Kolosi 2:9 - Kálar Nzyɛ̌m : Ejwán é Sáá

⁹ Ebě, Nzyɛ̌m di ntinɨ̂ e ntinɨ̂ ó, ɨ́ nyʉ̂l mé Krîst.

Kálara Zyɛ̌m Edwán é mpʉ̌n

⁹ Kwɨmla mo Zyɛm Sɔŋ ndɨ anwɨɨla e waa mo yʉʉ sɔʼɔ ɛ, wé nteme, wé ó waa mo Krɨst, é nyʉl we tʉŋlʉ.

Kolosi 2:9 ပူးပေါင်းရင်းမြစ်များ

Kolosi 1:19

Nyě tyɛ́b bísá bíbyɛ̂h esôʼ ó, ebě, Nzyɛ̌m á bee embɨa ɨ́ páʼ wé ó, nyě dǐ ntinɨ̂ e ntinɨ̂ ó, ɨ́ nye.

Yʉanes 1:14

Lwǐb á be ó sí byɛ̂l mʉ̂r. Nye á si tiʼe páʼ gá nyɨ́ná. Mɨná bé á be ó sí bee gá mentyɛnwa mé, mentyɛnwa mé étíʼé é Mwân mé Nzyɛ̌m. Nye á si duho kwá Sɔ́ŋ wé lwɨ́ŋlá e mpam mé Nzyɛ̌m, le otyeetye.

Yʉanes 10:30

Bɨ̌h e nɔ́ɔ́, bé ó sâ gwár.»

1 Timotɛ 3:16

Yê tyeetye ó e bipéh bí búʼó yɨ́ná byé á nyɛɛ be misolá bí. Byé mû ó sí pâʼlɔɔ. Byé ntémé, byé ɨ́ buú bwaʼ, mpʉ bʉ̂r bɨ́bɛ̂h dí ekam yɨ́. Byé ó: «Nye á nze nyɨ̂n ɨ́ sí yɨ̂ʼ ó e nyʉ̂l bipúno. Sísǐm mé Nzyɛ̌m nzě lɛ̂ʼle mɨ́ná gá ó, nyé abe e mebě. Beéngeles, bé á si siŋle nye. Bʉr o bíkúl bíswîh, bé á si jóʼo lɔ́ɔ dí edumo e né wɨ́. Bʉr ó sí yɨ̂, bé á si dyɛ̂ʼwo e né. Nye nzě bɨ́nɔɔ ɨ́ jʉ́o kʉ́, nko nyé á bi kûm yɨ́.»

Yʉanes 10:38

Sâ gwár, mé sí sâ byé nɛ́ɛ: bɨ̌n damá be, adyêʼ koo e me, bûʼláá gá yɨ́ɛ ɨ́ lɔ̌b bísyɛ́ɛla byâm. Nó ó bɨ́n ngá sûʼlǎ gʉ́a ó, Sɔ́ŋ wǎm tiʼe ó, ɨ́ mpúhlá e me; mɛm ntémé ɨ́ mpúhlá e né yɨ́.»

1 Yʉanes 5:20

Mɨná bé lɨ́ egʉ́a gá ntémé ó, Mwân mé Nzyɛ̌m á si nze. Nye nzě gbâ mɨ́ná gá pɨʼ ɨ́ miléme ó, mɨná gʉ́ŋaa gá Nzyɛ̌m, mʉr dí le otyeetye nyá. Mɨná di gá ó, ɨ́ mpúhlá gá nyɨ́ná e mʉr dí le otyeetye waá nyá. Mʉr waá, nye ó Mwân wé, Yésʉs-Krîst. Nye ó dí Nzyɛ̌m mpâ. Nye ntémé ó dí Etín é Twǐʼ njʉ̌m dǐ.

Yʉanes 14:20

Ɨ́ móhó waá, bɨ̌n bé ógʉ́a ó, me ó ɨ́ mpúhlá e Sɔ́ŋ wǎm, ndu e ntémé ó, bɨ̌n bé ó ɨ́ mpúhlá e me. Mɛm ntémé ɨ́ mpúhlá e bɨ̌n.

Yʉanes 17:21

Me lɨ́ ejɨʼla e go ó, bɨ́bɛ̂h, bé díʼee sâ gwár. Dâ ɛ̌, bé díʼee ɨ́ mpúhlá e mɨná mpʉ gó dí ɨ́ mpúhlá e me, mɛm ɨ́ mpúhlá e go yɨ́. Bé díʼee ɨ́ mpúhlá e mɨná. Nó ó bʉ̂r ó sí yɨ̂ʼ ngá bûʼla ó, go ó b'á ntɨh me yɨ́.

Títos 2:13

Mɨná bé ótíʼe nó ó, lɨ́ ebóno mʉ̂r dí egbâ mɨ́ná mpûʼla ɨ́ miléme, waá dí esʉ mɨ́ná metyɛʼ me mpóm nyá. Nye ó Nzyɛ̌m nɨ́nɨ́ɨ́: Tiʼbʉr gá wɨ́ná Yésʉs-Krîst, waá ngá báʼǎ lɛ̂ʼle nyé mʉr tɨ̂ʼ e kûm ɨ́ buo buo nyá.

Lʉkas 3:22

Sísǐm mé Nzyɛ̌m nzě sulǒ mpʉ épɨbaa, nzě berwo nyé ɨ́ nyʉ̂l. Etyêl nzě duho ɨ́ jʉ́o kʉ́, lɨ́ elɛ́ɛ ó: «Go ó mwân wǎm mé dí ɨ́ buú kpɛl nyá. Sʉhʉʉ yâm yɨ́yɛ̂h, yé e go.»

Mataos 1:23

“Bíŋ éséhe, yé ónʉa ébum, byâ mâ mʉrʉ̂m. Bé ójwɨr nyé ó Emmanuel.” (Nó yé páʼlɔ́ɔ́ ó: “Mɨná gá e boo Nzyɛ̌m ó mû.”)

2 Korɛnt 5:19

Ebě, Nzyɛ̌m á sâ saá mû lɨ́ edira bʉ̂r ó sí bɨ́bɛ̂h e né nyɨ́ ó, ɨ́ nzɨ̌ mé Krîst. Nye á bé aláǎ bím bíbaa bí ébébe nyé á niʼe bé bí. Nye nzě tyêl bɨ́h bɨɛ ɨ́ syɛ́ɛ́ ó, bɨ̌h túnaa bʉr lɔ́ɔ tɨ̂, ó bé nkʉ̂ bâʼra e mʉr bé e boo nɔ́ɔ́ mû ɨ́ saá nyaá nyá.

1 Yʉanes 5:7

Tó kœb ó, bisâ bi dí eboʼlo ɨ́ lɔ̌b Mwân mé Nzyɛ̌m bí, byé ó bilɛ̂l:

Yʉanes 2:21

(Tó kœb ó, “mpáh Nzyɛ̌m” Yésʉs á lɨlɛ́ɛ nyɨ́, á be ó nyʉ̂l nyé!

Yʉanes 1:16

Mɨná gá óbɛ̂h, bé á be ó sí bi émbɨa lé ndu e mpam nyé ɨ́ buo buo.

Mɨlʉmlʉ 17:29

Mpʉ mɨ́ná dí gá bwán bé yɨ́, mɨná bé ajala le ekǎ jwɨʼ gá ó, Nzyɛ̌m mʉr tɨ̂, nyě nwɨɨlá ó e bisá mɨ́ná dí elúlo gá ɨ́ gʉ̂l, nkʉ̂ ɨ́ nkóhó mɔnɨ́ bí. Nyé anwɨɨla ntémé e byaá mɨ́ná dí ekpaʼ gá ɨ́ mekóʼ, lɨ́ edû mpʉ ócwóó le mipɨpɨ́ʼ dí etɨ́e yɨ́.

Lʉkas 14:22

Píe tɨ̂, syɛ̂l mesâ wé ntɔ̂ʼ báʼǎ lɛ́ɛ e né ó: “Dâ ɛ̌, mɨ́ sâ mpʉ gô lɛ́ɛ́ ó, me sâʼ yɨ́. Mɨ́ tó kœb ó, byúú bídiá, byé dína ó tʉ̂toʼó.”