ábîr ó, bɨ̌n bóblɔɔ, tó pyâl ɨ́ jɔʼ bɨ́n ósâ syóm yɨ́. Jɔʼ mébʉ́blá, mé ópipyâl bɨ́n yɨ́, nye ókar bɨ́n nzɨ̌ swîh. Bɨ̌n bé odyɛ̂l tɨ̂, le esyɛ̂hle mísyóm bɨ́n á gwa sâ mí.

Yʉanes 17:15

Mé ajɨʼla ó, go pɛ́ʼɛɛ bé ɨ́ sí yɨ̂. Mě jaá jɨʼla ó, njɨ go kámlaa e bé ɨ́ páʼ mé Bɨ́bla mʉ̂r.

Lʉkas 22:46

Nye ntɔ̂ʼ jɨm bê, le elɛ́ɛ e bé ó: «Bɨ̌n bé lɨ́ ejâ bíjô ɨ́ yé? Gbɔlwaa gá sí. Jɨʼlaa gâ, bɨ̌n ámû duma ɨ́ mebʉ́blá.»

Lʉkas 8:13

Bʉ́ʉ́ bʉ̂r, bé ó mpʉ̌ mpeʼ dí mbeá ɨ́ sí mékóʼ yɨ́. Bé lɨ́ enʉǎ lɔ́ɔ waá jɔʼ bé dí ejóʼo wé yɨ́. Sâ gwár, bé abîr ó, lɔ́ɔ waá, wé páhaa mikaalé ɨ́ milémé myɔ́ɔ́. Bé jaá bûʼla wé ó, njɨ ɨ́ mâ jɔʼ. Bé ntɔ̂ʼ gbɔba e búʼó yaá ɨ́ jɔʼ bʉ̂r mû lɨ́ etíble bé lɨ́ esú é búʼó yaá yɨ́.

Mɨngwiha 3:10

Sâ gwár, me á lɛ́ɛ e bɨ̌n bɨɛ ó, bɨ̌n dûhwaa. Bɨ̌n bé á si bana baʼle lɔ́ɔ́ wâm waá. Mpʉ bɨ́n á jóʼo me nó yɨ́, me óbaʼle bɨ́n, ebě, bɨ̌n bé ámû jaá nî ɨ́ bintɨ́ʼá mû lɨ́ epyâl ɨ́ mʉr nyɨnyɛ̂h ɨ́ sí yɨ̂ʼ bí.

Mɨngwiha 2:10

Ayɨ́ jóʼo gá bʉ́á ɨ́ lɔ̌b bíntɨ́ʼá bé ngá dwe bɨ́n bí. Paá bee gâ: Sɔ́ŋ meleme ómɛ̂r bɨ́n bʉ́ʉ́ bʉ̂r, gbâ bé ɨ́ mbʉʼ, lɨ́ edǐ bóblo bɨ́n. Bɨ̌n bé ósia e mitúú, tó kumo ɨ́ melû kám. Gwá baʼle gá búʼó, tó kumo lɨ́ eswie. Sá tɨ̂ʼ ó mé ódwe bɨ́n twǐʼ njʉ̌m dǐ yɨ́. Bɨ̌n bé óbi myɛ́na maá, mpʉ̌ nkɔ́ɔ́ dí ebórɔɔ̌ káráá yɨ́.

Lʉkas 11:5

Nye ó: «Mʉ̂r ɨ́ sɔ́má yɨ́n bé e só nó, nye óbánǎ tó kœb nyé témé pum, le elɛ́ɛ e só waá ó: “Mɨ́ɔɔ́ wǎm, paá kʉl mé biblêr bilɛ̂l.

Lʉkas 13:4

Nzê bɨ̌n jwɨʼ ó, bʉr kám e mwom tólóm mbɛ̌r mé Siloâm, wé á bíla bá ó b'á bu bébe, laa bʉ̂r ó Yerʉ́zalɛm bɨ́bɛ̂h ɛ̌?