Lʉkas 10:2 - Kálar Nzyɛ̌m : Ejwán é Sáá

² Nó nyé á lɛ́ɛ e bé ó: «Yé ɨ́ buo méde mû sí tɨ̂ ɨ́ pemé má. Sâ gwár, bʉr o tó kpɛm méde maá bá, bé abuo. Nó, jɨʼlaa gá e Kúm pemé ó, nye lómaa bilóbila ɨ́ buo buo. Bé tô kpɛm méde ɨ́ pemé.

Kálara Zyɛ̌m Edwán é mpʉ̌n

² No ó nye a lɛɛ e be ó: «Mode, mé mu ó si bul tɨ é bɨpeme. Sa gwar, bʉr o to é mɨngol ɨ, bé abuo. No ó, saʼ ga Mʉr peme mɨnjwɨʼla ó, nye loma osyɛl o mosa é buobuo, lé eto é mɨngol é peme ye.

Lʉkas 10:2 ပူးပေါင်းရင်းမြစ်များ

1 Tesalonika 5:12

Bɨ́ɔɔ́ bâm! Okɛ́l bâm! Bɨ̌h jɨʼlá e bɨ̌n ó, bɨ̌n dwáawaa baá o dí eséǎ lelelelě syɛ́ɛ́ ɨ́ sɔ́má yɨ́n bá. Bé ó baá Tî Yésʉs á tyêl bá. Nye á kpɛl ó, bé tîtyɛbɨɨ ɨ́ mpǒm nyɨ́n, lɨ́ ecɨ̂l bɨ́n.

Markus 16:15

Nó nyé á lɛ́ɛ e bé ó: «Tóʼ gá ɨ́ sí yɨ́yɛ̂h, lɨ́ etô le etúnǒ Mbɨambɨa Lɔ́ɔ ɨ́ mesí mɨ́mɛ̂h Nzyɛ̌m á kuho má.

2 Timotɛ 4:5

Sâ gwár, gua, máráá léme ɨ́ bijɔʼ bíbyɛ̂h. Júhwáá mítúú. Séáá syɛ́ɛ́ étúnǒ Mbɨambɨa Lɔ́ɔ. Lóŋláá syɛ́ɛ́ Nzyɛ̌m á tyêl go tɨ̂ʼ yɨ́ yɨ́yɛ̂h.

2 Tesalonika 3:1

Bɨ́ɔɔ́ bɨ́h! Okɛ́l bɨ́h! Bɨ̌h kǎ cɛmá bɨ́n ó, bɨ̌n jɨ̂ʼlaa e Nzyɛ̌m ɨ́ lɔ̌b wɨ́h, ó lɔ́ɔ́ dí edumo e Tî Yésʉs wɨ́, wé tôʼ dóló le emyaŋlǎ kám e kám, ó bʉr dwêʼ lɔ́ɔ waá dúu, dû mpʉ bɨ́n bɨɛ dí egúmlo wé yɨ́.

Markus 13:34

Ebě, yé ónwɨɨla ó mpʉ mʉ̂r dí etô ɨ́ tyen, líʼě mbɛ̌r wé, kab ósyɛ̂l o mésá bé bisyɛ́ɛ́ byɔ́ɔ́, mʉr nyɨnyɛ̂h e yé sá ésâ, nzě lɛ́ɛ ndwéela ebê ó, nye díʼee ɨ́ doho yɨ́.

1 Timotɛ 4:10

Nzyɛ̌m wɨ́ná dí kublakúbla, waá dí Tiʼbʉr ɨ́ páʼ bʉ̂r bɨ́bɛ̂h nyá ó b'á gbâ mpûʼla ɨ́ milémé míná. (Náǎ yé ó, nyě tǐʼ ó, baá o dí edyêʼ koo e né bá!) Lɔ́ɔ waá wé omér ó dí esâ ó, bɨ̌h kámaa túú syɛ́ɛ́, ti e dɔm bɨ́h dí elwímla lɨ́.

Mɨlʉmlʉ 22:21

Nó ó Tî Yésʉs á ka lɛ́ɛ e me ó: “Tóʼ, ebě, me múo nzě tyen gó lɨ́ ejaa, ɨ́ nko bʉ̂r o dí abe óYúden bá di yɨ́.”»

Mɨlʉmlʉ 20:28

Gwá dwɛ̂ʼ gá tyé yɨ́n, bɨ̌n bʉr o tɨ̂, le mpʉ̌ sɔ́má óbûʼla bɨ́bɛ̂h dí yɨ́. Sísǐm mé Nzyɛ̌m, wé á tyêl bɨ̌n ɨ́ Mbɛ̌r-Nzyɛ̌m ó, ɨ́ dǐ óbɔʼlʉ. Nó, gwá baʼle gá bé Mbɛ̌r-Nzyɛ̌m waá. Nzyɛ̌m á bwâm wé ó, ɨ́ nzɨ̌ metié mé Mwân wé nye mʉr tɨ̂.

Mɨlʉmlʉ 13:4

Sísǐm mé Nzyɛ̌m nzě lómǒ Banabâs, bé e Saʉ̂l ó, bé tôʼ Selœkéa. Bé ntɔ̂ʼ tó kalwɔɔ ɨ́ sitíma, bê nzě tó pyâl ɨ́ tíhé Swiprʉ̂s.

Mɨlʉmlʉ 13:2

Ádwií ɨ́ gúú móhó, ɨ́ jɔʼ bé á be lɨ́ edwe Tî Yésʉs kûm le eti méde yɨ́ nɛ́ɛ: Sísǐm mé Nzyɛ̌m nzě lɛ́ɛ e bé ó: «Tyélɨ́ɨ́ gá me Banabâs, bé e Saʉ̂l, lɨ́ empah. Bé séaa syɛ́ɛ́ mé á jébe bé ó, bé tô séa yɨ́.»

Mɨlʉmlʉ 11:19

Jɔ̌ʼ Étiene á jʉ́ŋɔɔ yɨ́, bʉr nzě tíble óbûʼla ɨ́ dwíííá. Yé ó b'á sâ ó, obûʼla, bé gbɛ́haa. Bâʼ bʉ̂r ó sɔ́má yɔ́ɔ́, bé á si tô tyé sí Fénikia, le tíhé Swiprʉ̂s, ndu e Antiôs. Ɨ́ jɔʼ bé á bʉbɔma e bʉ́ʉ́ bʉ̂r yɨ́, bʉ̂r baá bé abe óYúden nó, bé l'adwe bé milɛ́ʼlá ɨ́ milɔ̌b mé Nzyɛ̌m.

Mɨlʉmlʉ 8:4

Baá bé á gbɛha bá, bê nzě tô mésí e mésí mɛ̂h, lɨ́ etô le etúnǒ Mbɨambɨa Lɔ́ɔ.

Lʉkas 9:1

Nó ó Yésʉs á nze jébe ompʉ́n bé kám le obá, nzě dwe bé nkul le jwɨ́ɨ ó, bé sôʼ meleme ɨ bʉr, le etiʼ mímbêl.

Markus 16:20

Nó ó ómpʉ́n bé, bé á to le etúno Mbɨambɨa Lɔ́ɔ ɨ́ gúmó yɨ́yɛ̂h yɨ́. Píe lɔ́ɔ́ bé á túno wɨ́, Tî Yésʉs á ntɨntɨh mesimá ó, maá me dí eboʼlo ó, lɔ́ɔ́ wɔ́ɔ́, wé á kʉ be ó tyeetye má.]

Mataos 20:1

«Mpóʼo mé Dâ Nzyɛ̌m nwɨɨla ó e mʉr bipemé á tô kʉ̌l ɨ́ dwiné mɛ́n kúnó, lɨ́ etó sáa bilóbila nyá. Nye á sáa ó bʉr o tó séa nyé syɛ́ɛ́ ɨ́ pemé óraisin bá.

Filipi 2:25

Nó ó, yé á jɨ ó, me bwóolaa bɨ̌n Epafrɔ́ditɔs, mɨ́ɔɔ́ gá wɨ́ná. Bɨ̌h e nɔ́ɔ́ ó dí eséǎ syɛ́ɛ́ le elwímla ɨ́ lɔ̌b mé Yésʉs-Krîst. Bɨ̌n bé á ntɨh me nyǎ ó, ɨ́ lʉ́mlʉ́ wɨ́n, ó nye ntáa nzě súʼo mé e bisá byé á sâ me sɔ́ɔlʉ bí.

Filipi 2:21

Ebě, bʉ́ʉ́ bʉ̂r bɨ́ɛ sáá ó, njɨ minyɔm myɔ́ɔ́. Bé ójóʼǒ sá dí edumo e Yésʉs-Krîst yɨ́ nó, bé anʉa yé, gbâ ɨ́ nkɔb.

1 Korɛnt 12:28

Nó ó, Nzyɛ̌m á tyêl bʉr ɨ́ Mbɛ̌r-Nzyɛ̌m ó, mbi wɨ̂: ɨ́ tyé ésôʼ, bʉr o mílʉ́mlʉ́ mé Yésʉs; ɨ́ tyé mbá, ogwíha o mílɔ̌b; ɨ́ tyé lɛ̂l, olɛ̂ʼla. Píe tɨ̂, nye á tyêl ó: osyɛ̂l o mésimá, ojomo o bʉ̂r, osúʼa, ojwɨ́ɨ ó Mbɛ̌r-Nzyɛ̌m, le baá o dí elwib báayogoyogo bá.

Kolosi 1:29

Sá tɨ̂ʼ ó mé dí eséǎ syɛ́ɛ́ yɨ̂ʼ yɨ́. Mě séá yé ó e nkul. Tó kœb ó, nkul mé dí eséa e né nyɨ́, nyě duhó ó, kwá mé Krîst. Nkul nyé nyaá ó dí eséa ɨ́ me tʉ́ŋlʉ̌ nyɨ́.

Filipi 2:30

Ebě, nye á be ó sí gwá dwe ɨ́ lɔ̌b syɛ́ɛ́ mé Krîst. Nye á gwa dwe ó, lɨ́ enzě kɛm mê, lɨ́ enze mé e mingúlá bɨ́n á be abe e nkul edwe mé mí.

Ebrœ̂ 3:6

Tó kœb ó, Krîst nyɨɛ á si tyélɔɔ ɨ́ dǐ Mwân á jala le edǐ lʉ́ mbɛ̌r bʉ̂r waá nyá. Mbɛ̌r bʉ̂r waá, wé gúmó ntémé ó e né. Mɨ́ná bé ódi gá e mpûʼla ɨ́ miléme, le ekʉ́ gʉ́ǎ sá mɨ́ná dí ebúʼla gá yɨ́, abáawǒ sɔ̂ʼ nó, lɛ́ɛ́, mɨná gá ó dí bʉ̂r ó mbɛ̌r bʉ̂r wé waá.

1 Tesalonika 2:9

Bɨ́ɔɔ́ bâm! Okɛ́l bâm! Bɨ̌h bé á si kʉ séa bisyɛ́ɛ́ bí nkûl. Bɨ̌n bʉr o tɨ̂, bɨ̌n bé lɨ́ egʉ́a nó. Jɔʼ yɨ́yɛ̂h bɨ́h á lɨlɛ́ɛ bɨ̌n Mbɨambɨa Lɔ́ɔ́ mé Nzyɛ̌m yɨ́, bɨ̌h ntémé á be lɨ́ eséa bísyɛ́ɛ́ mébô, móhó e pum. Bɨ̌h bé á sâ nó ó, bɨ̌h sá agbâ bɨ́n túú ɨ́ nyʉ̂l lɨ́ enkɛ́ɛ̌ mbeʼ wɨ́h.

Kolosi 4:12

Epafrâs, mʉr á duho kwá nyɨ́n nyá, nye lɨ́ esoho bɨ́n. Nye ó syɛ̂l mesâ mé Krîst. Nye lɨ́ ejɨʼla e Nzyɛ̌m e nkul jɔʼ yɨ́yɛ̂h ɨ́ lɔ̌b wɨ́n ó, bɨ̌n tyɛ́bɨɨ mekʉ̌ sí ɨ́ sɨ́ŋ, bɨ̌n díʼee otɔ́má bʉ̂r ɨ́ mipáʼ mímyɛ̂h, le egʉ́a bísyɛ́ɛla bíbyɛ̂h Nzyɛ̌m dí ekpɛl bí ɨ́ pébébé.

2 Korɛnt 6:1

Ebě, Nzyɛ̌m lɛ́ɛ́ ó nɛ́ɛ: «Ɨ́ jɔʼ yé á jala yɨ́, me á si jóʼo go. Ɨ́ móhó mé á tiʼ bʉ́ʉ́ bʉ̂r wɨ́, me á si kɛm go ntémé.» Nó mpʉ bɨ́h dí esɨséǎ Nzyɛ̌m syɛ́ɛ́ gwár yaá yɨ́, bɨ̌h bé lɨ́ ejɨʼla e bɨ̌n ó, bɨ̌n ayɨ́ bi mpâm mé Nzyɛ̌m dwêh. Jɔ̌ʼ Nzyɛ̌m á kam ó, nye óyala mɨ́ná gá yɨ́ ó yɨ̂. Móhó nyé á tyêl lɨ́ esú lé étiʼ mɨ́ná gá wɨ́ ó wɨ̂.

1 Korɛnt 15:10

Damá jóʼo nó, me mʉr milʉ́mlʉ́ ó, ɨ́ metyɛʼ me mpóm Nzyɛ̌m á sʉ me má. Nye á bé asʉ mé mǎ dwêh. Nye á sʉ me mǎ ó, me nkʉ̂ séa, laa bʉ́ʉ́ bʉ̂r o mílʉ́mlʉ́ bé bɨ́bɛ̂h. Lɨ́ otyeetye, ntʉ mé á séa. Metyɛʼ me mpóm me dí ɨ́ me má, mé ó dí esâ ó, me séaa.

Filemɔŋ 1:1

Yé ó mɛm Pɔ̂l, mʉr dí mbʉʼ ɨ́ lɔ̌b mé Yésʉs-Krîst nyá ó dí ecɛma gó mekaná mâ, bɨ̌h e Timotɛ̂ mɨ́ɔɔ́ wɨ́ná. Bɨ̌h cɛmá ó, gua mɨ́ɔɔ́ kpɛ̌l wɨ́h Filémɔn, dí eboó séa e bɨ̌h syɛ́ɛ́ gwár nyá.

Mɨngwiha 2:1

«Cɛmaa mékaná. Go e tyén éngeles dí edwéelě Mbɛ̌r-Nzyɛ̌m, waá dí Éfɛsɔs wɨ́ nyá. Lɛ́yɨ́ɨ́ nyé ó: Waá dí emɛ̂r ócwícwén nzaangbá lɨ́ ekœ́h lé éjʉ́m lé nyá, nye lɨ́ etye páʼ bityélátyéla méláma bí gʉ̂l nzaangbá. Nyě lɛ́ɛ́ ó: