Kolosi 4:3 - Kálar Nzyɛ̌m : Ejwán é Sáá

³ Jɨʼlaa gá ntémé lɨ́ esú lɨ́h. Nzyɛ̌m díbɨɨ bɨ̌h nzɨ̌ ó, bɨ̌h túnaa Mbɨambɨa Lɔ́ɔ́ wé, ó bɨ̌h pâʼlaa lwǐb ódîm dí edumo e Krîst yɨ́. Me ó kɛ́ʼá ɨ́ mbʉʼ ɨ́ lɔ́ɔ waá mé dí eboó tutúno wɨ́.

Kálara Zyɛ̌m Edwán é mpʉ̌n

³ Saʼ ga mɨnjwɨʼla nteme é l'efu lɨh, ó nye dibɨ bɨh zi ó, bɨh tuna Mbɨambɨa Lɔɔ we, ó bɨh pɛʼla lwib odim lé etiibe e Krɨst ɨ. Me kɛʼa é mbʉʼ ó, ebe lɔɔ me lé ebɛa tuno-tuno e.

Kolosi 4:3 ပူးပေါင်းရင်းမြစ်များ

Mɨlʉmlʉ 14:27

Jɔʼ bé á pyâl Antiôs yɨ́, bê nzě jébe bʉ̂r ó Mbɛ̌r-Nzyɛ̌m, lɛ́ɔɔ bé bisá bíbyɛ̂h Nzyɛ̌m á sâ e nkul nyé bí. Bé á lɛ́ɛ ntémé ó, Nzyɛ̌m á si cwɨ́a ntémé e bʉr o dí abe óYúden bá, lɨ́ edwe bé nkul edyɛ̂ʼwo e né.

Kolosi 1:26

Wé á nyɛɛ bɨbe ó, ɨ́ lwǐb ódîm, sá Nzyɛ̌m á sol ɨ́ mimyǎ mi bʉ̂r, duho myâ yɨ́. Tó kœb ó, nyɨ́ kǎ lɛ̂ʼle wé ɨ́ kpɛŋlɛm kwá bʉr o dí egúmo e né bá.

2 Korɛnt 2:12

Nó ɨ́ jɔʼ mé á to le etúnǒ Mbɨambɨa Lɔ́ɔ́ mé Krîst, tó kumǒ Troâs yɨ́, me á to kœb gʉ̂ʼ ó, Tî Yésʉs, nyé osí dwe mé nzɨ̌ mběʼ, ó me túnaa wé ɨ́ hwɨ́m.

2 Timotɛ 2:9

Bʉr, bé á si kâʼ me menkara mpʉ̌ sá lɛ́ɛ́, me ó syɛ̂l ebébe. Mě jaá sia e mitúú ó, njɨ ɨ́ lɔ̌b Mbɨambɨa Lɔ́ɔ mé dí etúno wɨ́. Damá jóʼo nó, ntʉ̌ Mbɨambɨa Lɔ́ɔ́ mé Nzyɛ̌m wɨ́ɛ á káʼɔɔ.

Filipi 1:7

Yé jala ó, me pâhlaa lɔ̌b wɨ́n ɨ́ mbi waá, ebě, me lɨ́ ecwɨ́a e bɨ̌n ɨ́ buo buo. Nzyɛ̌m á si cwɨ́a e mɨná gá óbɛ̂h jwɨʼ gwár. Damá jóʼǒ mpʉ mé dí mbʉʼ yɨ́, damá jóʼǒ mpʉ mé dí eboʼlǒ Mbɨambɨa Lɔ́ɔ́ mé Nzyɛ̌m yɨ́, metyɛʼ me mpóm mé Nzyɛ̌m, mé lɨ́ eswɨɨ ɨ́ mɨná gá ó tɨ̂.

Éfɛsɔs 4:1

Nó, mɛm mʉr dí mbʉʼ mé Tî Yésʉs nyá, mě jɨʼlá e bɨ̌n ó, bɨ̌n dúʼoo mbɨambɨa kʉ̌ tyěn Nzyɛ̌m á jébe bɨ̌n ó, bɨ̌n dúʼoo wɨ́.

1 Korɛnt 16:9

Ebě, mpǎŋ jɔʼ, yɨ́ pyâl mé ó, me séaa syɛ́ɛ́ nɨ́nɨ́ɨ́ e nkul ɨ́ buo buo. Nó ó, ontɨ̂m le obɨn o dí elwímla e me bá, bé ntémé, bé ó tɨ̂ʼ ɨ́ buo buo.

1 Korɛnt 4:1

Bɨ̌n bé ɨ́ jala le eláa bɨ́h bɨɛ mpʉ ósyɛ̂l o mésâ mé Krîst, bʉr o dí egʉ́a ébaʼlě lwǐb ódîm mé Nzyɛ̌m bá.

1 Tesalonika 5:25

Bɨ́ɔɔ́ bâm! Okɛ́l bâm! Jɨʼlaa gá e Nzyɛ̌m ɨ́ lɔ̌b wɨ́h.

Mataos 13:11

Nye ntɔ̂ʼ yala e bé ó: «Bɨ̌n ó Nzyɛ̌m á gwîh bisá mésǒ bi Mpóʼo nyé. Nó bɨ́ɛ á bé agwíhɔɔ byê.

Filemɔŋ 1:22

Me lɨ́ egwɨ̂m ó, go kómlaa me ntɔ́ɔ mbɛ̌r ɨ́ jɔ̌ʼ Onezímos ópyâl gʉ̂ʼ yɨ́, ebě, me lɨ́ ebúʼla ó, Nzyɛ̌m ósâ mɨ́ná mpam ɨ́ nzɨ̌ minjɨʼla mín. Nye ódwe mé jɔʼ énze gʉ̂ʼ kwá nyɨ́n.

Filipi 1:19

ebě, me lɨ́ egʉ́a ó, me óbeě twiʼ, duho ɨ́ minjɨʼla mín, duho ntémé ɨ́ kɔmlʉ́ Sísǐm mé Yésʉs-Krîst dí ekamle e me wɨ́.

2 Timotɛ 1:16

Tî Yésʉs lɛ̂ʼlaa mbɛ̌r bʉ̂r mé Onesíforos membɨa mɨ́mɛ̂h, ebě, nye á si bu cwɨ́a e me, nzɔʼ nzɔʼ. Nyé abá jóʼo sôn ebe mé dí ɨ́ mbʉʼ e menkara,

Éfɛsɔs 3:1

Nó, mɛm Pɔ̂l, mʉr dí mbʉʼ ɨ́ syɛ́ɛ́ mé Krîst ɨ́ lɔ̌b nyɔm wɨ́n, bʉr o dí abe óYúden bá nyá...

Rôm 16:25

Sâ bwaʼ nkûl Nzyɛ̌m dí e né nyɨ́ e! Nkul nyaá ó mû lɨ́ elɨl bɨ́n mpʉ̌ Mbɨambɨa Lɔ́ɔ́ mé dí elɛ́ɛ le etúno wɨ́ dí yɨ́. Mbɨambɨa Lɔ́ɔ waá, wé dumo ó e Yésʉs-Krîst. Wé lɨ́ edû ntémé lwǐb ódîm, yé á boo be solá,

Éfɛsɔs 3:3

Nye á níŋle me ɨ́ syɛ́ɛ́ yaá ó, ɨ́ jɔʼ gwár e gwár nyé á dwe me pɨʼ lɨ́ esimá yɨ́. Nye á sâ nó ó, me nkʉ̂ pâʼla bɨ́n lwǐb ódîm yé. Bɨ̌n gʉ́á nó ó e nzɨ̌ bwá mékǎn mé dí ecɛma bɨ́n mâ.

Éfɛsɔs 3:4

Bɨ́n láá mékaná mâʼ nó, bɨ̌n bé ojʉ̂ʼrǎ sá mé mû sí gʉ́a ɨ́ pébébé, dumo e Krîst yɨ́. Sâ yaá, yé á nyɛɛ be ó lwǐb ódîm.

Éfɛsɔs 3:9

Nye á dwe me syɛ́ɛ́ ntémé ó, me pâʼlaa jwɨʼ nyé á boo tíʼe ɨ́ lémé wé yɨ́, pyêl yé ɨ́ myɛ́n. Nzyɛ̌m, mʉr á kuho bisá bíbyɛ̂h nyá, á nyɛɛ sol jwɨʼ yé yaá ɨ́ mimbú mí píhe ó, bʉr jóʼaa sɔ̂ʼ njɨ lwǐb ódîm, yé omér.

Kolosi 4:18

Mě kʉ́ cɛma ékǎn lɨ̂ʼ ó e mbó wâm: Ajɨha gá ó, me ó ɨ́ mbʉʼ. Metyɛʼ me mpóm mé Nzyɛ̌m, mé díʼee e bɨ̌n.

2 Timotɛ 4:2

túnáá Mbɨambɨa Lɔ́ɔ. Diʼee ɨ́ cǎr ó, go túnaa wé ɨ́ bijɔʼ bi dí ejala e túnó waá bí, ti e byaá bi dí ajala e wé bí. Dwéʼ bʉ̂r mebě ɨ́ mebébe mɔ́ɔ́. Lɛ́ʼláá bé mebě mɔ́ɔ́. Gbáʼ bé pîm ɨ́ búʼó. Sáʼ nó e bíhwó, ti e milɛ́ʼlá mímpâ.