Kolosi 1:9 - Kálar Nzyɛ̌m : Ejwán é Sáá

⁹ Sá tɨ̂ʼ ó bɨ́h jɨʼlá e Nzyɛ̌m lɨ́ esú lɨ́n, agwâʼ yɨ́. Táare ɨ́ móhó bɨ́h á jóʼo bé lɨ́ elwib, dumo e bɨ̌n wɨ́, nzě kumǒ kumáa mûh, bɨ̌h jɨʼlá e Nzyɛ̌m ó, nye lóŋlaa bɨ̌n pɨʼ dí ó, bɨ̌n gʉ́ŋaa sá nyé á tíʼe ɨ́ lémé wé yɨ́. Nye dwêʼ bɨ̌n ocwóó wɨ́wɛ̂h, le esâ ó, bɨ̌n gʉ́ŋaa milɛ́ʼlá Sísǐm mé Nzyɛ̌m dí edwe mí.

Kálara Zyɛ̌m Edwán é mpʉ̌n

⁹ Ebe no ó bɨh dina lé ejwɨʼla e Zyɛm é l'efu lɨn, agwaʼ ɛ. Taare é jɔʼ bɨh bé a joʼo be lé elwib, tiibe e bɨn ɨ, ze pyal é muh é dobo lɨ, bɨh bé esa Zyɛm mɨnjwɨʼla, ó nye loŋla bɨn pɨʼ ndɨ ó, bɨn gʉŋa bɨgwɨma bɨ leme we. Nye dweʼ bɨn ocyoo wiwɛh, le esa ó, bɨn gʉŋa mɨlɔb Mbɨambɨa Sisim lé eyeʼle e.

Kolosi 1:9 ပူးပေါင်းရင်းမြစ်များ

Jacques 3:17

Sá ésôʼ mɨ́ná jálá le elɛ́ɛ gá yɨ́ ó yɨ̂: ocwóó dí eduho kʉ́ wɨ́, wé abe ɨ́ mpúhlá le ebébe. Píe tɨ̂, wé ó sá dí esâ ó, bʉr tíʼaa ɨ́ mepyɛbla yɨ́. Wé ó sá dí elɛ̂ʼle mʉ̂r mpʉ nyé tálaa njwɨr, le edi e léme sulá sí yɨ́. Ocwóó waá ó dí esâ ó, mʉr jɨ́ʼɨɨ bʉ́ʉ́ bʉ̂r nkoó. Wé lɨ́ edwe mʉ̂r ngwɨ́á ésâ bísyɛ́ɛla bimpâ. Wé abe e nkɔ̌m ɨ́ gúú pâʼ. Wé abe e mikóo.

Jacques 1:5

Nyʉ́ʉ́ mʉ̂r ɨ́ sɔ́má yɨ́n bé lɨ́ ejɨ ócwóó nó, nye jáʼaa Nzyɛ̌m wǎ. Nye ókʉ́ dwe nyé wǎ. Nzyɛ̌m dwídwé bʉ̂r ocwóó ó, dwě dwêʼ, abe e túú ɨ́ léme.

Kolosi 4:5

Tiʼaa gá le ocwóó ɨ́ míh mé bʉ̂r o dí abe ókrǐsten bá. Yé díʼee bɨ̌n jɔʼ bɨ́n jálá le esâ nó yɨ́.

Ebrœ̂ 13:21

Mě jɨʼlá e né ó, nye tyɛ́bɨɨ bɨ̌n ɨ́ miléme, ó bɨ̌n sâʼ syɛ́ɛla nyé dí ebeě mbɨ̂mbɨá yɨ́, mɨná nkʉ̂ lóŋlo gá gwɨ́má yé ɨ́ nzɨ̌ mé Yésʉs-Krîst, dí e kûm njʉ̌m dǐ e njʉ̌m dǐ nyá. Amɛn!

1 Pyɛr 2:15

Sá Nzyɛ̌m dí egwɨ̂m ɨ́ wɨ́n pâʼ yɨ́, yé ó: bɨ̌n sâʼ bisyɛ́ɛla bimpâ, bɨ̌n díblaa bigʉʼlʉgʉ́ minum, byé l'akǎ lwǐb sá dí asiŋa ɨ́ lɔ̌b wɨ́n yɨ́.

2 Tesalonika 1:11

Ɨ́ pâʼ waá ntémé ó bɨ́h dí ejɨʼla ɨ́ bijɔʼ bíbyɛ̂h ɨ́ lɔ̌b wɨ́n yɨ́. Bɨ̌h jɨʼlá e Nzyɛ̌m ó, nye béyɨɨ mbɨ̂mbɨá, ó bɨ̌n bé lɨ́ edû kʉ̌ tyen nyé á jébe bɨ̌n ó, bɨ̌n dúʼoo wɨ́. Bɨ̌h jɨʼlá ntémé ó, nye gbâʼ nkul nyé ó, bɨ̌n lóŋlaa bisyɛ́ɛla bɨ́n dí ebúʼla ó, bɨ̌n jálá le eséa nyé bí.

1 Tesalonika 5:17

Jɨʼlaa gá e Nzyɛ̌m ɨ́ bijɔʼ bíbyɛ̂h.

1 Yʉanes 5:20

Mɨná bé lɨ́ egʉ́a gá ntémé ó, Mwân mé Nzyɛ̌m á si nze. Nye nzě gbâ mɨ́ná gá pɨʼ ɨ́ miléme ó, mɨná gʉ́ŋaa gá Nzyɛ̌m, mʉr dí le otyeetye nyá. Mɨná di gá ó, ɨ́ mpúhlá gá nyɨ́ná e mʉr dí le otyeetye waá nyá. Mʉr waá, nye ó Mwân wé, Yésʉs-Krîst. Nye ó dí Nzyɛ̌m mpâ. Nye ntémé ó dí Etín é Twǐʼ njʉ̌m dǐ.

Kolosi 3:16

Kamaa gá ó, lwǐb mé Krîst, yé lóŋlaa milémé mín. Milémé mín, myé díʼee ekʉ̌m lɨ́ esú é lwǐb yé yaá. Jwidweelaa gá páʼ nyɨ́n milɛ́ʼlá mi dí le ocwóó mí. Jwidweelaa gá metwɨ́ɨ́ páʼ nyɨ́n. Jyɛyɨɨ gá meswɨ̂ʼlɨ lɨ́ esú é Nzyɛ̌m, mejéme, ti e bidyɛɛ́ biswîh Sísǐm ngá lɛ̂ʼle bɨ́n bí. Mejéme maá, mé óduho ó, bɨ̌n ɨ́ miléme mi dí edwě Nzyɛ̌m nzyǒo mí.

Ebrœ̂ 10:36

Sá dí ejɨŋɔɔ ɨ́ páʼ wɨ́n yɨ́, yé ó bíhwó. Bɨ́n ósâ bíhwó nó, bɨ̌n bé ósâ gwɨ́má mé Nzyɛ̌m ɨ́ jɔʼ yaá. Bɨ̌n bé obǐ sá nyé á kɛʼ bɨ̌n yɨ́.

Filipi 1:4

Jɔʼ yɨ́yɛ̂h mé dí ejɨʼla lɨ́ esú lɨ́n yɨ́, mě jɨʼlá ó e bisʉhʉʉ.

Filemɔŋ 1:4

Jɔʼ yɨ́yɛ̂h mé dí ejɨʼla e Nzyɛ̌m lɨ́ esú lô yɨ́, me lɨ́ edwe nyé nzyǒo,

Éfɛsɔs 6:6

Mʉr aséa gá syɛ́ɛ́ njɨ ɨ́ jɔʼ bé dí epála nyé yɨ́. Mʉ̌r sá aséa lɨ́ esú é méswɨ̂ʼlʉ me bʉ̂r. Mpʉ bɨ́n mû osyɛ̂l o mésâ mé Krîst yɨ́, séáá gá bé syɛ́ɛ́, lɨ́ elóŋlǒ gwɨ́má mé Nzyɛ̌m, e milémé mín mímyɛ̂h.

Rôm 12:2

Adû gá metum me bʉ̂r ó myǎ wɨ̂. Yé jala ó, Nzyɛ̌m dwêʼ bɨ̌n bijwɨʼ bidwân, ó nye dwírɨɨ bɨ̌n miléme. Nó ó bɨ́n ngá gʉ́ǎ sá Nzyɛ̌m dí ekpɛl yɨ́. Bɨ̌n bé ogʉ́ǎ sá dí ɨ́ mbɨa yɨ́, sá dí ejala e né yɨ́, ndu e yaá dí ɨ́ pémémé ɨ́ mipáʼ mímyɛ̂h yɨ́.

1 Tesalonika 1:3

Ɨ́ minjɨʼla bɨ́h dí ejɨʼla e waá dí Nzyɛ̌m gá wɨ́ná, waá dí ntémé Sɔ́ŋ gá wɨ́ná nyá mí, bɨ̌h bé lɨ́ esímsǎ syɛ́ɛ́ bɨ́n á séa ɨ́ lɔ̌b búʼó yɨ́n yɨ́. Yé á be ó, ɨ́ kpɛ̌l bɨ́n dí ekpɛ̌l Nzyɛ̌m yɨ́. Bɨ̌h símsá ntémé ó, mitúú bɨ́n á sia e myé ɨ́ nzɨ̌ mpûʼla Tî Yésʉs-Krîst á gbâ bɨ̌n ɨ́ miléme nyɨ́ mí. Bɨ̌h sá nó ó, ɨ́ mpǒm mé Nzyɛ̌m gá wɨ́ná, dí Sɔ́ŋ gá wɨ́ná nyá.

1 Yʉanes 2:17

Sí yɨ̂, le bisá bíbyɛ̂h bʉ̂r dí egwɨ̂m tɨ̂ʼ bí, byé lɨlaa ó laŋáa. Nó ó, mʉr dí esâ sá Nzyɛ̌m á tɨ́e yɨ́ nyá, nyě tíʼé ó, njʉ̌m dǐ e njʉ̌m dǐ.

1 Pyɛr 4:2

Mbi mʉ̂r waá ókǎ títíʼe ɨ́ sí yɨ̂ʼ ó, njɨ lɨ́ elóŋlǒ gwɨ́má mé Nzyɛ̌m. Ɨ́ jɔʼ nyé óbe, nye dína ɨ́ nyʉ̂l bipúno yɨ́, nye ósyɛ̂hle bísyɛ́ɛla bi dí eduho ɨ́ bigwɨ́má bí bʉ̂r bí.

Kolosi 4:12

Epafrâs, mʉr á duho kwá nyɨ́n nyá, nye lɨ́ esoho bɨ́n. Nye ó syɛ̂l mesâ mé Krîst. Nye lɨ́ ejɨʼla e Nzyɛ̌m e nkul jɔʼ yɨ́yɛ̂h ɨ́ lɔ̌b wɨ́n ó, bɨ̌n tyɛ́bɨɨ mekʉ̌ sí ɨ́ sɨ́ŋ, bɨ̌n díʼee otɔ́má bʉ̂r ɨ́ mipáʼ mímyɛ̂h, le egʉ́a bísyɛ́ɛla bíbyɛ̂h Nzyɛ̌m dí ekpɛl bí ɨ́ pébébé.

Kolosi 1:6

Mbɨambɨa Lɔ́ɔ, wé lɨ́ emyɛma le etɨ́e bʉ̂r metum medwân ó, ɨ́ sí yɨ́yɛ̂h mpʉ wé dí esâ ɨ́ sɔ́má yɨ́n, táare ɨ́ jɔʼ ésôʼ bɨ́n á nyɛɛ jóʼo wé yɨ́. Bɨ̌n bé á be ó sí jóʼo bʉ̂r lɨ́ elwǐb lɔ̌b mpâm mé Nzyɛ̌m. Bɨ̌n bé á si gwa kʉ jɨ̂ʼ le egʉ́a lɨ́ otyeetye sá nyé dí yɨ́.

Éfɛsɔs 5:17

Mʉ̌r sá agʉʼla. Sáŋáá gá ó, bɨ̌n jɨ́ʼɨɨ bisyɛ́ɛla Tî Yésʉs á tíʼe ɨ́ lémé wé ó, bɨ̌n sâʼ bí.

Éfɛsɔs 5:10

Gʉ́ŋáá gá sá Tî Yésʉs dí ebeě mbɨ̂mbɨá yɨ́.

Éfɛsɔs 1:8

Nye á lɛ̂ʼle mɨná gá mpam nyé nyaá ó e nzɨ̌ ocwóó wé wɨ́wɛ̂h le pɨʼ nyé.

Yʉanes 7:17

Mʉr dí egwɨ̂m ésâ bígwɨ́má mé Nzyɛ̌m nyá, ógʉ́ǎ gúmó lɛ́ʼlá wâm, wé á duho yɨ́: nkʉ̂ wé á duho ó, kwá mé Nzyɛ̌m, nkʉ̂ mě lwǐb ó e nkul nyǎm, mɛm mʉr tɨ̂.

1 Korɛnt 1:5

Ɨ́ mpúhlá nyɨ́n e nɔ́ɔ́, bɨ̌n bé á si tiʼe ɨ́ mepwaʼ, mimbi mímyɛ̂h. Medihre e medihre me tɨ̂ʼ, mé á be ó gúmó nyé á dwe bɨ̌n ngwɨ́á ɨ́ páʼ mélab ndu e ngwɨ́á bísɔ̂ʼ yɨ́.

Mɨlʉmlʉ 12:5

Nó yaá ó Pétrus á baʼlɔɔ ɨ́ mbʉʼ yɨ́. Bʉr ó Mbɛ̌r-Nzyɛ̌m bɨ́ɛ, bé á be ó lɨ́ esâ sɨ́n lɨ́ ejɨʼla e Nzyɛ̌m lɨ́ esú lé.

Filemɔŋ 1:6

Me lɨ́ ejɨʼla e Nzyɛ̌m mpʉ mɨ́ná dí esyɛŋa lɨ́ edyɛ̂ʼwo e Yésʉs yɨ́, ó go gʉ́ŋaa bisá bí émbɨa bíbyɛ̂h mɨ́ná dí e nkul esâ gá bí, ebě, yé ó sá mɨ́ná ódwe gá Yésʉs-Krîst yɨ́.