Lʉkas 10:18 - Kálar Nzyɛ̌m : Ejwán é Sáá

¹⁸ Yésʉs ntɔ̂ʼ lɛ́ɛ e bé ó: «Me á si bee Sátan lɨ́ eduho ɨ́ jʉ́o kʉ́ mpʉ̌ ndweh mpíé.

Kálara Zyɛ̌m Edwán é mpʉ̌n

¹⁸ Yesʉs ntɔʼ lɛɛ e be ó: «Me a si bee Satan lé eduho é jobo kʉ, ze e kam kaʼ si é kum, kʉ be mpʉ ndweh mpie.

Lʉkas 10:18 ပူးပေါင်းရင်းမြစ်များ

Mɨngwiha 9:1

Éngeles tɛ̂n ntɔ̂ʼ lʉ́o sébé wé. Me ntɔ̂ʼ bee twítwén lɨ́ etɨ̂l, duho ɨ́ jʉ́o kʉ́, duma sí. Twítwén waá á si dweŋɔɔ osab, ó nye díbɨɨ mengʉŋ me dí epɨ̌r nǔm bɨ́ dí sí ɨ́ kœ́ʼlɛ́ yɨ́ má.

Yʉanes 16:11

Nye ólɛ̂ʼle bé tíʼá mílɔ̌b mé Nzyɛ̌m, ebě, Nzyɛ̌m, nyɨ́ boó tíʼě lɔ̌b me njwɨ́ɨ sí yɨ̂, le edwe nyé mebě.

Yʉanes 12:31

Báánâʼ mû ó jɔ̌ʼ lɔ̌b sí yɨ̂ʼ múo nzě tîʼ yɨ́. Ɨ́ báánâ, njwɨ́ɨ sí yɨ̂, múo nzě soŋɔɔ.

1 Yʉanes 3:8

Mʉr dí etô dóló le esâ syóm nyá, nye ó mʉr mé sɔ́ŋ meleme, ebě, sɔ́ŋ meleme ó dí etín é mísyóm, boó duho ó duháa ɨ́ menyɛ̌l, kumo mûh ɨ́ dʉ́ó lɨ̂. Tó kœb ó, Mwân mé Nzyɛ̌m á nze nyɨ̂n ɨ́ sí yɨ̂ʼ ó, nye nkʉ̂ gbɛ́ɛ bísyɛ́ɛla mé sɔ́ŋ meleme.

Ebrœ̂ 2:14

Bwán nyé dí elwib, dumo e bé bá, bé e bipúno ndu e bidwehé. Jwɨʼ gwár yaá ntémé ó Yésʉs á tíʼe yɨ́. Nye á si dwe lɨ́ esú ó, nye têʼlaa mʉr á bɨbe e nkul eswie nyá. Mʉr waá, nye ó sɔ́ŋ meleme.

Mɨngwiha 20:2

Nye á si to mɛ̂r njʉ̌m myɔ́ɔ́ dí e díe ó, «Sɔ́ŋ meleme», nkʉ̂ «Sátan» wɨ́. Éngeles waá á si mɛ̂r nye, kâʼ nyé e kʉ̂kɔ̌b. Nye ódǐ kɛ́ʼá tɔ́ɔ́sin mimbû.

Mataos 4:10

Yésʉs ntɔ̂ʼ yala e né ó: «Sátan, duhaa mé ɨ́ mîh. Ebě, yê cɛmá ntémé ó: “Dwéʼ Dâ, dí Nzyɛ̌m gǒ nyá, kûm. Go e dwé dúu, njɨ nye omér.”»