Lʉkas 1:32 - Kálar Nzyɛ̌m : Ejwán é Sáá

³² Nye óbe ó mʉ̌r nɨ́nɨ́ɨ́. Bʉr, bé ójébe nyé ó: “Mwân mé Nzyɛ̌m dí Lʉ́ bísá bíbyɛ̂h nyá.” Dâ Nzyɛ̌m ódil nyé ɨ́ diá jwɨ́ɨ mé sɔ́ŋ mpám wé David.

Kálara Zyɛ̌m Edwán é mpʉ̌n

³² Nye óbe ó mʉr nɨnɨ. Bʉr, bé ójebe-jebe nye ó, Mwan mo Zyɛm ndɨ Lʉ bɨsa bibyɛh ɛ. Da Zyɛm ódil nye é dia taʼa mo sɔŋ mpam we David.

Lʉkas 1:32 ပူးပေါင်းရင်းမြစ်များ

Lʉkas 1:35

Nó ó éngeles á nze yala e né ó: «Yé óbe ó: Sísǐm mé Nzyɛ̌m ó ngá sulo ɨ́ go. Nzyɛ̌m dí Lʉ́ bísá bíbyɛ̂h nyá, nkul nyé, nye ógbâ gó sí pyóo nyé. Sá tɨ̂ʼ ó mwân ti gó óbyâ nyá, ójwɨrɔɔ “Mwân mé Nzyɛ̌m” yɨ́.

Markus 5:7

ntɔ̂ʼ bʉ̂ bítím kʉ́ kʉ́. Nye e né ó: «Gǒ sáá yé e me, Yésʉs, Mwân mé Nzyɛ̌m dí Lʉ́ bísá bíbyɛ̂h nyá? Me lɨ́ ejɨʼla e go ɨ́ díé mé Nzyɛ̌m: ayɨ́ dwe mé ntɨ́ʼá!»

Mɨngwiha 3:7

«Cɛmaa mékaná. Go e tyén éngeles dí edwéelě Mbɛ̌r-Nzyɛ̌m, waá dí ɨ́ Filadɛ́lfia wɨ́ nyá. Lɛ́yɨ́ɨ́ nyé ó: Lɔ́ɔ́ wɨ̂, wé duho ó, ɨ́ num mé Mʉr mé Nzyɛ̌m dí tí, waá dí tyeetye nyá. Paá bee gâ: osab me Njwɨ́ɨ David ó mé dí e bé ɨ́ mebô bâ. Mé díb ébê nó, abe e mʉr ókǎ pɨr lê. Mé pɨ́r lé nó, abe e mʉr dí e nkul ekǎ báʼǎ dib.

Lʉkas 1:76

Gua mwân wǎm nyâ, go óbe ó ngwíha milɔ̌b mé Nzyɛ̌m dí Lʉ́ bísá bíbyɛ̂h nyá, ebě, go ótô lɨ́ esóʼ mé Dâ Nzyɛ̌m, lɨ́ ekomlo nzɨ́ nyé ngá cɨɨ nyɨ́.

Mataos 28:18

Yésʉs ntɔ̂ʼ sîhlě nko bé á be yɨ́. Nye ó: «Sɔ́ŋ wǎm, nyɨ́ dwe mé nkul jwɨ́ɨ nyɨnyɛ̂h ɨ́ kʉ́ ti e sí.

Rôm 1:4

Ɨ́ nkǒ páʼ sísǐm wé dí ti wɨ́, nye njwɨrá ó, «Mwân mé Nzyɛ̌m», Yésʉs-Krîst, Tî gá wɨ́ná. Nzyɛ̌m á lɛ̂ʼle mɨná gá ó, nyě e njwɨrá waá ó e nkul ɨ́ buo buo ɨ́ lɔ̌b pahá sóo wé.

Mɨlʉmlʉ 2:30

Mpʉ̌ David á be ngwíha milɔ̌b yɨ́, nye á be ɨ́ boó gʉ́a ó, Nzyɛ̌m á si kɛʼ, ntaa mínkâl ó, nye ópɛ̂h nyʉ́ʉ́ mʉ̂r ɨ́ bʉr o mpóʼo nyé, dil nyé ɨ́ diá jwɨ́ɨ yé.

Mataos 1:1

Bimpám mé Yésʉs-Krîst, byé ó bî: Yésʉs-Krîst á be ó mwân mé David, bé le Abraham.

Mɨlʉmlʉ 16:17

Nye nzě táare édû bɨ́h e Pɔ̂l píhe koo, le tím ɨ́ num. Nye á lɨlɛ́ɛ ó: «Bʉr bâ, bé ó osyɛ̂l o mésâ mé Nzyɛ̌m dí Lʉ́ bísá bíbyɛ̂h nyá. Bé ó dí etúno édib e nzɨ́ é twiʼ.»

Mɨlʉmlʉ 2:36

«Bʉr bɨ́bɛ̂h o dí wâʼ ɨ́ sí Ɨ́zraɛ̂l bá, bé lɨ́ ekʉ́ gʉ́ǎ lɔ̌b waá: Yésʉs waá, nye ó bɨ́n á jʉ̂ lɨ́ ebomlo nyé e binzâŋ, bɨ́nɔɔ nyé ɨ́ kolôs kʉ́ nyá. Nye ó Nzyɛ̌m á tyêl Tî gá wɨ́ná, waá nyé á lœm múló mé jwɨ́ɨ nyá.»

Yʉanes 12:34

Entumo e bʉ̂r, lé e né ó: «Bɨ̌h bé á be ɨ́ jóʼo ɨ́ mekaná métié gá wɨ́ná ó, Mʉ̌r Nzyɛ̌m á lœm múló mé jwɨ́ɨ nyá, ódǐ njʉ̌m dǐ e njʉ̌m dǐ. Gǒ kǎ lɛ́ɛ ó, Mwân mé Mʉr, nye ɨ́ jala le ebɨ́nɔɔ kʉ́ ɨ́ yé ɛ́? Nzé pʉ́gʉ́ be “Mwân mé Mʉr” ɨ́ sɨ̂?»

Yʉanes 6:69

Ɨ́ báánâ, bɨ̌h bɨ́ bûʼla le egʉ́a ó, go ó dí kwahaá Mʉr mé Nzyɛ̌m dí ti nyá!»

Markus 14:61

Yésʉs á jaa di ó, njɨ ɨ́ mes, ayala ékǎn. Nó njwɨ́ɨ opara á baʼa dî e né ó: «Nzê go ó dí Mʉ̌r Nzyɛ̌m á lœm múló mé jwɨ́ɨ nyá, mʉr dí Mwân mé Nzyɛ̌m mɨ́ná dí egúmlo gá nyá ɛ́?»

Mɨlʉmlʉ 7:48

Nzyɛ̌m dí Lʉ́ bísá bíbyɛ̂h nyá, nyé abe lɨ́ edi ɨ́ sá dí esumɔɔ e mebó mé bʉ̂r yɨ́. Yé ó kwahaá mpʉ ngwíha milɔ̌b á boo lɛ́ɛ yɨ́:

Mataos 3:11

Mɛ̌m du bɨ́n ó e medíbé, lɨ́ elɛ̂ʼle ó, bɨ̌n bɨ́ túmo míkoo e misyóm mín, le edwira míléme. Sâ gwár, mʉr dí ebɔma mé píe koo nyá, nyě e jwɨ́ɨ, laa mê. Mɛm, mé abě tyé mʉ̂r dí ó, me pɛ́ʼɛɛ nye osípah ɨ́ mekʉ̌ nyá. Nyɨɛ, nye ódu bɨ́n ó e Sísǐm mé Nzyɛ̌m le siʼe.

Lʉkas 6:35

Sâ gwár, ɨ́ wɨ́n pâʼ, kpɛlɨɨ gá ontɨ̂m le obɨn bɨ́n. Sáʼ gá bé embɨa. Kʉlɨɨ gá bʉr mɔnɨ́, akǎ bûʼla ó, bé óbwóolo bɨ́n yǎ. Bɨ̌n bé ókʉ́ bi myɛ́na tɨ̂! Nó ó bɨ́n óbe bwán mé Nzyɛ̌m dí Lʉ́ bísá bíbyɛ̂h nyá yɨ́, ebě, nye lɨ́ ecwɨ́a e bʉr o dí adwe nyé nzyǒo bá ti e bʉr ó jélé.

Lʉkas 3:16

Yʉánɛs nzě lɛ́ɛ bɨ́bɛ̂h ó: «Mɛ̌m du bɨ́n ó e medíbé. Yé e nyʉ́ʉ́ mʉ̂r dí e nkul jwɨ́ɨ, laa mé nyá. Nye lɨ́ enze. Mɛm, mé abě tyé mʉ̂r dí ó, me tíyɨɨ mikǒl mí ósípah myé nyá. Nyɨɛ ó ngá du bɨ́n e Sísǐm mé Nzyɛ̌m ndu e siʼe.

Lʉkas 1:15

Ebě, nye óbe ó ánɨ̂nɨ̂n mʉr ɨ́ míh mé Dâ Nzyɛ̌m. Nye ákóʼó de ményoʼ me dí epura má. Nye óbe ó lwɨ́ŋlá e Sísǐm mé Nzyɛ̌m, nye dína ɨ́ mo nyɔ́ŋ.

Mataos 12:42

Ɨ́ dʉ́ó lé étíʼ é mílɔ̌b, njwɨ́ɨ mʉmá á duhǒ díbé tie nyá, ótyɛ̂b, nwâhle bʉ̂r ó myǎ wɨ̂, ebě, nye á si duho médumo me ntwíʼ, lɨ́ enzě jóʼo métwɨ́ɨ́ mé ócwóó mé Salomɔ̂ŋ. Paá bee gâ: sá láá Salomɔ̂ŋ yɨ́, yé ó wâ!»