Kolosi 2:1 - Kálar Nzyɛ̌m : Ejwán é Sáá

¹ Mě kpɛl ó, bɨ̌n gʉ́ŋaa bisyɛ́ɛ́ mé dí eséa lɨ́ esú lɨ́n bí. Yé ntémé, yé ó lɨ́ esú é bʉ̂r ó Laodiséa, ndu e baá bɨ́bɛ̂h dí apǎ bee mé mpǒm bá.

Kálara Zyɛ̌m Edwán é mpʉ̌n

¹ Me ekpɛl ó, bɨn gʉŋa bim mɨtuu me lé ejaʼra e mye é l'efu lɨn ɨ. Myé ó é l'efu e bʉr o Laodisea nteme, ka kɛl baa bɨbɛh l'apa bee me mpom ɨ.

Kolosi 2:1 ပူးပေါင်းရင်းမြစ်များ

Kolosi 1:29

Sá tɨ̂ʼ ó mé dí eséǎ syɛ́ɛ́ yɨ̂ʼ yɨ́. Mě séá yé ó e nkul. Tó kœb ó, nkul mé dí eséa e né nyɨ́, nyě duhó ó, kwá mé Krîst. Nkul nyé nyaá ó dí eséa ɨ́ me tʉ́ŋlʉ̌ nyɨ́.

Filipi 1:30

Nó ó, bɨ̌n mû ó lɨ́ elwímla dɔ̂m empwár bɨ́n á bee me lɨ́ elwímla lɨ́. Mpʉ bɨ́n dí egʉ́a yɨ́, me dína ó, lɨ́ etô dóló le elwímla lê.

Mɨngwiha 1:11

Nye e me ó: «Sá gó mû lɨ́ ebee yɨ́, go e cɛ́má yé ɨ́ mekaná. Gó otyen mé ɨ́ bʉr ó Mbɛ̌r-Nzyɛ̌m dí ɨ́ binkana nzaangbá bi dí Éfɛsɔs, Smírna, Pɛ́rgamos, Teatîr, Sárdɛs, Filadɛ́lfia, ndu e Laodiséa bí.»

Kolosi 1:24

Báánâ, me mû ó e bisʉhʉʉ ɨ́ léme ɨ́ lɔ̌b mítúú mé dí esia e myé lɨ́ esú lɨ́n mí. Mitúú Yésʉs-Krîst á be asia e myé mí, míɛ ó mɛ̂m dí ekǎ sia e myé ɨ́ bipúno byâm bî. Mě jóʼó mégunwa me tɨ̂ʼ ó, lɨ́ esú é nyʉ̂l mé Krîst, dí Mbɛ̌r-Nzyɛ̌m nyɨ́.

Mɨlʉmlʉ 20:38

Bé á bu jóʼo yɨ́ɛ ebúʼ ó, ebe nyé á lɛ́ɛ ó, bé ákǎ báʼǎ bee nyê. Nó ó bé á to lîʼle nye, tó pyâl gúmó sitíma yé á be yɨ́.

1 Pyɛr 1:8

Bɨ̌n bé lɨ́ ekpɛl nyé, bɨ̌n l'apǎ bee yɨ́ɛ nye. Bɨ̌n bé lɨ́ edyɛ̂ʼwo e né, damá be ó bɨ̌n dína ó, apǎ bee nyê, nzě pyâl ɨ́ báánâ. Ɨ́ tɨ̂, diʼee gá lwɨ́ŋlá e bisʉhʉʉ. Sohaa gá ɨ́ mbi mʉ̂r dí abe e nkul ejwɨʼ, nkʉ̂ lɛ́ɛ byé wɨ́. Kûm, nyě e bɨ̌n tɨ̂.

Kolosi 2:5

Mě damá cɛra e bɨ̌n ɨ́ nkǒ páʼ nyʉ̂l, me yɨ́ɛ ó bǎʼ e bɨ̌n ɨ́ nkǒ páʼ sísǐm. Me lɨ́ ejóʼo bísʉhʉʉ lɨ́ ebeě mpʉ̌ sɔ́má yɨ́n dí ɨ́ kpɨ́ɨ́ɨ́ yɨ́. Me lɨ́ esoho ntémé mpʉ bɨ́n dí edyêʼ koo e Krîst yɨ́.

Galásia 4:19

Bwán bâm, me mû ó mpʉ mʉ́má mû lɨ́ ebáʼǎ jaʼra e mǐn nyá. Mekpaa mé ótô le emɨmɛ̂r mé nó ó, tó pyâl pyáláa ɨ́ jɔ̌ʼ Yésʉs-Krîst óbe, nye mû sí gwɨ́e ɨ́ menyʉ́l mɨ́n yɨ́.

Mɨlʉmlʉ 20:25

«Sâ gwár mé dí egʉ́a ɨ́ báánâʼ yɨ́, yé ó, abe e mʉr ɨ́ sɔ́má yɨ́n ókǎ báʼǎ bee mê, damá be mʉ̂r ngwár ɨ́ sɔ́má bʉ̂r bɨ́bɛ̂h o b'á bee me lɨ́ elaa páʼ nyɨ́n, le elɛ́ɛ̌ lɔ́ɔ́ dí edumo e Mpóʼo mé Nzyɛ̌m wɨ́ bá.

Ebrœ̂ 5:7

Jɔ̌ʼ Krîst á títíʼe ɨ́ sí yɨ̂ʼ yɨ́, nye á bɨbe lɨ́ ejɨʼla e mʉr á be e nkul epɛʼ nyé lɨ́ eswie nyá. Nye á si bʉ̂ bitím, jɨ kʉ́kʉ́, Nzyɛ̌m ntɔ̂ʼ jóʼo nyé ntémé ɨ́ lɔ̌b méjóʼǒ Yésʉs á sâ nye má.

1 Tesalonika 2:2

Bɨ̌n bé lɨ́ egʉ́a ntémé mpʉ bɨ́h á bɔma e túú le cére ɨ́ Fílipi, bɨ̌h dína apǎ pyâl kwá nyɨ́n yɨ́. Jɔʼ bɨ́h á pyâl ɨ́ sɔ́má yɨ́n yɨ́, Nzyɛ̌m wɨ́h á si gbâ bɨ̌h menyan ɨ́ miléme ó, bɨ̌h lɛ́yɨɨ bɨ̌n Mbɨambɨa Lɔ́ɔ́ mé Krîst témé bʉr o dí elwímla e bɨ̌h bá.