Kolosi 2:5 - Kálar Nzyɛ̌m : Ejwán é Sáá

⁵ Mě damá cɛra e bɨ̌n ɨ́ nkǒ páʼ nyʉ̂l, me yɨ́ɛ ó bǎʼ e bɨ̌n ɨ́ nkǒ páʼ sísǐm. Me lɨ́ ejóʼo bísʉhʉʉ lɨ́ ebeě mpʉ̌ sɔ́má yɨ́n dí ɨ́ kpɨ́ɨ́ɨ́ yɨ́. Me lɨ́ esoho ntémé mpʉ bɨ́n dí edyêʼ koo e Krîst yɨ́.

Kálara Zyɛ̌m Edwán é mpʉ̌n

⁵ Yé cyecye ó, me ó é ncɛra e bɨn é nko paʼ nyʉl bɨpuno. No ó, é nko paʼ sisim, me yɛɛ ó kunokuno e bɨn. Me ó kʉ be é l'esama lɨn tʉŋlʉ, lé esoho lé ebee mpʉ bɨn dina lé ecyɛb é nkʉʼʉ ɨ. Me esoho nteme lé ebee mpʉ bɨn lé ejyɛʼ taa buʼo yin boo Krɨst ɨ.

Kolosi 2:5 ပူးပေါင်းရင်းမြစ်များ

1 Tesalonika 2:17

Bɨ́ɔɔ́ bâm! Okɛ́l bâm! Jɔʼ mɨ́ná bé á bɔ́ʼa gá, akǎ beela mémpǒm yɨ́, gʉ́ŋáá gá ó, yé á bé abe e mpɔ́ʼá miléme. Bɨ̌h bé á si bu gwɨ̂m ebee bɨ́n. Miléme, myé á be bɨ̌h ɨ́ báná báná ó, bɨ̌h báʼa pyâl kwá nyɨ́n.

1 Pyɛr 5:9

Dyɛ́ʼwáá gá e Nzyɛ̌m. Lwímláá gá e Sátan. Bɨ̌n e gʉ́á ó, bɨ́ɔɔ́ gá bɨ́ná dí ɨ́ sí yɨ̂ʼ yɨ́yɛ̂h bá, bé lɨ́ edûhwǒ mbǐ túú ngwár waá.

1 Korɛnt 16:13

Diʼee gá ɨ́ mpʉ̂n. Mʉ̌r sá apɨ́ŋla ɨ́ búʼó. Diʼee gá e lémé nkɔ́ɔ́. Diʼee gá e nkul.

Ebrœ̂ 3:14

Sá dí tɨ̂ʼ yɨ́, yé ó: mɨ́ná ódi gá ɨ́ bidǐ gá bíná, apʉʼa tɨ̂, tó pyâl ɨ́ mesíé nó, go ó, mɨná gá be ó bʉr ó njoo mé Krîst ó tɨ̂ʼ yɨ́.

1 Korɛnt 14:40

Sá yɨ́yɛ̂h, yé syɛ́yɨɨ mpʉ dí ejala yɨ́, ɨ́ medile tʉ́ŋlʉ̌.

Ebrœ̂ 6:19

Mpûʼla nyaá, nye lɨ́ esúʼo míléme gá míná e nkul. Nyé abá tyɛ̂b. Nyě súʼó mílémé gá míná ó, ɨ́ kpɨ́ɨ́ɨ́ mpʉ̌ kǒl dí emɛ̂r byɛ̂l ɨ́ sʉ̌m díbé wɨ́. Mpûʼla nyaá, nye ó mpʉ̌ kǒl dí entaǎ kán ébê dí tyelá ɨ́ mpáh Nzyɛ̌m wɨ́. Wɨ̂ʼ ódumo ó kǒl waá, wê tyeelá ó, ɨ́ mɨná gâ. Gúú ódumo wɨ́ɛ, wé ó ɨ́ gúmó dí tí yɨ́, ɨ́ mpáh Nzyɛ̌m tʉ́ŋlʉ̌.

1 Tesalonika 3:8

Jɔʼ yɨ̂, bɨ̌h mû ó sí tíʼe, ebe bɨ́n dína lɨ́ etyɛ̂b mekʉ̌ sí ɨ́ sɨ́ŋ ɨ́ mpúhlá nyɨ́n e Tî Yésʉs.

1 Korɛnt 15:58

Bɨ́ɔɔ́ le okɛ́l bâm mé dí ekpɛl bá, tyɛ́bɨ́ɨ́ gá mekʉ̌ sí ɨ́ sɨ́ŋ. Kʉ́ buú séa gá syɛ́ɛ́ mé Tî Yésʉs ɨ́ jɔʼ yɨ́yɛ̂h. Gʉ́ŋáá gá ó, syɛ́ɛ́ bɨ́n dí eséa Tî Yésʉs yɨ́, yé ákóʼó dwě ntuʼ.

Kolosi 2:1

Mě kpɛl ó, bɨ̌n gʉ́ŋaa bisyɛ́ɛ́ mé dí eséa lɨ́ esú lɨ́n bí. Yé ntémé, yé ó lɨ́ esú é bʉ̂r ó Laodiséa, ndu e baá bɨ́bɛ̂h dí apǎ bee mé mpǒm bá.

1 Korɛnt 11:34

Mʉ̂r bé lɨ́ ejóʼo nzâ nó, nye e bóó dě mbɛ̌r wé. Bɨ́n gwɨ́hlá ɨ́ mbi waá nó, go ó, bɨ̌n bé óbe ó mbɨ̂mbɨá, adulo mébě ɨ́ menyʉ́l mɨ́n. Ɨ́ nkǒ páʼ mʉ́ʉ́ métíá méswîh, me ókǎ nzě yala bɨ́n mǎ ó, ɨ́ jɔʼ mé ónze gʉ̂ʼ kwá nyɨ́n yɨ́.

Mɨlʉmlʉ 2:42

Bé á be lɨ́ ekʉ́ sâ sɨ́n jɔʼ yɨ́yɛ̂h lɨ́ etó jóʼo mílɛ́ʼlá bʉ̂r o mílʉ́mlʉ́ bé á dwidwe bé mí. Bé á didi ntémé ó, nzyɛŋá, bɨ́ɔɔ́ e bɨ́ɔɔ́ tʉ́ŋlʉ̌, le edɨde ntémé gúmo gwár, le ejɨjɨʼla e Nzyɛ̌m.

Mɨlʉmlʉ 20:21

Me á si boʼlo kwá oYúden, ndu e baá o dí abe óYúden bá ó, yé jɨ ó, bé túmaa mikoo e mebébe mɔ́ɔ́, le edwira míléme. Bé e dyɛ́ʼwó e Tî gá wɨ́ná Yésʉs.