Kolosi 4:6 - Kálar Nzyɛ̌m : Ejwán é Sáá

⁶ Mekǎn mɨ́n, mé ɨ́ jala le ebe ɨ́ jɔʼ yɨ́yɛ̂h ó, ɨ́ mbɨa mbɨa, lwɨ́ŋlá e nyɔm. Gwá yɨyala gá e mʉr nyɨnyɛ̂h mbɨ̂mbɨá.

Kálara Zyɛ̌m Edwán é mpʉ̌n

⁶ Mokan mɨn, mé ejala le ebe é jɔʼ yiyɛh ó, é mbɨa mbɨa, lwɨŋla e nyɔm. Gʉa bɨha ga e mʉr nyiwɛh mbɨmbɨa.

Kolosi 4:6 ပူးပေါင်းရင်းမြစ်များ

Éfɛsɔs 4:29

Mʉr alwib gá ekǎn e dí e bibol tɨ̂ʼ lɨ́. Nye lwíbɨɨ njɨ sá ngá be e nyɔm lɨ́ esú lé égbâ bʉ́ʉ́ bʉ̂r pîm ɨ́ búʼó yɨ́. Nye jáa lwǐb njɨ sá dí ɨ́ mbɨa yɨ́, lɨ́ esú ó, Nzyɛ̌m sʉ́ʼoo bʉr o dí ejóʼo nyé bá metyɛʼ me mpóm.

1 Pyɛr 3:15

Díʼéé gá e tiŋé ɨ́ miléme ó, bɨ̌n bé ódwě Krîst kûm, ebe nyé dí Tî wɨ́n yɨ́. Diʼee gá ntémé ɨ́ cǎr ó, bɨ̌n gwâ yala mʉ̂r nyɨnyɛ̂h ngá dî bɨ́n tíá, dumo e sá dí egbâ bɨ́n mpûʼla ɨ́ léme yɨ́.

Markus 9:50

«Ekpa, lé ó sá dí ɨ́ mbɨa yɨ́. Sâ gwár, ékpa bé akǎ jómo nó, yáǎ sɔ̂ʼ ngá báʼǎ sâ ó, lé bíʼee ejómo lé? Diʼee gá le ekpa ɨ́ menyʉ́l mɨ́n. Bɨ̌n a tíʼé gá ɨ́ mepyɛbla.»

Kolosi 3:16

Kamaa gá ó, lwǐb mé Krîst, yé lóŋlaa milémé mín. Milémé mín, myé díʼee ekʉ̌m lɨ́ esú é lwǐb yé yaá. Jwidweelaa gá páʼ nyɨ́n milɛ́ʼlá mi dí le ocwóó mí. Jwidweelaa gá metwɨ́ɨ́ páʼ nyɨ́n. Jyɛyɨɨ gá meswɨ̂ʼlɨ lɨ́ esú é Nzyɛ̌m, mejéme, ti e bidyɛɛ́ biswîh Sísǐm ngá lɛ̂ʼle bɨ́n bí. Mejéme maá, mé óduho ó, bɨ̌n ɨ́ miléme mi dí edwě Nzyɛ̌m nzyǒo mí.

Mataos 5:13

«Bɨ̌n ó dí ekpa é sí yɨ̂. Sâ gwár, ékpa, lé óbe, akǎ jómo nó, bé óbáʼǎ sâ ó, lé jwɨ́ʼwɨɨ ejómo e yé? Lé ójaá kǎ jala ó, njɨ esʉ́ŋɔɔ̌ kʉ̌l, bʉr tyéele lé e mekʉ̌.»

Lʉkas 4:22

Bʉr bɨ́bɛ̂h, bé á si sêʼle sá nyé á sâ yɨ́, le ekâm Yésʉs ɨ́ mimbɨambɨa mékǎn nyé á cɨ má. Bé ntémé nzě lɛ́ɛ ó: «Ntʉ mwân mé Yóseb nyâʼ ǎ?»