Lʉkas 10:37 - Kálar Nzyɛ̌m : Ejwán é Sáá

³⁷ Lɛ̂ʼla metié ntɔ̂ʼ lɛ́ɛ ó: «Waá á cwɨ́a e né nyá.» Yésʉs ntɔ̂ʼ lɛ́ɛ e né ó: «Tóʼ. Go e tó sâ jwɨʼ gwár yaá.»

Kálara Zyɛ̌m Edwán é mpʉ̌n

³⁷ Yeʼle motie ntɔʼ lɛɛ ó: «Waa a jwɨʼ nye nkoo e.» Yesʉs ntɔʼ lɛɛ e nye ó: «Eee. Gwɔɔ toʼ, to sa jwɨʼ gwar yaa.»

Lʉkas 10:37 ပူးပေါင်းရင်းမြစ်များ

1 Pyɛr 2:21

Nzyɛ̌m á jébe bɨ̌n ó, bɨ̌n sâʼ nye syɛ́ɛla yaá ó, ebě, Krîst mʉr tɨ̂ʼ á si sia e mitúú lɨ́ esú é nyɔm wɨ́n. Ɨ́ tɨ̂ʼ, nye á si lɛ̂ʼle bɨ̌n mveʼle bɨ́n jálá le edû yɨ́. Nye á sâ nó ó, bɨ̌n nkʉ̂ dû mébo mé. Yê cɛmá ɨ́ Mekaná mé Nzyɛ̌m ó:

2 Korɛnt 8:9

Ebě, bɨ̌n bé lɨ́ egʉ́ǎ mpʉ Tî gá wɨ́ná, Yésʉs-Krîst á cwɨ́a e mɨná gá yɨ́. Nye á boo be ó kúmá. Nye nzě líʼe ókúm le ogbaa wé, nzě dwir nyé mʉr tɨ̂ʼ ántéʼenteʼe mʉr, ó bɨ̌n káa lîʼ le okúm le ogbaa waá e nzɨ̌ entéʼe lé.

Mataos 23:23

«Nkoó, nye ó e bɨ̌n, olɛ̂ʼla o métié le oFarizyɛ̂n! Bɨ̌n baányâ-mikóo, bɨ̌n bé lɨ́ edwě Nzyɛ̌m nkɔb kám: ká étyéelé, mpumó ájɨ́mɨ́ le ntáma. Tyé yaá yɨ́yɛ̂h, bɨ̌n bé lɨ́ epyêh métié me dí ɨ́ bwaʼ má. Mé ó dí: edû kʉ̌ tyen dí tîtyěl wɨ́, ecwɨ́a e bʉr, le edira ménkɛ̌ʼ mɨ́n. Yé á gwa jala ɨ́ páʼ wɨ́n ó, bɨ̌n lóŋlaa bisyɛ́ɛla bíbyɛ̂h: le byaá bɨ́n dí asâ, le byaá bɨ́n dí esɨsâ bí.

Éfɛsɔs 5:2

Kpɛlaa gâ, mpʉ̌ Krîst á kpɛl mɨná gá yɨ́. Nye á si syɛ́ɛla twiʼ yé lɨ́ esú é bícwiʼ gá bíná. Nye á dwe twiʼ yé ó, nye díʼee mpʉ tír bé dí etíʼě Nzyɛ̌m tâŋ ndwéá nyá. Ndwéá waá, wé e menumó Nzyɛ̌m dí ɨ́ buú kpɛl má.

Mɨngwiha 1:5

Yésʉs-Krîst sʉ́ʼoo bɨ̌n metyɛʼ me mpóm, le egbâ mépyɛbla ɨ́ sɔ́má yɨ́n. Nye ó mboʼlo jálá le ebúʼlɔɔ nyá. Nye ó dí mwâ medwéʼe mé Nzyɛ̌m á pah, duho lɨ́ odwe nyá. Nye ó dí Njwɨ́ɨ mesí mé sí yɨ̂ʼ mɨ́mɛ̂h. Nye lɨ́ ekpɛl mɨ́ná gâ. Nyɨ́ sʉ métié mé sí, ntɔ̂ʼ pɛʼ bibaa bí ébébě Nzyɛ̌m á niʼe ɨ́ lɔ̌b mísyóm gá míná bí, ɨ́ nzɨ̌ ndwéá wé.

Mataos 20:28

Ebě, Mwân mé Mʉr nye mʉr tɨ̂ʼ á bé anze ó, bʉr séaa e né. Nye á nze ó, nyɨɛ séaa e bʉr, le edwě twiʼ yé, lɨ́ enzě lɨ́ etáǎ góo, le edwih bʉ̂r ɨ́ buo buo ɨ́ mpila mísyóm, pɛʼ bé ɨ́ fá.»

Lʉkas 10:36

Yésʉs ntɔ̂ʼ dî e lɛ̂ʼla metié waá ó: «Ɨ́ bʉr olɛ̂l bé á bee mʉr á bíŋɔɔ nyá bá, waá wáa á lɛ̂ʼle ó, nye ó mɨ́ɔɔ́ wé mʉr nyá? Gǒ bee nyá?»

Lʉkas 10:38

Mpʉ̌ Yésʉs, bé le ompʉ́n bé, bé á be lɨ́ etô ɨ́ nzɨ̌ nyaá yɨ́, bê nzě pyâl ɨ́ nyʉ́ʉ́ kwár. Mʉmá kwár nyaá, díé lé Mááta, ntɔ̂ʼ soho nyê, tira nyé ntɔ́ɔ ɨ́ mbɛ̌r wé.