Lʉkas 1:30 - Kálar Nzyɛ̌m : Ejwán é Sáá

³⁰ Nó éngeles á nze lɛ́ɛ e né ó: «Maria, ayɨ́ jóʼo bʉ́á. Gʉ́ bi métyɛʼ me mpóm mé Nzyɛ̌m.

Kálara Zyɛ̌m Edwán é mpʉ̌n

³⁰ No engles a ze lɛɛ e nye ó: «Maaria, ajoʼo bʉa. Gɨ bi nkɔb é leme ncwɨncwɨa mo Zyɛm!

Lʉkas 1:30 ပူးပေါင်းရင်းမြစ်များ

Lʉkas 1:13

Nó ó éngeles waá á nze lɛ́ɛ e né ó: «Sá ajóʼo bʉ́á, Zacharie. Nzyɛ̌m, nyɨ́ jóʼo mínjɨʼla myô! Elisabeth, mʉmá gǒ, óbyâ gó mwân, mâ mʉrʉ̂m. Go ójwɨr nyé díe ó, Yʉánɛs.

Rôm 8:31

Nó mpʉ yé dí nó yɨ́, mɨná bé ókǎ báʼǎ lɛ́ɛ gá nyá? Nzyɛ̌m bé ɨ́ nkɔ̌m gá nyɨ́ná nó, nzé ókǎ báʼǎ tyɛ̂b mɨ́ná gá ɨ́ nkɔ̌m kɔ́m nkɛ́ɛ́ ɛ́?

Mataos 14:27

Tyé e tyé yaá, Yésʉs, nye e bé ó: «Talaa gá miléme. Yé ó me! Ayɨ́ jóʼo gá bʉ́á.»

Lʉkas 12:32

«Bɨ̌n bʉr o dí mâ daa e bínteme byâm bá, ayɨ́ kpɛ́ɛ gá sɔ̂ʼ. Sɔ́ŋ wɨ́n, nye lɨ́ ebee émbɨa lɨ́ eníŋle bɨ́n ɨ́ Mpóʼo nyé.

Mataos 28:5

Nó ó éngeles á lɛ́ɛ e bʉbá baá ó: «Bɨ̌n bɨɛ, ayɨ́ jóʼo gá bʉ́á, ebě, me lɨ́ egʉ́a ó, bɨ̌n sáá ó, Yésʉs bé á bomlo ɨ́ kolôs nyá.

Mɨlʉmlʉ 27:24

Nó ó nyê lɛ́ɛ́ e me ó: “Pɔ̂l, ajóʼo bʉ́á. Yé jala ó, go tôʼ tyɛ̂b ɨ́ mpǒm mé Kɛ́ɛza. Nzyɛ̌m ótiʼ bʉ̂r bɨ́bɛ̂h o bɨ́n le onɔ́ɔ́ dí ɨ́ sitíma bá, ɨ́ kpɛ̌l nyé dí ekpɛl gó yɨ́.”

Ebrœ̂ 13:6

Náǎ ntémé ó mɨ́ná dí elɨl gá búʼó ɨ́ miléme, ntɔ̂ʼ lɛ́ɛ ó: «Dâ ó dí kɛma wǎm. Me ákóʼó kpɛ́ɛ̌ sɔ̂ʼ. Yé mʉ̂r ósâ mé yɨ́?»