Kolosi 4:1 - Kálar Nzyɛ̌m : Ejwán é Sáá

¹ Bɨ̌n ojwɨ́ɨ, sɨ́sáʼ gá bitúʼǎ bín bisyɛ́ɛla bi dí tîtyěl, byaá bi dí ejala bí. Ajɨha gá ó, bɨ̌n ntémé, bé e wɨ́n njwɨ́ɨ, waá dí ɨ́ jʉ́o kʉ́ nyá!

Kálara Zyɛ̌m Edwán é mpʉ̌n

¹ Bɨn ojwɨʼa o molʉa ɛɛ! Dɨʼe sa ga molʉa mɨn bɨsyɛɛla ndɨ cɨcyel, byaa lé ejala ɛ. Ajɨha ga ó, bɨn nteme, bé ó e Njwɨʼa é lal mo Zyɛm!

Kolosi 4:1 ပူးပေါင်းရင်းမြစ်များ

Mɨngwiha 17:14

Bé ólwímla dɔ̂m e Mâ Nteme. Mâ Nteme ónzě kǎ ntaa bê, ebě, nyɨɛ ó dí Njwɨ́ɨ Ojwɨ́ɨ, le Tî Otî. Bʉr o bé e boo nɔ́ɔ́ dí entaa bá, bé ó baá nyé á jébe, le etwâr ɨ́ sɔ́má bʉ̂r bɨ́bɛ̂h bá. Bé ó b'á dyɛ̂ʼwo e Yésʉs.»

Jacques 2:13

Mʉ̂r bé ajɨ̂ʼ bʉ́ʉ́ bʉ̂r nkoó nó, ɨ́ jɔ̌ʼ Nzyɛ̌m ólwǐb lɔ̌b wé yɨ́, nye ájɨ̂ʼ nyé ntémé nkoó. Sâ gwár, mʉr dí ejɨ̂ʼ bʉ̂r nkoó nyá, nye ábáawǒ sɔ̂ʼ ɨ́ jɔ̌ʼ móhó élab, wé ópyâl yɨ́.

Jacques 5:4

Bɨ̌n bé á bé ajána e bilóbila byé á lilî bipemé bín bí. Jóʼláá gá bipurá byɔ́ɔ́. Dâ Nzyɛ̌m, dí Njwɨ́ɨ bisɔ́má bí mɔ̂m nyá, nyɨ́ jóʼo bítím bí ókpɛma bô.

Mɨngwiha 19:16

Bé á si cɛma díé lé ɨ́ kán wé, le kʉ̌ wé. Bé á cɛma ó: Njwɨ́ɨ ojwɨ́ɨ, le Tî otî.

Lʉkas 19:15

«Nó nko nyé á tô yɨ́, bʉr o nkɔ́m nyaá nzě tyélɔɔ nyé njwɨ́ɨ. Nye ntɔ̂ʼ báʼǎ nze ɨ́ sí yé, ánta nye. Nó nyé á lɛ́ɛ ó, bé jébaa nye osyɛ̂l o mésá bé, baá nyé á tímle mɔnɨ́ bá. Nye á be ó lɨ́ egwɨ̂m égʉ́ǎ bím mɔnɨ́ yé, yé á byâ yɨ́.

Mataos 20:4

Nye ó: “Bɨ̌n nyɨɛ ntémé, laŋaa gâ. Tó séa gá pemé yâm. Me ójána bɨ́n myɛ́na ngá jala e bɨ̌n má.”