Kolosi 2:4 - Kálar Nzyɛ̌m : Ejwán é Sáá

⁴ Mě lwib e bɨ̌n ɨ́ mbi wɨ̂ʼ ó, mʉ̌r sá akʉ́a bɨ́n ɨ́ nzɨ̌ mikóo dí ɨ́ buú kpɛlɔɔ mí.

Kálara Zyɛ̌m Edwán é mpʉ̌n

⁴ Me elwib e bɨn é mbi wiʼ ó, mʉr beʼ l'akʉa bɨn é zi lwib bɨkʉʉŋʉ bʉr lé emɛʼle e.

Kolosi 2:4 ပူးပေါင်းရင်းမြစ်များ

1 Yʉanes 4:1

Bʉr ó kpɛ̌l bâm, ayɨ́ bûʼla gá kám e kám mʉr nyɨnyɛ̂h bɨ́n jóʼó lɨ́ edwe bʉ̂r milɛ́ʼlá nyá. Tááráá ébóblo gá bʉr baá, bɨ̌n nkʉ̂ gʉ́a, nkʉ̂ misísǐm bé dí e myé mí, myé lɨ́ eduho kwá mé Nzyɛ̌m, ebě, ogwíha o mílɔ̌b o bíbɛr, bé mû ó sí buo ɨ́ sí yɨ́yɛ̂h.

Éfɛsɔs 4:14

Jɔʼ yaá ó mɨ́ná ngá pʉʼa gá ɨ́ tyé bwá ó ntwǒm ɨ́ nkǒ páʼ búʼó yɨ́. Milɛ́ʼlá míswîh, myé ákǎ ntyeŋ mɨ́ná gâ, nkʉ̂ dímle mɨ́ná gá ɨ́ nzɨ̌ mikóo. Baányâ-mikóo baá, bé gwɨ́m ó, bé mɛ́rɨɨ mɨná gá ɨ́ mpila mépɨʼ yɔ́ɔ́, le ntémé ó, mɨná nʉ́aa gá bidyɛʼ byɔ́ɔ́.

Mataos 24:4

Nó ó Yésʉs á lɛ́ɛ e bé ó: «Diʼee gá mekʉá ɨ́ binyâ. Bɨ̌n ámû jaá dímlɔɔ.

2 Yʉanes 1:7

Ebě, bibɨ́bla bí ólɛ̂ʼla, byé mû ó sí buo ɨ́ sí yɨ́yɛ̂h, lɨ́ etô le edímle bʉ̂r. Byé akpɛl ékam ó, Yésʉs-Krîst á nze ɨ́ sí yɨ̂ʼ ó e nyʉ̂l mʉr mpâ. Mʉr kɛ́lá búʼó gá yɨ́ná nyá, nye ó ndímla bʉr le ntɨ̂m e mbɨn mé Yésʉs-Krîst.

Markus 13:22

Ebě, okrîst o bíbɛr, bé ópipyâl, bé le ogwíha o mílɔ̌b o bíbɛr. Bé ósâ mésimá le bisá bí ékâm, lɨ́ esáa ékʉ́a bʉ̂r ó Nzyɛ̌m á twâr bá, yé óbána bé nó.

Mɨngwiha 20:8

Nye ótô kʉ̌l, nyé obáʼǎ nyɛl édímle bíkûl e biloo ɨ́ mesí mɨ́mɛ̂h. Mesí maá, mé jɨ́jébɔ́ɔ́ ó, «Gôg» ti e «Magôg». Nye ójébe bʉ̂r o bíkûl baá, syɛŋ bé gúmo gwár lɨ́ esú ó, bé tôʼ le elwímla dɔ̂m e Nzyɛ̌m. Bʉr o ngá tô ó, bé lwímlá ó dɔm laá bá, bé óbuo. Bé ó mpʉ ósɨ́ǎ o mâŋ, abe e tólɔ́ɔ.

2 Timotɛ 3:13

Bibɨ́bla bi bʉ̂r, ti e bʉr o míkóo bɨ́ɛ, bé ótô dóló e mebébe mɔ́ɔ́ ó, tótôʼ. Bé ótô dóló le edímle bʉ̂r. Bé bʉr o tɨ̂, bé ótô le elɔ̂ʼwa ɨ́ mikóo mi bʉ́ʉ́ bʉ̂r.

2 Timotɛ 2:16

Syɛ́hláá olɛblɛ̂b o mpyóó ó dí abe e nyɔm ɨ́ búʼó wɨ́. Bʉr o dí egbâ ményʉ́l mɔ́ɔ́ ɨ́ nzɨ̌ nyaá bá, bé sóʼló bʉ̂r ó, bé sâʼ Nzyɛ̌m nkěh.

Éfɛsɔs 5:6

Mʉ̌r sá adímle bɨ́n e nzɨ̌ lwǐb dí abe e nyɔm yɨ́. Bisyɛ́ɛla bí ébébe bínɨ̌ ó ngá sâ ó, Nzyɛ̌m lɛ̂ʼlaa nkpaa nyé kwá bʉr o dí egbɔba e né bá.

Mɨlʉmlʉ 20:30

Damá jóʼo ɨ́ sɔ́má yɨ́n tʉ́ŋlʉ̌, bʉ́ʉ́ bʉ̂r, bé ómɔa, nzě lɛ́ɛ míkóo, le edulo ómpʉ́n ó, bé dúʼoo bê.

Mɨngwiha 20:3

Jɔʼ éngeles á kâʼ nye, ntɔ̂ʼ guho nyé ɨ́ bɨ́ dí sí ɨ́ kœ́ʼlɛ́ yɨ́, bê nzě diblě nǔm bɨ́ yaá, pɨr méngʉŋ me tɨ̂ʼ e sab. Nye nzě gbâ sitâm ɨ́ dibla ébê, lɨ́ ekamle nyé lɨ́ epyâl tɨ̂. Nye ámû jaá báʼǎ tô le edímle bʉ̂r ó sí yɨ̂ʼ bɨ́bɛ̂h ɨ́ nzɨ̌ mikóo. Píe mimbû tɔ́ɔ́sin, bé obáʼǎ bîr nyé mâ péh éwala, ó nye pyálaa kʉ̌l.

Mɨngwiha 13:8

Nó ó, bʉr ó sí yɨ̂ʼ bɨ́bɛ̂h, bé ódwe nyé kûm, pɛ̌ʼ njɨ baá Nzyɛ̌m á boo cɛma míé mɔ́ɔ́ ɨ́ mekaná mé twiʼ bá. Mekaná maá, mé á boo be cɛmá ó, táare ɨ́ jɔ̌ʼ kʉ́ e sí, byé á be apǎ bě kuhá yɨ́. Mé gúmó ó e Mâ Nteme bé á boo jʉ̂ nyá.

1 Yʉanes 2:26

Mě cɛmá bɨ́n bisá bîʼ ó, dumo e bʉr o dí esáa édímle bɨ́n bá.

1 Yʉanes 2:18

Bwán bâm, esúʼlá é sí yɨ̂ʼ mû ó ɨ́ nérénére. Bɨ̌n bé á si boo jóʼo ó, Ntɨ̂m e mbɨn mé Krîst, nye ɨ́ jala le enze. Ɨ́ báánâ, ontɨ̂m le obɨn mé Krîst, bé mû ó, sí buo. Nó ó mɨ́ná dí egʉ́a gá ó, yɨ́ kumo lɨ́ esúʼlá é sí yɨ̂ʼ yɨ́.

Kolosi 2:18

Mpʉ bɨ́n di ajɔr ményʉ̂l ɨ́ míh bééngeles, nkʉ̂ dwáawo bé yɨ́, mʉ̂r dwé bɨ́n mebě me mpéne, duho tɨ̂ʼ nó, anʉa gá lwǐb yé, gbâ ɨ́ nkɔb. Bisá bé dí ebee lɨ́ esimá bí ó bé dí enʉa, gbâ ɨ́ nkɔb. Mimbi mi bʉ̂r myaá, myé ó lwɨ́ŋlá e nkɛ́á nyʉ̂l. Bé nkɨ́nkɛ́ɛ́ ményʉ́l mɔ́ɔ́ ó, dwêh, ebě, bijwɨʼ byɔ́ɔ́, byé jaá duho ó, njɨ ɨ́ nkul misyóm myɔ́ɔ́ tʉ́ŋlʉ̌.

Kolosi 2:8

Akam gá mekǎn mé dí dwêh, maá me dí edímle bʉ́ʉ́ bʉ̂r ɨ́ nzɨ̌ mikóo myɔ́ɔ́ má. Ajóʼǒ sá bé dí ejébe ó, «ocwóó ó sí yɨ̂ʼ» yɨ́. Abîr gá ó, mʉr gbâʼ bɨ̌n lɨ́ okómó wé ɨ́ nzɨ̌ nyaá. Mekǎn ménɨ̌, mé duduho ó, ɨ́ metum me bʉ̂r ó sí yɨ̂, ndu e milɛ́ʼlá bʉ̂r ó sí yɨ̂ʼ dí ekûhlo mí. Milɛ́ʼlá myaá, myé aduho kwá mé Krîst.

Galásia 2:4

Sâ gwár, bʉ́ʉ́ bʉ̂r, bé á si gwa tíne nye nó, ebě, bʉ́ʉ́ ókrǐsten o bíbɛr, bé á be ó ɨ́ sɔ́má yɨ́h yaá. Bʉr baá, bé á swama ɨ́ sɔ́má yaá ó, mesǒ, lɨ́ edǐ gʉ́a, nkʉ̂ bɨ̌h, bʉr o dí ɨ́ mpúhlá e Yésʉs-Krîst bá, bê tyeetye ó onzyɛh o bʉ̂r. Gwɨ́má yɔ́ɔ́, yé á be ó, bé báʼa liŋ bɨ́h bitúʼǎ.

2 Korɛnt 11:3

Me lɨ́ ejóʼo bʉ́á. Mě kpɛ́ɛ́ ó, bɨ̌n ámû jaá kʉ́ŋɔɔ, ntɔ̂ʼ dwira e Krîst jɔʼ gwár ɨ́ dwirɨ̂, jwɨʼ gwár e gwár e mpʉ nyʉ́a á kʉ́a Éfa, nye ntɔ̂ʼ bil ɨ́ mikóo yɨ́. Bɨ̌n ámû jaá gwâʼ le edwě Krîst dúu ntinɨ̂ e ntinɨ̂.

1 Korɛnt 2:4

Lɛ́ʼlá wâm ndu e lwibá mílɔ̌b mé Nzyɛ̌m wâm, byé á bé abe bílwǐb bi dí ɨ́ tɨ́ŋ le ocwóó ó sí yɨ̂ʼ bí. Sá yé á tíne bɨ̌n ó, bɨ̌n bûʼlaa lɛ́ʼlá waá yɨ́, yé á be ó, bisyɛ́ɛlǎ Sísǐm mé Nzyɛ̌m wé á sâ e nkul nyé bí.

Mataos 24:24

Ebě, okrîst o bíbɛr, bé ópîpyal, bé le ogwíha o mílɔ̌b o bíbɛr. Bé ósâ mésimá ménɨ́nɨ́ɨ́ le bisá bí ékâm. Yé báná nó, bé ódímle bʉ̂r ó Nzyɛ̌m á twâr bá ɨ́ nzɨ̌ mikóo myɔ́ɔ́.

Éfɛsɔs 4:17

Nó sá mé múo nzě lɛ́ɛ bɨ́n, le eboʼlo ɨ́ díé mé Tî Yésʉs yɨ̂, yé ó: mʉr adû gá kʉ̌ tyen óhááden dí edû wɨ́. Bé jaá sâ nó ó, njɨ ebě, ocwóó wɔ́ɔ́, wé ó dwêh.