Kolosi 4:8 - Kálar Nzyɛ̌m : Ejwán é Sáá

⁸ Nye ó mʉr mé á lómo bɨ̌n nyá, ó nye tôʼ lɛ́ɛ bɨ́n mpʉ̌ twiʼ yɨ́h dí elaa yɨ́, le esul bɨ́n miléme sí.

Kálara Zyɛ̌m Edwán é mpʉ̌n

⁸ Nye waa ó me a lomo bɨn ɨ, ó nye toʼ, to lɛɛ bɨn mpʉ tiʼ yih lé elaa ɛ, ndwe le egba bɨn nkul é monyʉl.

Kolosi 4:8 ပူးပေါင်းရင်းမြစ်များ

Éfɛsɔs 6:22

Mě lómló bɨ́n nyǎ ó, nye tôʼ lɛ́ɛ bɨ́n milɔ́ɔ́ mí twiʼ yɨ́h, le enzě gbâ bɨ́n pîm ɨ́ búʼó.

Kolosi 2:2

Syɛ́ɛ́ mé dí eséa yɨ́, mě séá yé ó, me nkʉ̂ gbâ bɨ́n nkul ɨ́ miléme, le esâ ó, bɨ̌n kpɛ́laa, le egwá pûhla. Bɨ̌n nkʉ̂ gʉ́ǎ búʼó gá yɨ́ná ɨ́ pébébé, sá dí bɨ̌n e nyɔm ɨ́ buo buo yɨ́. Bɨ̌n gʉ́ŋaa ntémé Krîst, mʉ̌r Nzyɛ̌m á sol ɨ́ lwǐb ódîm nyá.

1 Tesalonika 5:14

Bɨ́ɔɔ́ bâm! Okɛ́l bâm! Bɨ̌h jɨʼlá e bɨ̌n ó, bɨ̌n cɨ́lɨɨ bʉr o dí esâ épɨ̂h bá. Póbláá gá baá o dí e bʉ́á ɨ́ miléme bá. Kɛmɨɨ gá baá o dí ɨ́ tyɛʼ bá. Júhwáá gá bʉr bɨ́bɛ̂h.

1 Tesalonika 5:11

Nó ó, gbáʼ gá bʉr nkul ɨ́ miléme e metwɨ́ɨ́ ménɨ̌. Sáʼ gá páʼ nyɨ́n ó, misísǐm mín, myé tɔ́maa mpʉ bɨ́n dína le esâ yɨ́.

1 Tesalonika 4:18

Sá tɨ̂ʼ ó bɨ́n jálá le egbâ bɨ́n bʉr o tɨ̂ʼ nkul ɨ́ miléme, lɨ́ elɛ́a mílɔ̌b mínɨ̌ páʼ nyɨ́n yɨ́.

1 Tesalonika 3:5

Nó ó mpʉ mé á be akǎ be e nkul edûhwo yɨ́, yé ó mé á lómo Timotɛ̂ ó, me gʉ́ŋaa tyé búʼó yɨ́n mû yɨ́. Léme, wé á si koro me ɨ́ lɔ̌b wɨ́n, ó yʉ́ʉ́ jɔʼ, mpʉ̌ Sátan á bóblo bɨ̌n yɨ́, bɨ̌n bé á si to dîm ɨ́ nyʉ́ʉ́ nzɨ́ swîh. Me á syɛl bá ntémé ó, yʉ́ʉ́ jɔʼ, syɛ́ɛ́ bɨ́h á séa páʼ nyɨ́n yɨ́, yɨ́ dwě ntuʼ.

1 Tesalonika 3:2

bɨ̌h bé ɨ́ jala yɨ́ɛ le elómǒ Timotɛ̂ kwá nyɨ́n. Nye ó mɨ́ɔɔ́ gá wɨ́ná ndu e syɛ̂l mesâ mé Nzyɛ̌m, dí etúnǒ Mbɨambɨa Lɔ́ɔ́ mé Krîst nyá. Bɨ̌h bé á lómo nye ó, nye lɨ́lɨɨ bɨ̌n ɨ́ búʼó, le esâ ó, bɨ̌n tôʼ dóló le edyɛ̂ʼwo e Krîst.

1 Tesalonika 2:11

Bɨ̌n bé lɨ́ ekʉ́ gʉ́a ntémé ó, bɨ̌h bé á si cwɨ́a e mʉr nyɨnyɛ̂h ɨ́ sɔ́má yɨ́n mpʉ sɔ́ŋ dí ecwɨ́a e bwán bé yɨ́.

Filipi 2:28

Nó ó, léme, wê me ɨ́ báná báná ó, me bwóolaa bɨ̌n nyǎ, bɨ̌n nkʉ̂ báʼǎ soho ɨ́ buo buo ɨ́ jɔʼ bɨ́n óbee nyé yɨ́. Mɛm ntémé, me ákǎ buú syɛ̌l bá ɨ́ páʼ wɨ́n.

2 Korɛnt 12:18

Me á si jɨʼla e Títos, bé e mɨ́ɔɔ́ wɨ́h ó, bé tôʼ kwá nyɨ́n ɨ́ menɔɔlʉ. Nzê Títos á si nʉa bɨ̌n yʉ́ʉ́ sɔ̂ʼ ɛ̌? Nzê bɨ̌h e nɔ́ɔ́, bé á bé adû kʉ̌ tyen ngwár, e miléme jwɨʼ gwár e gwár ɛ́? Nye á bé adû ébo lâm ɛ̌?

2 Korɛnt 2:7

Nó ó, ɨ́ báánâ, yé mû ó jɔʼ dí ó, bɨ̌n pɛ́ʼɛɛ bibaa bí ébébe bɨ́n á láa nye bí yɨ́. Yé ó jɔʼ égbâ nyé pîm ɨ́ búʼó, ebě, nyʉ̂l, nye ámû jaá tyɛʼ nyê.

2 Korɛnt 1:4

Nyě gbá bɨ́h nkul ɨ́ miléme ó, ɨ́ jɔʼ bɨ́h dí esia e mitúú yɨ́. Nye ó mʉr dí etyɛ̂b bɨ́h ɨ́ miléme, ó bɨ̌h gbâʼ bʉ́ʉ́ bʉ̂r nkul ɨ́ myɔ́ɔ́ míléme mbi ngwár waá nyá. Ɨ́ jɔʼ bé dí esia e myɔ́ɔ́ mítúú yɨ́, bɨ̌h ó dí ekɛm bé e nzɨ̌ menkɔ̌m bɨ́h bɨɛ bé á nyɛɛ sáŋɔɔ, mé á duho kwá mé Nzyɛ̌m má.

1 Korɛnt 4:17

Sɨ́ǎ yaá ó mé á lómlo bɨ̌n Timotɛ̂, mwâ kpɛ̌l wǎm yɨ́. Nye ntémé ó dí mʉr ebúʼlɔɔ ɨ́ Tî Yésʉs. Nye ó ngá jɨm bín bitɔŋlá ɨ́ kʉ̌ tyen mé dí edû ɨ́ mpúhlá nyɨ́h e Krîst wɨ́. Mě lɛ́ʼlé Mbɛ̌r-Nzyɛ̌m ɨ́ gúmó yɨ́yɛ̂h ó, bé dúʼoo kʉ̌ tyen ngwár waá.