Lʉkas 1:79 - Kálar Nzyɛ̌m : Ejwán é Sáá

⁷⁹ Nye ókʉn ntémé menzɨ̌ me bʉ̂r o b'á bɨbe lɨ́ edúrʉ́ʉ́ bá. Baá bé á bɨbe ɨ́ ka sóo bá, bé mû ó, sí tiʼe. Nye ólɛ̂ʼle mɨ́ná gá mpʉ mɨ́ná jálá le edûdu gá kʉ̌ tyen mpâ, mɨ́ná gá le onɔ́ɔ́ nkʉ̂ didi ɨ́ mepyɛbla yɨ́.»

Kálara Zyɛ̌m Edwán é mpʉ̌n

⁷⁹ Mɨmbah, myé ókʉn bɨna ga bʉr o b'a be-be é l'edurʉ, baa b'a be-be é ka foo e. Nye ólɛʼle bɨna ga ebò e cyen bɨna lé ejala le ekœʼ ga ɛ, bɨna ga e boo nɔɔ nkʉʼ tiʼe é motala.»

Lʉkas 1:79 ပူးပေါင်းရင်းမြစ်များ

Mataos 4:16

Kúl bʉ̂r yé á be lɨ́ entima lɨ́ edúrʉ́ʉ́ yɨ́, yɨ́ beě myɛ́n ɨ́ bwaʼbwaʼ. Bʉr bé á be lɨ́ edi ɨ́ nkom nkom bá, bɨ́ beě myɛ́n lɨ́ epan ɨ́ sí yɔ́ɔ́!”

Mɨlʉmlʉ 26:18

Mě lómó gó ó, go tô bɛ́ɛ bʉ̂r mîh. Go dwíhɨɨ bé lɨ́ edúrʉ́ʉ́, tyen bé ɨ́ myɛ́n; dwih bé ɨ́ jwɨ́ɨ́ mé Sátan, tyen bé kwá mé Nzyɛ̌m. Bé ódyɛ̂ʼwo e me nó, me ópɛʼ bíbaa bí ébébe mé á niʼe bé bí, ntɔ̂ʼ dwe bé diá ɨ́ sɔ́má bʉ̂r bâm dí mipubá bá.”»

Éfɛsɔs 5:8

Ɨ́ mimbú mí píhe, bɨ̌n bé á bɨbe ó, lɨ́ edúrʉ́ʉ́. Nó ó, ɨ́ báánâ mpʉ bɨ́n mû sí pûhla e Tî Yésʉs yɨ́, bɨ̌n mû ó ɨ́ myɛ́n. Nó ó, dúʼóó gá kʉ̌ tyen dí ejala e bʉr o dí ɨ́ myɛ́n bá wɨ́.

Yʉanes 12:46

Mɛm á nze ɨ́ sí yɨ̂ʼ ó, me pánaa myɛ́n, ó mʉr nyɨnyɛ̂h dí edyêʼ koo e me nyá, nkʉ̂ duho lɨ́ edúrʉ́ʉ́, tô pyâl ɨ́ myɛ́n.

Yʉanes 8:12

Píe tɨ̂, Yésʉs nzě lɛ́ɛ bʉ̂r ó: «Me ó dí njʉl dí epan ɨ́ sí yɨ̂ʼ wɨ́. Mʉr ódû mé nyá, óbǐ njʉl dí edwě twiʼ wɨ́. Nye ákǎ ntíma lɨ́ edúrʉ́ʉ́.»

Yʉanes 9:5

Jɔʼ yɨ́yɛ̂h mé dína ɨ́ sí yɨ̂ʼ yɨ́, me ó dí njʉl dí ɨ́ sí yɨ̂ʼ wɨ́.»

Yʉanes 1:9

Njʉl waá wé omér ó b'á pan mpǎŋ myɛ́n. Wé lɨ́ epǎn myɛ́n ɨ́ sí yɨ̂, lɨ́ ekʉn bʉ̂r bɨ́bɛ̂h nzɨ̌ twiʼ.

Lʉkas 2:32

Mwân nyâ, nye óbe ó njʉl ngá kʉn bíkúl bíswîh ó, byé gʉ́ŋaa go wɨ́. Bʉr bô, bʉr o b'Ɨ́zraɛ̂l, bé óbuú sêʼlɔɔ ɨ́ nye.»

Rôm 3:17

Bé agʉ́a nzɨ́ edwe bʉ̂r mepyɛbla.

Mɨlʉmlʉ 10:36

Bɨ̌n bé lɨ́ egʉ́ǎ lɔ́ɔ́ Nzyɛ̌m á lɛ́ɛ bʉr o b'Ɨ́zraɛ̂l wɨ́. Mbɨambɨa Lɔ́ɔ waá, wé ó waá mépyɛbla bʉ̂r dí ebi ɨ́ nzɨ̌ mé Yésʉs-Krîst, dí Njwɨ́ɨbʉr bɨ́bɛ̂h nyá wɨ́.