Lʉkas 11:39 - Kálar Nzyɛ̌m : Ejwán é Sáá

³⁹ Nó ó Tî Yésʉs á nze lɛ́ɛ e né ó: «Paá bee gá mpʉ bɨ́n oFarizyɛ̂n dí yɨ́: bɨ̌n sʉsohlo bísʉ́á le bikɔ̂b ó ɨ́ páʼ kʉ̌l. Sâ gwár, bɨ̌n bɨ́ lóno ɨ́ bisá bɨ́n á pa dɛn bí, le sá bɨ́n á sâ e jélé yɨ́.

Kálara Zyɛ̌m Edwán é mpʉ̌n

³⁹ No ó Da a ze lɛɛ e nye ó: «Bɨn oFarizyɛŋ ba! É jɔʼ bɨn lé ejɨ pub bɨfua e l'okob ɨ, bɨn bé efuʼro bye njɨ é nko paʼ kʉl. To kœb ó, bɨfua byaa, byé ó lwɨŋla e bɨsa ndɨ é bebe e. Bɨn bé é bul kpɛl dɛn bɨsa bɨ bʉr, bɨn nteme e l'ebebe é leme.

Lʉkas 11:39 ပူးပေါင်းရင်းမြစ်များ

Jacques 4:8

Síhláá gá bǎʼ e Nzyɛ̌m. Nyé osîhlě nko bɨ́n dí yɨ́. Jwɨyɨɨ gá mebó mɨ́n, bɨ̌n osyɛ̂l o mísyóm. Sohlaa gá milémé mín, bɨ̌n bʉr o dí mekʉ̌ me kwɨ̂h bá.

Títos 1:15

Sá yɨ́yɛ̂h, yé mû ó pubá lɨ́ esú é bʉ̂r mû mipubá bá. Sâ gwár, bʉr o b'á lœʼ menyʉ́l mɔ́ɔ́, baá dína apǎ dyɛ̂ʼwo e Nzyɛ̌m bá, yé abe e sâ gwár dí pubá ɨ́ wɔ́ɔ́ pâʼ. Bisá bíbyɛ̂h, byê bé ó, ɨ́ lwaʼwo lwaʼwo, ebě, bé á si lœʼ ocwóó wɔ́ɔ́ le milémé myɔ́ɔ́.

Mɨlʉmlʉ 5:3

Pétrus nzě lɛ́ɛ e né ó: «Ananías, ebe yé Sátan bana nze ní gó ɨ́ léme, bánǎ sâ ó, go kʉ́ŋaa Sísǐm mé Nzyɛ̌m mbǐ nɨ̌ yɨ́ ɛ́? Ebě, gʉ́ bɛ̂ʼ gúú páʼ mɔnɨ́ yô gó á nʉa lɨ́ ebóm é pemé yô yɨ́, komo yé lɨ́ empah.

Mataos 15:19

Ebě, bibɨ́bla bíjwɨʼ bíbyɛ̂h, byé duho ó ɨ́ léme. Byé ó dí: ejwɨ́ɨ́ é bʉ̂r, medyɛ̂n, bimolá, díbe, eyalǎ lɔ̌b mɨ́ɔɔ́ gǒ mʉr lɨ́ onzyɛ́h ónzyɛ́h, le melwɨ́ɨ.

Mataos 7:15

«Bɨ̌n a báʼ ógwíha o mílɔ̌b o bíbɛr, ebě, bé nzɨ́nzé ɨ́ sɔ́má yɨ́n ó e njwɨr ɨ́ tala tala, nwɨɨla e binteme. Tó kœb ó, ɨ́ milémé myɔ́ɔ́ tʉ́ŋlʉ̌, bé ó mpʉ ónkœœ dí ekpɛl édɛn bínteme bá.

Galásia 1:14

Ɨ́ bʉr ó duo yâm, me ó b'á bu dû metum mé óYúden. Me á si gbâ nyʉ̂l nyǎm ɨ́ swííá lɨ́ ebaʼle métum bímpám bíh, byé á líʼe má.

Yʉanes 12:6

(Nye á bé alɛ́ɛ nó ɨ́ lɔ̌b nkóó nyé á jɨ̂ʼ baántéʼenteʼe o bʉ̂r nyɨ́. Nye á lwib nó ó, ebě, nye á be ó ndíblʉ̌. Nye ó b'á bɨbaʼle ekúró lɔ́ɔ́, le edidíbě sá bʉ̂r, bé á gbɨgbâ tɨ̂ʼ yɨ́.)

Lʉkas 16:15

Yésʉs ntɔ̂ʼ lɛ́ɛ e bé ó: «Bɨ̌n bé lɨ́ elɨlɛ̂ʼle bʉ̂r ó, bɨ̌n ó dí otîtyěl. Sâ gwár, Nzyɛ̌m, nye lɨ́ egʉ́a mílémé mín, ebě, sá bʉ̂r dí ebuú sêʼle yɨ́, Nzyɛ̌m, nye lɨ́ ebene yé mpene-numó.

Lʉkas 7:13

Mbeá Yésʉs á bee kúho yɨ́, nye kʉ́ nzě jɨ̂ʼ wé nkoó, ntɔ̂ʼ lɛ́ɛ e wé ó: «Sá akǎ jɨ.»

2 Timotɛ 3:5

Bé ójaá dwidwě Nzyɛ̌m kûm ó, njɨ ɨ́ bikonó mínum byɔ́ɔ́. Tó kœb ó, bé ópɨpɨr ó, pɨrɨ́ɨ le ekɛ́la nkûl dí ɨ́ búʼó gá yɨ́ná nyɨ́. Bɨ̌n bé ayɨ́ be e ndwáala e mbi bʉ̂r waá.

Yʉanes 13:2

Yésʉs, bé le ompʉ́n bé, bé á be ó lɨ́ ede. Jɔʼ yaá, sɔ́ŋ meleme á be ó sí tyɛ̂b Yʉ́das, mwân mé Simon Iskariôt, ɨ́ léme, dwe nyé pɨʼ ó, nye bɛ́maa Yésʉs.

Lʉkas 7:19

lómo bé, bé díʼee Tî Yésʉs ó: “Nzê go ó mʉr bɨ́h dí ebóno ó, nye ónze nyá ɛ́? Nzê bɨ̌h bónaa mʉr swîh ɛ̌?”