Lʉkas 11:36 - Kálar Nzyɛ̌m : Ejwán é Sáá

³⁶ Nyʉ̂l nyǒ nyɨnyɛ̂h bé ɨ́ myɛ́n, yʉ́ʉ́ tîl l'akǎ lîʼ lɨ́ edúrʉ́ʉ́ nó, lɛ́ɛ́, go mʉr tɨ̂ʼ ntinɨ̂ mû ó ɨ́ myɛ́n tʉ́ŋlʉ̌. Yé ó mpʉ éláma e dí epan gó myɛ́n lɨ́.»

Kálara Zyɛ̌m Edwán é mpʉ̌n

³⁶ Ebe no, ǃɨ nyʉl go nyiwɛh be é myɛn, yʉʉ peh nyʉl yo l'aka liʼ é l'edurʉ nɛʼɛ, lɛɛ ó, go mʉr tɨʼ ntinɨ e ntinɨ mu ó é myɛn tʉŋlʉ. Yé ó mpʉ elama lé epɛn myɛn we e.»

Lʉkas 11:36 ပူးပေါင်းရင်းမြစ်များ

2 Korɛnt 4:6

Ebě, Nzyɛ̌m á lɛ́ɛ ó: «Njʉl, wé pánaa myɛ́n, duho lɨ́ edúrʉ́ʉ́ tʉ́ŋlʉ̌.» Mʉr ngwár e ngwár á pa lwib nó nyá, á sâ ntémé ó, njʉl pánaa myɛ́n ɨ́ miléme gá míná. Njʉl waá ó dí esâ ó, mɨná béyɨɨ gá mpǒm mé Krîst, le egʉ́ǎ mpʉ nyé dí yɨ́, bee méntyɛnwa mé Nzyɛ̌m mʉr tɨ̂.

2 Pyɛr 3:18

Tóʼ gá dóló le egwɨ́e ɨ́ mpam mé Tî gá wɨ́ná Yésʉs-Krîst, dí ntémé Tiʼbʉr gá wɨ́ná nyá. Bɨ̌n e gwɨ́é ntémé, ebě, bɨ̌n bɨ́ gʉ́a nyé ɨ́ pébébé. Nye omér ó dí ejala e kûm, táare ɨ́ jɔʼ yɨ̂, tó kumo ɨ́ twǐʼ njʉ̌m dǐ. Amɛn.

Kolosi 3:16

Kamaa gá ó, lwǐb mé Krîst, yé lóŋlaa milémé mín. Milémé mín, myé díʼee ekʉ̌m lɨ́ esú é lwǐb yé yaá. Jwidweelaa gá páʼ nyɨ́n milɛ́ʼlá mi dí le ocwóó mí. Jwidweelaa gá metwɨ́ɨ́ páʼ nyɨ́n. Jyɛyɨɨ gá meswɨ̂ʼlɨ lɨ́ esú é Nzyɛ̌m, mejéme, ti e bidyɛɛ́ biswîh Sísǐm ngá lɛ̂ʼle bɨ́n bí. Mejéme maá, mé óduho ó, bɨ̌n ɨ́ miléme mi dí edwě Nzyɛ̌m nzyǒo mí.

Jacques 1:25

Nó ó, mʉr waá dí esâ étié mé Nzyɛ̌m mejóʼo, le esâ sɨ́n lɨ́ ebaʼle lé nyá, nyɨ́haá ó Nzyɛ̌m ngá sʉ métyɛʼ me mpóm. Nye óswɨɨ métyɛʼ me mpóm ɨ́ syɛ́ɛla yé yɨ́yɛ̂h nyé ngá sâ yɨ́, ebě, nyé abě mbi mʉ̂r dí, le nyê jóʼó, le nyê jɨhá nyá. Nye lɨ́ esâ bísyɛ́ɛla bi tɨ̂. Etié laá, lé ó mbɨ̂mbɨá ɨ́ mipáʼ mímyɛ̂h. Lé e nkul etyêl mɨ́ná gá ɨ́ tyé ónzyɛh o bʉ̂r.

Ebrœ̂ 5:14

Otɔ́má bʉ̂r bɨ́ɛ ó dí ejala e mpǎŋ mede. Bɨ́ɛ e bɨ́ɛ ó dí e pɨʼ dí ó, bé gʉ́ŋaa ebɛ̂ʼ páʼ ébébe le embɨa nyɨ́. Bé bi pɨ̂ʼ nyaá ó, ɨ́ lɔb nzyéé bé dí egbâ lɨ́ egʉ́a ébɛ̂ʼ bísâ byaá nyɨ́.

Éfɛsɔs 4:14

Jɔʼ yaá ó mɨ́ná ngá pʉʼa gá ɨ́ tyé bwá ó ntwǒm ɨ́ nkǒ páʼ búʼó yɨ́. Milɛ́ʼlá míswîh, myé ákǎ ntyeŋ mɨ́ná gâ, nkʉ̂ dímle mɨ́ná gá ɨ́ nzɨ̌ mikóo. Baányâ-mikóo baá, bé gwɨ́m ó, bé mɛ́rɨɨ mɨná gá ɨ́ mpila mépɨʼ yɔ́ɔ́, le ntémé ó, mɨná nʉ́aa gá bidyɛʼ byɔ́ɔ́.

Mataos 13:52

Nye nzě lɛ́ɛ e bé ó: «Lɛ̂ʼla metié nyɨnyɛ̂h mû mpʉ́n ɨ́ Mpóʼo mé Dâ Nzyɛ̌m nyá, nyě nwɨɨlá ó e mʉr mbɛ̌r dí etʉ̂to lɨ́ ekʉ̌m lé, nʉnʉa bísá byé tɨ̂. Yɨ̂ʼ jɔʼ, nyě nʉá ó bisá bídwân. Yʉ́ʉ́ jɔʼ, nʉa byaá bi myâ.»

Mataos 5:15

Bé abe lɨ́ etumo éláma ó, bé óbûr lé ɨ́ mpɨ̌. Yé jala ó, bé tyélɨɨ lé ɨ́ tyélátyéla éláma kʉ́, gúmó lé ókʉn bʉ̂r bɨ́bɛ̂h o dí ɨ́ mbɛ̌r bá yɨ́.

Lʉkas 11:35

Gwá di gá ocwóó, lɨ́ ekpɛ́ɛ ó, dwé bɨ́n dí e yé yɨ́, yé ayɨ́ liŋa édúrʉ́ʉ́!

Lʉkas 11:37

Jɔ̌ʼ Yésʉs á be lɨ́ elwib yɨ́, nyʉ́ʉ́ Farizyɛ̂n ntɔ̂ʼ jébe nyê. Nye e né ó: bé e nɔ́ɔ́ tô dě mbɛ̌r wé. Bé ntɔ̂ʼ tô, níŋɔɔ̌ mbɛ̌r, diŋɔɔ sí ɨ́ téble.