Kolosi 3:4 - Kálar Nzyɛ̌m : Ejwán é Sáá

⁴ Krîst ó dí edwe mɨ́ná gá mpǎŋ twiʼ. Jɔʼ nyé óbáʼǎ nyɨ̂n bʉ̂r ɨ́ mîh ɨ́ kpɛŋlɛm yɨ́, bɨ̌n le onɔ́ɔ́, bé ónyɨ̂n sɔ́má e kûm nyɨnyɛ̂h.

Kálara Zyɛ̌m Edwán é mpʉ̌n

⁴ Krɨst ó ndɨ edwe bɨna ga tiʼ molu mo mpoʼ mɨmɛh. É jɔʼ nye óbâʼle nyin bʉr é mih é kpɛŋlɛm ɨ, bɨn e boo nɔɔ, bé ódweŋɔ kum sama.

Kolosi 3:4 ပူးပေါင်းရင်းမြစ်များ

Yʉanes 11:25

Yésʉs, nye e né ó: «Me ó waá dí epɛh bʉ̂r, dwe bé twiʼ nyá. Mʉr dí edyɛ̂ʼwo e me nyá, óbáʼǎ tiʼe, damá be ó, nyɨ́ dwe.

1 Yʉanes 3:2

Bʉr ó kpɛ̌l bâm, ɨ́ báánâ, mɨná gá mû ó bwán mé Nzyɛ̌m. Yé damá be nó, mbi bʉ̂r mɨ́ná ódi gá wɨ́, wé dína ó, apǎ gʉ́ŋɔɔ. Sá mɨ́ná dí egʉ́a gá yɨ́, yê njɨ ó, jɔ̌ʼ Krîst óbáʼǎ nyɨ̂n yɨ́, mɨná bé ónwɨɨla gá e né, ebě, mɨná bé óbee gá nye ó, kwahaá mpʉ nyé dí yɨ́.

Galásia 2:20

Ntʉ mé dí etiʼe ɨ́ báánâ. Yésʉs-Krîst ó dí etiʼe tʉ́ŋlʉ̌ nyʉ̂l nyǎm. Twiʼ mé dí etiʼe ɨ́ sí yɨ̂ʼ yɨ́, mě tiʼé yé ó, njɨ ebe mé dí edyɛ̂ʼwo e Mwân mé Nzyɛ̌m. Nye á si kpɛl me, nzě syɛ́ɛlǎ twiʼ yé lɨ́ esú é twiʼ yâm.

1 Pyɛr 1:13

Nó, diʼee gá ɨ́ cǎr ó, bɨ̌n sâʼ bisyɛ́ɛla bimpâ. Gwá mâr gá miléme. Mpûʼla, nye díʼee bɨ̌n ɨ́ miléme ó, bɨ̌n bé ódweŋɔɔ̌ mpǎŋ ndwéá ɨ́ jɔ̌ʼ Yésʉs-Krîst óbáʼǎ nyɨ̂n yɨ́.

Filipi 3:21

Nye ódwir bísá ményʉ́l gá mɨ́ná mâ. Menyʉ́l gá mɨ́ná, mé ókǎ nwɨɨla e nyʉ̂l nyé, dí e kûm nyɨ́. Nyě e nkul egbâ bísá bíbyɛ̂h ɨ́ jwɨ́ɨ́ yé. Nó ntémé ó nyé dí e nkul edwe mɨ́ná gá menyʉ̂l maá yɨ́.

Yʉanes 17:24

«Dâ ɛ̌, go á be ó sí dwe mé bǎ. Mě kpɛl ó, bé díʼeě gúmó mé ódidi yɨ́. Bé obee kûm nyǎm gó á dwe me nyɨ́, ebě, go á si boo kpɛl me, táare ɨ́ jɔ̌ʼ kʉ́ e sí, byé á be apǎ bě kuhá yɨ́.

1 Pyɛr 5:4

Ɨ́ jɔʼ «Mbɔ̂ʼlʉ bintemě nɨ́nɨ́ɨ́» ngá báʼǎ nze yɨ́, nye ótoŋlo bɨ́n ɨ́ syɛ́ɛ́ yɨ́n yaá, lɨ́ ebôr bɨ́n bikáráá bi dí ɨ́ buo kûm bí. Byé ódidi ɨ́ ntyɛ̌n ntɨ̂ ntyɛ̌n ó, mentyɛnwa me tɨ̂ʼ adímedime, tó kumo ɨ́ twǐʼ njʉ̌m dǐ.

1 Yʉanes 2:28

Nó ó, bwán bâm, diʼee gá ɨ́ mpúhlá e Krîst, mbi dí ó, jɔʼ nyé óbáʼǎ nyɨ̂n yɨ́, mɨná nkʉ̂ nʉa gá pîm ɨ́ búʼó. Mɨná nkʉ̂ be gá asɔ́ma ɨ́ míh mé, ɨ́ jɔʼ nyé óbáʼǎ nze yɨ́.

Ebrœ̂ 9:28

Jwɨʼ gwár e gwár e Krîst. Nye á si dwe jɔʼ gwár, ó nye búraa le misyóm lɨ́ esú é bʉ̂r ɨ́ buo buo. Ɨ́ jɔʼ mbá nyé ókǎ nze yɨ́, nye ákǎ báʼǎ nze ɨ́ lɔ̌b ébúra e misyóm. Nye ónze ó, lɨ́ enzě tíʼ bʉ̂r o dí ebóno nyé bá.

Mɨngwiha 22:14

«Metyɛʼ me mpóm, mé díʼee e bʉr o dí ejwɨɨ míkán myɔ́ɔ́, myé mû ɨ́ púúm bá. Bɨ́haá ó dí e nkul enî ɨ́ nkana yaá. Bé ónî ó, cɨɔɔ ɨ́ mebé mé. Bé ntémé, bé ó jálá le ede mpúmó dí egúmo ɨ́ lɨ́ twiʼ nyɨ́.

1 Korɛnt 15:43

Jɔʼ ndwê dí edɨlɔɔ yɨ́, nye ɨ́ ntéʼe. Jɔʼ nyé ópah yɨ́, nye óbe ó e kûm. Jɔʼ nyé dí edɨlɔɔ yɨ́, nyě e nkoó le etyɛʼ. Jɔʼ nyé ópah yɨ́, nye óbe ó e nkul.

Mɨngwiha 22:1

Nó ó, éngeles waá á si lɛ̂ʼle me díbé ɨ́ ntyɛ́h ntyɛ́h, mpʉ̌ lá. Yé ó dí e medíbé me dí etíʼ bʉ̂r má. Yé á duduho ó, ɨ́ mecwɨ́ɨ́ mé jwɨ́ɨ́ mé Nzyɛ̌m, bé e Mâ Nteme.

Yʉ̂d 1:24

Kûm, mpwaʼ, nkul le jwɨ́ɨ, byé díʼee e mʉr dí e nkul ekamle e bɨ̌n ó, bɨ̌n sá atwe, waá ntémé dí e nkul etyêl bɨ́n ɨ́ míh mé, abe e sá ébébe nyé óboʼlo bɨ́n e tɨ̂, le bisʉhʉʉ ɨ́ buo buo nyá.

1 Yʉanes 5:12

Mʉr dí ɨ́ mpúhlá e Nzyɛ̌m Mwân nyá, nyě e twǐʼ njʉ̌m dǐ. Mʉr dí adi ɨ́ mpúhlá e Mwân mé Nzyɛ̌m nyá, nyé abe e twiʼ yaá.

Títos 2:13

Mɨná bé ótíʼe nó ó, lɨ́ ebóno mʉ̂r dí egbâ mɨ́ná mpûʼla ɨ́ miléme, waá dí esʉ mɨ́ná metyɛʼ me mpóm nyá. Nye ó Nzyɛ̌m nɨ́nɨ́ɨ́: Tiʼbʉr gá wɨ́ná Yésʉs-Krîst, waá ngá báʼǎ lɛ̂ʼle nyé mʉr tɨ̂ʼ e kûm ɨ́ buo buo nyá.

Mataos 13:43

Nó bʉ̂r o dí tîtyěl ɨ́ míh mé Nzyɛ̌m bá, ngá pǎn mpʉ dʉ́o ɨ́ Mpóʼo mé Sɔ́ŋ wɔ́ɔ́ yɨ́. Mʉr dí e megwǎl mé éjóʼo nyá, nye jóʼaa náǎ!»

2 Timotɛ 4:8

Yé jaá kǎ lîʼ mé ó, njɨ ebǐ káráá dí komá lɨ́ esú lâm yɨ́. Káráá yaá ó dí elɛ̂ʼle ó, mɨ́ bi nkâm ɨ́ míh mé Nzyɛ̌m. Tî Yésʉs, mʉr dí etíʼe mílɔ̌b lɨ́ otîtyěl nyá, ódwe mé yǎ lɨ́ elú lé épíhe. Nye ádwe yɨ́ɛ njɨ me e me. Káráá yaá, yé ódweŋɔɔ ntémé ó, bʉr bɨ́bɛ̂h o dí ekpɛl ébee nyé lɨ́ ebáʼǎ nze bá.

2 Korɛnt 4:17

Ebě, bwá mítúú bɨ́h dí esia e myé ɨ́ báánâʼ mí, myé lɨ́ elaǎ mpʉ̌ ngúl mpáá. Mitúú myaá míɛ, myé ó sá dí esâ ó, bɨ̌h bíʼee kûm ɨ́ buo buo ngá dǐ njʉ̌m dǐ e njʉ̌m dǐ nyɨ́ yɨ́.

Yʉanes 14:6

Yésʉs, nye e né ó: «Me ó dí nzɨ̌. Me ó otyeetye. Me ó etín é twiʼ. Mʉr, nyé abe e nkul etô nko Sɔ́ŋ wǎm dí yɨ́, cɨɨ ɨ́ nyʉ́ʉ́ nzɨ́ swîh, njɨ lɨ́ ecɨɨ ɨ́ nzɨ̌ nyǎm.

Yʉanes 14:3

Jɔʼ mé óbe, me mû sí tó komlo bɨ́n bidiá byaá yɨ́, me óbáʼǎ nzě nʉa bɨ́n, bɨ̌n bé otó dǐ gúmó mé ódi yɨ́.

2 Timotɛ 1:1

Yé ó mɛm, Pɔ̂l, mʉr milʉ́mlʉ́ mé Yésʉs-Krîst ɨ́ lɔ̌b gwɨ́má mé Nzyɛ̌m ó dí ecɛma gó mekaná mâ. Lʉ́mlʉ́ wâm, wé ó, me lɛ̂ʼlaa twiʼ nyé á kɛʼ mɨná gá yɨ́. Mɨná bé óbi gá twiʼ yaá ó, ɨ́ mpúhlá gá nyɨ́ná e Yésʉs-Krîst.

1 Tesalonika 4:17

Nó ó, píe tɨ̂, mɨná gá, bʉr o dí ɨ́ twiʼ, baá bé á lîʼ mikublakúbla bá, mɨná bé óbére gá ɨ́ dwiné tʉ́ŋlʉ̌, tó swálɔɔ e bé gúmo gwár. Nzyɛ̌m ósyɛŋ mɨ́ná gá le onɔ́ɔ́ gʉ̂. Mɨná gá le onɔ́ɔ́ bé óbɔma e Tî Yésʉs lɨ́ ejwoo kʉ́. Mɨná gá le Tî Yésʉs, bé ódidi ó, njʉ̌m dǐ e njʉ̌m dǐ.

1 Korɛnt 1:7

Tó pyâl ó, sá yɨ́yɛ̂h Nzyɛ̌m dí edwe bʉ̂r bé yɨ́, nyɨ́ dwe bɨ́n ntémé yǎ. Jɔʼ yɨ́yɛ̂h bɨ́n dína lɨ́ ebónǒ nzéá Tî gá wɨ́ná, Yésʉs-Krîst ngá nze wɨ́ yɨ́, bɨ̌n mû ó le mindwéá mé Nzyɛ̌m myaá.

Yʉanes 20:31

Sá mé mû sí cɛma bɨ́n ɨ́ mekaná mâʼ yɨ́, yé ó, bɨ̌n bûʼlaa ó, Yésʉs ó dí Mʉ̌r Nzyɛ̌m á lœm múló mé jwɨ́ɨ nyá, nye ntémé, nye ó Mwân mé Nzyɛ̌m. Bɨ́n sí dyɛ̂ʼwo e né nó, bɨ̌n bé óbǐ twiʼ ɨ́ nzɨ̌ nyé.

Mɨngwiha 2:7

Mekǎn Sísǐm mé Nzyɛ̌m dí elɛ́ɛ̌ Mbɛ̌r-Nzyɛ̌m má, mé ó ménɨ̌. Mʉr nyɨnyɛ̂h dí e megwǎl mé éjóʼo nyá, nye jóʼaa náǎ. Mʉr nyɨnyɛ̂h óntaa, búla le onkɔ́ɔ́ nyá, me ódwe nyé nkul epyâl ɨ́ Paradîs. Nyé odě bumó lɨ́ twiʼ.»

1 Timotɛ 6:14

go bâʼlaa etié énɨ̌. Sá antaa lé ɨ́ jɔʼ gwár. Diʼee mʉ̂r dí, abe e nkul edweŋɔɔ mébě nyá, tó pyâl pyáláa ɨ́ móhó Tî gá wɨ́ná Yésʉs-Krîst óbáʼǎ nze wɨ́.

Mɨlʉmlʉ 3:15

Bɨ̌n bé á si bana jʉ̂ Etín é Twiʼ. Damá jóʼǒ mpʉ yé á syɛ́ɛlɨ nó yɨ́, Nzyɛ̌m nyɨɛ, nyɨ́ bánǎ pɛh nyê, dwih nyé lɨ́ odwe. Bɨ̌h ó dí oboʼlo ó lɔ̌b waá.

Lʉkas 17:30

Nó ntémé ó yé ngá syɛ́ɛlɨ ɨ́ móhó Mwân mé Mʉr ngá nze wɨ́.

Rôm 8:18

Mbeá wâm, wé ó wɨ̂: mitúú mɨ́ná dí esia gá e myé ɨ́ báánâʼ mí, myé ó sá dí dwêh yɨ́. Sá dí ɨ́ bwǎʼ lɔ̌b, laa mítúú myaá yɨ́, yé ó kûm Nzyɛ̌m ngá lɛ̂ʼle mɨ́ná gá nyɨ́.

Rôm 8:19

Ebě, bisá bíbyɛ̂h Nzyɛ̌m á komlo bí, byé lɨ́ egwɨ̂m ébee bwán Nzyɛ̌m ngá lɛ̂ʼle byé ɨ́ ponó bá.