Lʉkas 10:20 - Kálar Nzyɛ̌m : Ejwán é Sáá

²⁰ Sâ gwár, ayɨ́ buú soho gá ɨ́ lɔ̌b mímbɨ́a mísísǐm, byé lɨ́ esâ bɨ́n mejóʼo. Sohaa gá ebe míé mɨ́n dí micɛmá ɨ́ jʉ́o kʉ́.»

Kálara Zyɛ̌m Edwán é mpʉ̌n

²⁰ Sa gwar, abul soho ga ebe bɨbɨbla mɨsisim, byé esa bɨn mojoʼo. Kʉ bul soho ga yɛɛ njɨ, ebe, mie mɨn, mé mu ó mɨtila é jobo kʉ.»

Lʉkas 10:20 ပူးပေါင်းရင်းမြစ်များ

Mɨngwiha 20:15

Bʉr o b'á be abe e míe micɛmá ɨ́ mekaná mé twiʼ bá, bé ntémé, bé á si guhɔɔ ɨ́ bɨ́ siʼe yaá.

Mɨngwiha 20:12

Me ntɔ̂ʼ bee ódwe. Ɨ́ bʉr baá, yé á be ó, le minjwɨ́ʼ mí bʉ̂r ndu e baántéʼenteʼe o bʉ̂r. Bé á be ó sí tyɛ̂b ɨ́ mpǒm mecwɨ́ɨ́ mé jwɨ́ɨ. Mekaná, mé ntɔ̂ʼ bɛ́ɔɔ ɨ́ buo buo. Mʉ́ʉ́ mékaná meswîh ntɔ̂ʼ bɛ́ɔɔ ntémé, mɨ́haá e míé mé bʉ̂r o ngá bǐ twǐʼ njʉ̌m dǐ bá. Nzyɛ̌m nzě pahle bʉ̂r o b'á dwe bá. Nye á tíʼe milɔ̌b myɔ́ɔ́ ó, lɨ́ edû mpʉ bísyɛ́ɛla byɔ́ɔ́ byé á be yɨ́. Bibaa bísyɛ́ɛla byɔ́ɔ́ byaá, byé á be ó micɛmá lɨ́ ebɨ́ʼ é mékaná mé ésôʼ maá.

Mɨngwiha 21:27

Nó ó, bisá mélwaʼwo bíɛ, byé ákóʼó nî gʉ̂. Bʉr o dí esâ bísyɛ́ɛlǎ Nzyɛ̌m dí ɨ́ buú bene bí bá, bé e baányâ-bibɛr, bé ákóʼó nî ntémé gʉ̂. Bʉr o ngá nî gʉ̂ʼ bá, bé óbe ó njɨ baá bé á boo be e míe micɛmá ɨ́ mekaná mé twiʼ mé Mâ Nteme bá.

Ebrœ̂ 12:23

Bɨ̌n mû ó bǎʼ e gwɨ́hlá médwéʼé mé bwán mé Nzyɛ̌m. Míé mɔ́ɔ́, mé ó micɛmá ɨ́ jʉ́o kʉ́. Bɨ̌n bé á si sîhle bǎʼ e Nzyɛ̌m Tîʼ milɔ̌b, mʉr ngá pahle bʉ̂r bɨ́bɛ̂h nyá. Bɨ̌n bé á si pyâl gúmó ótîtyěl o bʉ̂r dí yɨ́. Bé mû ó lɨ́ etíʼe mbɨ̂mbɨá, ntinɨ̂ e ntinɨ̂.

Mɨngwiha 3:5

Baá bé óntaa, búla le onkɔ́ɔ́ bá, me óbôr bé mikán ɨ́ pumo pumo. Me ápɛʼ míé mɔ́ɔ́ ɨ́ mekaná mé twiʼ. Me ólɛ́ɛ Sɔ́ŋ wǎm, bé e beéngeles bé ó: “Baá bâm bê.”

Filipi 4:3

Me lɨ́ ejɨʼla ntémé e go, mpǎŋ mɨ́ɔɔ́ wǎm, ó go tôʼ komlo bʉ́bá ónɨ̌, ó bé díʼee twíí, ebě, bé ó bʉr o bɨ́h le onɔ́ɔ́ bé á sia e túú lɨ́ etúnǒ Mbɨambɨa Lɔ́ɔ bá. Bé e Klemâŋ ti e bʉ́ʉ́ bʉ̂r, bé á si séa ntémé nó. Míé mɔ́ɔ́, mé ó micɛmá ɨ́ mekaná mé twiʼ tʉ́ŋlʉ̌.

Mɨngwiha 13:8

Nó ó, bʉr ó sí yɨ̂ʼ bɨ́bɛ̂h, bé ódwe nyé kûm, pɛ̌ʼ njɨ baá Nzyɛ̌m á boo cɛma míé mɔ́ɔ́ ɨ́ mekaná mé twiʼ bá. Mekaná maá, mé á boo be cɛmá ó, táare ɨ́ jɔ̌ʼ kʉ́ e sí, byé á be apǎ bě kuhá yɨ́. Mé gúmó ó e Mâ Nteme bé á boo jʉ̂ nyá.

Mataos 10:1

Nó ó Yésʉs á nze jébe ompʉ́n kám le obá bé, ntɔ̂ʼ dwe bé nkul jwɨ́ɨ eso méleme le etiʼ mímbél mímyɛ̂h myé á be e mekpaa nkʉ̂ bidyɛ̂m mí.

Mataos 26:24

Yé ó nó. Mwân mé Mʉr ódwě mpʉ yé á boo be cɛmá ɨ́ lɔ̌b wé yɨ́. Sâ gwár, nkoó, nye ó e mʉr ngá bɛ́ma Mwân mé Mʉr nyá! Yé á gwa mbɨa mʉr waá ó, mpa nye á bé abyɛ̂l!»

Mataos 27:5

Nye nzě guho bé minzaŋ mí mɔnɨ́ myaá ɨ́ mpáh Nzyɛ̌m tʉ́ŋlʉ̌, ntɔ̂ʼ tô kʉ̌l, tó tyeelě kǒl ɨ́ twíí, dwe.

Mɨngwiha 17:8

Tír gó á bee nyá, á boo be ó tɨ̂, jɔ̌ʼ myâ. Tó kœb ó, nyé akǎ be. Yɨ́ kǎ lîʼ tîtííǎ, nyé opah, duho ɨ́ bɨ́ dí sí ɨ́ kœ́ʼlɛ́ yɨ́. Nyé óduho tɨ̂ʼ nó, nyé odwe. Nzyɛ̌m á si cɛma míé mé bʉ̂r o nyé ngá tíʼ bá, táare ɨ́ jɔ̌ʼ kʉ́ e sí, byé á be apǎ bě kuhá yɨ́. Sâ gwár, bʉr o míe dí anyɨ̂n ɨ́ mekaná mé twiʼ maá bá, bé óbuú kâm tír waá, ebě, bé óbee ó, nye á be ɨ́ nyɛɛ́ tíʼe, nye nzě dwe. Bé óbee nyé ntémé lɨ́ ebáʼǎ pah.