Lʉkas 10:40 - Kálar Nzyɛ̌m : Ejwán é Sáá

⁴⁰ Mááta nyɨɛ á be ó lɨ́ elûhwa e bisyɛ́ɛ́ ɨ́ buo buo. Nye nzě pyâl gúmó Yésʉs á be yɨ́, le elɛ́ɛ e né ó: «Dâ ɛ̌, nzê yé abá lɛ́ɛ gó sɔ̂ʼ ɨ́ jɔ̌ʼ Maria dí entúŋlo mɛ̂m me omér e bisyɛ́ɛ́ nó yɨ́ ɛ́? Lɛ́yɨ́ɨ́ nyé ó, nye kœ́bɨɨ me ɨ́ syɛ́ɛ́!»

Kálara Zyɛ̌m Edwán é mpʉ̌n

⁴⁰ Marta nyɛɛ a be ó lé eluhba e bɨsyɛɛ é buobuo. Nye ze pyal gumo Yesʉs a be e. Nye e nye ó: «Da! Zê go ayeʼbe ba syɛɛ me mu lé esa me ome é jɔʼ ncyomam lé entwiŋ me e ye e? Lɛŋɨ nye ó, nye ntaʼ, ze kœb me é syɛɛ.»

Lʉkas 10:40 ပူးပေါင်းရင်းမြစ်များ

Yʉanes 6:27

Ayɨ́ séa gá lɨ́ esú é méde me dí e nkul ekaʼ, nkʉ̂ bo má, njɨ lɨ́ esú é maá me dí edi, tó pyâl ɨ́ twǐʼ njʉ̌m dǐ má. Mé ó dí maá Mwân mé Mʉr ódwe bɨ́n má, ebě, nye ó waá Nzyɛ̌m Sɔ́ŋ á gbâ jwɨʼ yé nyá.»

Lʉkas 12:29

Ayɨ́ dudû gá njɨ mede le menyoʼ bɨ́n ngá de má. Ayɨ́ yêʼwo gá bisɨ́ǎ byaá.

Mataos 16:22

Nó Pétrus á nze tô e né ɨ́ bʉm, nzě dwe nyé mebě. Nye e né ó: «Nzyɛ̌m kámlaa sâ yaá yɨ́yɛ̂h lɨ́ edira ɨ́ go!»

Mataos 14:15

Mpʉ yé á be, yé mû bíí kʉ̌ʼ yɨ́, ompʉ́n bé ntɔ̂ʼ sîhlě súm nyé á be yɨ́. Bé e né ó: «Yé mû náǎ ó, medwíne mé pum. Wâʼ ntémé, yé ó lʉá. Bwóóláá sɔ́má bʉ̂r yɨ̂, bé nkʉ̂ tô ɨ́ mekwár, tó bwâm méde.»

Lʉkas 9:55

Yésʉs ntɔ̂ʼ dwira, nkáŋla e bê.

Markus 3:21

Nó ó bɨ́ɔɔ́ bé, bé á nze, duho ɨ́ mimbɛ̌r myɔ́ɔ́, lɨ́ edǐ tó nʉa nyé e nkul. Bé á kpɛl ó, bé búlaa e né, dil nyé sí, ebě, bé á lɨlɛ́ɛ ó: «Pɨʼ, nyɨ́ dîm nyé ɨ́ lʉ̂.»

Lʉkas 10:38

Mpʉ̌ Yésʉs, bé le ompʉ́n bé, bé á be lɨ́ etô ɨ́ nzɨ̌ nyaá yɨ́, bê nzě pyâl ɨ́ nyʉ́ʉ́ kwár. Mʉmá kwár nyaá, díé lé Mááta, ntɔ̂ʼ soho nyê, tira nyé ntɔ́ɔ ɨ́ mbɛ̌r wé.

Lʉkas 10:41

Tî Yésʉs ntɔ̂ʼ yala e né ó: «Mááta, Mááta, gua, gǒ yéʼwó ó bisɔ̂ʼ ɨ́ buo buo.

Yʉanes 11:1

Nyʉ́ʉ́ mʉ̂r á be e díe ó Lazare, nyɨɛ lɨ́ edǐ Bétanî, kwár mé Maria, bé e mɨ́ɔɔ́ wé, Mááta. Nye á be ó lɨ́ ebíle.

Yʉanes 11:5

Yésʉs á be ó lɨ́ ekpɛ̌l Mááta, bé e mɨ́ɔɔ́ wé ndu e ntʉ̂m wɔ́ɔ́, Lazare.

Yʉanes 12:2

Bê nzě tyêl dína lɨ́ esoho épyál mé Yésʉs. Mááta á be ó lɨ́ eka bʉ̂r mede. Lazare nyɨɛ á be ó, ɨ́ sɔ́má bʉ̂r o b'á be mindîndǐl, bé e boo Yésʉs lɨ́ ede bá.