Kolosi 2:16 - Kálar Nzyɛ̌m : Ejwán é Sáá

¹⁶ Abîr gá ó, mʉr dwêʼ bɨ̌n mebě ɨ́ sá bɨ́n dí ede yɨ́: nkʉ̂ menyoʼ, nkʉ̂ mede. Bé ayɨ́ pahle bɨ́n ɨ́ lɔ̌b mbwalá ménzɔɔ wɔ́ɔ́, nkʉ̂ ɨ́ lɔ̌b ébʉ́ʼ lé ébám lé álomó. Bé ayɨ́ pahle bɨ́n ntémé ɨ́ lɔ̌b mbaʼlá móhó sábat.

Kálara Zyɛ̌m Edwán é mpʉ̌n

¹⁶ Ebe no, abir ga ó, mʉr láŋa bɨn baa ebebe é lɔb monyɔmlʉ mɨn le monyʉla mɨn. Bé l'ayi dwe bɨn mobe tɨ, nkʉ é lɔb mobʉʼ bɛɛ lé ebwal lé edu sa buʼo yɔɔ ɛ. Bé l'ayi láa bɨn baa ebebe é lɔb ebʉʼ le ebam le alomo bɛɛ lé ebwal ɨ, nkʉ é mbi bɛɛ lé edu motie mo moho saba ɛ.

Kolosi 2:16 ပူးပေါင်းရင်းမြစ်များ

Rôm 14:10

Ɨ́ mpʉ yé dí nó yɨ́, gua, go nzé, gua mʉr dí edwe mɨ́ɔɔ́ gǒ mʉr mebě nɨ̌? Gua ntémé, go nzé, gua mʉr dí epyêh mɨ́ɔɔ́ gǒ mʉ̌r nɨ̌? Mɨná gá óbɛ̂h, bé ótó tyɛ̂b gá ɨ́ mpǒm diá tîʼ milɔ̌b gá wɨ́ná, Nzyɛ̌m.

Galásia 4:10

Bɨ̌n bé lɨ́ edwáawo mʉ́ʉ́ mélû le bʉ́ʉ́ óngɔn, le byúú bíjɔʼ, ndu e myúú mímbû. Bɨ̌n bé lɨ́ etyêl ménzɔɔ ɨ́ bijɔʼ byaá, bɨ̌n bɨɛ lɨ́ ebúʼla ó, mé e nyɔm ɨ́ míh mé Nzyɛ̌m. Bɨ̌n jwɨjwɨʼ ó, bisâ byaá, byê milémé mín ó e nyɔm.

Ebrœ̂ 13:9

Gwá di gá le ocwóó. Sá abîr gá ó, nyʉ́ʉ́ mʉ̂r mɛ́rɨɨ bɨ̌n lɨ́ okómó ɨ́ nzɨ̌ metwɨ́ɨ́ méswîh nyé dí edwe bɨ́n má. Ncwɨ́ncwɨ́a mé Nzyɛ̌m ó dí egbâ bʉ̂r pîm ɨ́ búʼó. Yé mbɨa ó, bɨ̌n bíʼee nkul tɨ̂. Mede bé dí elɛ́ɛ ó, mʉr, nye ɨ́ jala le ede lɨ́ esú lé édwě Nzyɛ̌m dúu tɨ̂ʼ má, mé abe e nyɔm ɨ́ páʼ bʉ̂r o dí ede mé bá.

Mataos 15:11

Ntʉ̌ sá dí enî mʉ̂r ɨ́ num yɨ́, dí ebɛ̂ʼ páʼ mʉr, bé e Nzyɛ̌m. Mʉr bɔ́ʼá e Nzyɛ̌m ó, ɨ́ lɔ̌b ékǎn e dí eduho nyé ɨ́ num lɨ́.»

Ebrœ̂ 9:10

Nzyɛ̌m á tíʼe ɨ́ lémé wé ó, bʉr, bé ósɨsâ nyé mbǐ yébé nɨ̌ ó, tó pyâl ɨ́ jɔʼ nyé ókǎ tyêl bʉ̂r metié me dí tîtyěl má yɨ́. Metié le mempéné mé ésôʼ, mé á jaa dwɛ̂ʼ ó, njɨ ɨ́ páʼ nyʉ̂l mʉr. Metié maá, mé á jaa tɨ́e mʉr ó, njɨ mimbi méde le menyoʼ myé á jala ó, nye dêʼ mí, le mimbi míndubó myé á jala ó, nye dúŋɔɔ mí.

Jacques 4:11

Bɨ́ɔɔ́ bâm! Okɛ́l bâm! Asâ gá mesyɛ́ɛla páʼ nyɨ́n. Waá nyɨnyɛ̂h dí esâ mɨ́ɔɔ́ mesyɛ́ɛla, dwe nyé mebě nyá, nye mû ó mpʉ̌ sá lɛ́ɛ́, nyɨ́ bee étié mé Nzyɛ̌m e bigwǐh. Yé ntémé, yé ó mpʉ̌ sá lɛ́ɛ́, nyě dwé ó etié laá mebě. Nyé akǎ be mʉ̂r dí ebaʼle étié laá nyá. Nye mû ó lɨ́ edwe lé mebě.

Markus 7:19

Ebě, yé anî nyé ɨ́ léme tʉ́ŋlʉ̌. Yé ní ó ɨ́ mo, kǎ pyâl kʉ̌l.» (Ɨ́ lɔ́ɔ waá, Yésʉs á kpɛl elɛ́ɛ ó, mede mɨ́mɛ̂h, mé mû ó, bɛ̌m deŋɔɔ.)

Mɨlʉmlʉ 15:20

Mɨná cɛ́maa gá yɨ́ɛ mekaná ó, bé syɛ̂hlaa edulo mélwaʼwo ɨ́ menyʉ́l mɔ́ɔ́ e menzɨ̌ mâ: lɨ́ edwe bíkpɛʼkpɛ̂ʼ bí ónzyɛ̌m dúu, lɨ́ esâ bímolá, lɨ́ ede tír á pa dwe tû nyá, nkʉ̂ lɨ́ ede métié.

Kolosi 2:20

Bɨ̌n e Krîst, bé á si dwe eswie empwár. Sá tɨ̂ʼ ó mílɛ́ʼlá bʉ̂r ó sí yɨ̂ʼ dí ekûhlo mí, dí abe lɨ́ ekǎ jwɨ́ɨ bɨ́n yɨ́. Ɨ́ tɨ̂ʼ, mʉ̌r sá akǎ dû mémpéné mé dí eduho ɨ́ milɛ́ʼlá myaá má, nkʉ̂ báʼǎ tiʼě mpʉ̌ sá lɛ́ɛ́, bɨ̌n gúmó ó e sí yɨ̂.