Lʉkas 10:29 - Kálar Nzyɛ̌m : Ejwán é Sáá

²⁹ Tó kœb ó, lɛ̂ʼla waá á be lɨ́ edǐ lɛ̂ʼle ótîtyěl wé. Nye ntɔ̂ʼ dî e Yésʉs ó: «Á mɨ́ɔɔ́ wǎm mʉr, nye nzé?»

Kálara Zyɛ̌m Edwán é mpʉ̌n

²⁹ To kœb ó, yeʼle waa a be ó lé ejɨ lɛʼle mpʉ nye a be cɨcyel mʉr ɨ. Nye ntɔʼ dî e Yesʉs ó: «A mɨɔ wam mʉr, nye zé?»

Lʉkas 10:29 ပူးပေါင်းရင်းမြစ်များ

Lʉkas 16:15

Yésʉs ntɔ̂ʼ lɛ́ɛ e bé ó: «Bɨ̌n bé lɨ́ elɨlɛ̂ʼle bʉ̂r ó, bɨ̌n ó dí otîtyěl. Sâ gwár, Nzyɛ̌m, nye lɨ́ egʉ́a mílémé mín, ebě, sá bʉ̂r dí ebuú sêʼle yɨ́, Nzyɛ̌m, nye lɨ́ ebene yé mpene-numó.

Galásia 3:11

Mɨná mû ó sí gʉ́a gá ɨ́ pébébé ó, yé abe e mʉr dí e nkul ebi nkâm ɨ́ míh mé Nzyɛ̌m ɨ́ lɔ̌b mbaʼlá métié. Mekaná mé Nzyɛ̌m, mé lɨ́ elɛ́ɛ tɨ̂ʼ ó: Tîtyěl mʉr, nye ótiʼe ó, ɨ́ lɔ̌b búʼó yé.

Rôm 4:2

Yé bé Abraham á si bi nkam ɨ́ lɔ̌b bísyɛ́ɛla bimpâ byé nó, lɛ́ɛ́, nye á be ó e sá énkʉ́na tɨ̂. Sâ gwár, nye á bé abe e sá énkʉ́na tɨ̂ʼ ɨ́ míh mé Nzyɛ̌m.

Rôm 10:3

Bé á si jéʼe nzɨ̌ Nzyɛ̌m á tíʼe ɨ́ lémé wé ó, nyě kǎr ó bé nyǎ, ó bé ócɨɨ tɨ̂, bé obi nkâm tɨ̂ʼ nyɨ́. Bé á jaa sáa njɨ ó, bé káraa nyɔ́ɔ́ nzɨ́. Nó ó bé á gbɔba e Nzyɛ̌m, lɨ́ esú ó, bé bíʼee nkam lɨ́ ecɨɨ ɨ́ nzɨ̌ bɨ́ɛ bé bʉr o tɨ̂ʼ, bé á kar nyɨ́.

Lʉkas 10:36

Yésʉs ntɔ̂ʼ dî e lɛ̂ʼla metié waá ó: «Ɨ́ bʉr olɛ̂l bé á bee mʉr á bíŋɔɔ nyá bá, waá wáa á lɛ̂ʼle ó, nye ó mɨ́ɔɔ́ wé mʉr nyá? Gǒ bee nyá?»

Jacques 2:24

Nó ó, bɨ̌n bɨ́ bee ó, mʉr bi nkâm ɨ́ míh mé Nzyɛ̌m ó, ɨ́ lɔ̌b bísyɛ́ɛla bimpâ yɨ́. Nyé abi nkâm ɨ́ lɔ̌b búʼó yé, yé omér.

Markus 8:34

Nó nyé á nze jébe entumo e bʉ̂r le ompʉ́n bé. Nye ó: «Mʉ̂r sí kpɛl édû mé nó, nye bénaa nye mʉr tɨ̂. Nye e nkɛ́ɛ́ kolôs yé. Nye e dú mê.