Kolosi 1:5 - Kálar Nzyɛ̌m : Ejwán é Sáá

⁵ Búʼó le kpɛ̌l yɨ́n yaá duho ó, ɨ́ mpûʼla dí bɨ̌n ɨ́ miléme, ó bɨ̌n bé óbǐ sá dí bɨ̌n komá ɨ́ jʉ́o kʉ́ yɨ́. Mbɨambɨa Lɔ́ɔ dí le otyeetye wɨ́, wé ó b'á nyɛɛ lɛ̂ʼle bɨ̌n syɛ́ɛla yaá.

Kálara Zyɛ̌m Edwán é mpʉ̌n

⁵ Sa nɨ yiyɛh ó, ebe sa bɨn ndɨ ebɛla, yaa ndɨ koma é lal mo Zyɛm ɨ. Bɨn bé ó e mbɛla waa é mɨleme, duho é jɔʼ bɨn bé a taare joʼo Mbɨambɨa Lɔɔ ndɨ lɔɔ cyecye ndɨ eduho boo Zyɛm ɨ.

Kolosi 1:5 ပူးပေါင်းရင်းမြစ်များ

Éfɛsɔs 1:13

Bɨ̌n ntémé, táare ɨ́ jɔʼ bɨ́n á túnɔɔ lɔ́ɔ dí tyeetye wɨ́ yɨ́, bɨ̌n nzě táare ébûʼla wê, kumǒ kumáa mûh, gʉ́a ntémé ó, wé ó Mbɨambɨa Lɔ́ɔ dí etiʼ bɨ́n wɨ́. Le bɨ́n á bûʼla Mbɨambɨa Lɔ́ɔ waá, lě Nzyɛ̌m ntɔ̂ʼ á ntɨh bɨ̌n Sísǐm wé nyé á boo kɛʼ wɨ́. Sísǐm wé waá ó dí dweʼle kwá nyɨ́n, sá dí elɛ̂ʼle ó, bɨ̌n bé ó bʉr bé, ánta nye yɨ́.

2 Timotɛ 4:8

Yé jaá kǎ lîʼ mé ó, njɨ ebǐ káráá dí komá lɨ́ esú lâm yɨ́. Káráá yaá ó dí elɛ̂ʼle ó, mɨ́ bi nkâm ɨ́ míh mé Nzyɛ̌m. Tî Yésʉs, mʉr dí etíʼe mílɔ̌b lɨ́ otîtyěl nyá, ódwe mé yǎ lɨ́ elú lé épíhe. Nye ádwe yɨ́ɛ njɨ me e me. Káráá yaá, yé ódweŋɔɔ ntémé ó, bʉr bɨ́bɛ̂h o dí ekpɛl ébee nyé lɨ́ ebáʼǎ nze bá.

Títos 1:2

Bé lɨ́ etyɛ̂b mekʉ̌ sí ɨ́ sɨ́ŋ ɨ́ lɔ̌b mpûʼla gá nyɨ́ná nyɨ̂: ó, Nzyɛ̌m ódwe mɨ́ná gá twǐʼ njʉ̌m dǐ. Nzyɛ̌m, mʉr dí alɛ́ɛ bíbɛr nyá, á kɛʼ mɨná gá twiʼ yaá ó, jɔʼ kʉ́ e sí, byé á be apǎ bě kuhá yɨ́.

Kolosi 1:27

Ebě, Nzyɛ̌m á be lɨ́ ekpɛl élɛ̂ʼle bé jwɨʼ nyé á be e yé mesǒ yɨ́, jwɨʼ dí ɨ́ buú mbɨa, yaá dí e nyɔm lɨ́ esú é bíkúl bíbyɛ̂h yɨ́. Solá jwɨʼ yaá, yé ó: Krîst, nye mû ó sí pûhla e bɨ̌n. Bɨ̌n mû e mpûʼla ɨ́ miléme ó, bɨ̌n óbi kûm tɨ̂.

1 Pyɛr 2:2

Gwɨ́mɨ́ɨ́ gá mbɨambɨa lɛ́ʼlá dí abe mpúhlá e mebomo, waá dí ejala e misísǐm mín wɨ́. Wé ó ngá sâ ó, bɨ̌n gwɨ́aa, ntɔ̂ʼ tó kumo ɨ́ twǐʼ njʉ̌m dǐ. Gwɨ́mɨ́ɨ́ gá yé mpʉ bítyéé dí egwɨ̂m ébêl, ó byé nkʉ̂ dwaʼ le egwɨ́e yɨ́.

Kolosi 1:23

Bɨ́n ótô dóló le edyɛ̂ʼwo e Tî Yésʉs, le etyɛ̂b mekʉ̌ sí ɨ́ sɨ́ŋ nó, go ó, milémé mín, myé odi ɨ́ puuu. Mʉr apɨ́ŋla gâ! Mʉ̌r sá abîr ó, bé sâʼ ó, bɨ̌n léhee, nkʉ̂ sóŋlǒ Mbɨambɨa Lɔ́ɔ bɨ́n á jóʼo wɨ́. Mbɨambɨa Lɔ́ɔ waá, wé mû lɨ́ etúnɔɔ ó, ɨ́ sí yɨ́yɛ̂h, ɨ́ páʼ bʉ̂r bɨ́bɛ̂h dí sí jʉ́o bá. Mɛm Pɔ̂l á tyélɔɔ ɨ́ syɛ́ɛ́ ó, me lɛ́yɨɨ bʉr wǎ.

1 Korɛnt 15:19

Yé bé milémé gá míná jaá didyɛ̂ʼwo ɨ́ Krîst ó, njɨ ɨ́ twǐʼ sí yɨ̂ʼ nó, lɛ́ɛ́, mɨná gá bé e nkoó, laa bʉ̂r ó sí yɨ̂ʼ bɨ́bɛ̂h.

Ebrœ̂ 7:19

Ebě, metié mé ésôʼ maá, mé á bé abe e nkul epubo syɛ̂l misyóm ɨ́ mipáʼ mímyɛ̂h. Nó ó, mpǎŋ sá dí elaa métié maá yɨ́, yɨ́ pyâl: mpûʼla mɨ́ná mû e nye ɨ́ léme nyɨ́. Nye ó dí esâ ó, mɨná sîhlaa gá bǎʼ e Nzyɛ̌m.

1 Tesalonika 2:13

Sá tɨ̂ʼ ó bɨ́h dí edwě Nzyɛ̌m nzyǒo ɨ́ bijɔʼ bíbyɛ̂h yɨ́, ebě, ɨ́ jɔʼ bɨ́h á lɛ́ɛ bɨ̌n lɔ́ɔ́ wé yɨ́, bɨ̌n bé á si bûʼla wê. Bɨ̌n bé á bé anʉa wé mpʉ̌ lɔ́ɔ́ dí eduho ɨ́ num mʉ̂r bipúno wɨ́. Bɨ̌n bé á kʉ nʉa wé ó, mpʉ̌ lɔ́ɔ́ mé Nzyɛ̌m lɨ́ otyeetye. Lɔ́ɔ́ mé Nzyɛ̌m waá, wé lɨ́ eséa ɨ́ bɨ̌n obûʼla.

1 Yʉanes 3:3

Nyé ógbâ nyʉ́ʉ́ mʉ̂r mpûʼla nyaá ɨ́ léme nó, mʉr waá ópubo nyé mʉr tɨ̂, ó nye díʼee mʉr dí tí nyá. Sá tɨ̂ʼ ó nyé óbě mpʉ mé Yésʉs, mʉr dí tí nyá yɨ́.

Galásia 5:5

Bɨ̌h bɨɛ, bé á si dyɛ̂ʼwo e Nzyɛ̌m. Nyɨ́ gbâ bɨ́h mpûʼla ɨ́ miléme ó, nye ódwe bɨ́h nkam. Bɨ̌h bé e mpûʼla nyaá ó e nzɨ̌ Sísǐm mé Nzyɛ̌m.

2 Korɛnt 5:19

Ebě, Nzyɛ̌m á sâ saá mû lɨ́ edira bʉ̂r ó sí bɨ́bɛ̂h e né nyɨ́ ó, ɨ́ nzɨ̌ mé Krîst. Nye á bé aláǎ bím bíbaa bí ébébe nyé á niʼe bé bí. Nye nzě tyêl bɨ́h bɨɛ ɨ́ syɛ́ɛ́ ó, bɨ̌h túnaa bʉr lɔ́ɔ tɨ̂, ó bé nkʉ̂ bâʼra e mʉr bé e boo nɔ́ɔ́ mû ɨ́ saá nyaá nyá.

Mɨlʉmlʉ 23:6

Sâ gwár, ɨ́ jɔ̌ʼ Pɔ̂l á ka gʉ́a ó, bʉr ó bʉm, bé á be ó menkɔ̌m mebá: nyɨ̂ʼ nkɔ́m, oSadwisyɛ̂n; nyʉ́ʉ́, oFarizyɛ̂n yɨ́, nó ó nyé á bʉ̂ tím gúmó ótîʼ o mílɔ̌b bé á be yɨ́. Nye ó: «Bɨ́ɔɔ́ bâm, me ó Farizyɛ̂n. Odâ, bé á be ntémé ó oFarizyɛ̂n. Me lɨ́ ebúʼla ó, odwe, bé ópah. Sá tɨ̂ʼ ó mé mû lɨ́ esâ nkâr yɨ́.»

1 Pyɛr 3:15

Díʼéé gá e tiŋé ɨ́ miléme ó, bɨ̌n bé ódwě Krîst kûm, ebe nyé dí Tî wɨ́n yɨ́. Diʼee gá ntémé ɨ́ cǎr ó, bɨ̌n gwâ yala mʉ̂r nyɨnyɛ̂h ngá dî bɨ́n tíá, dumo e sá dí egbâ bɨ́n mpûʼla ɨ́ léme yɨ́.

1 Korɛnt 13:13

Nó ó, ɨ́ báánâ, búʼó, mpûʼla ti e kpɛ̌l, byé ó tɨ̂: bisá bílɛ̂l. Ɨ́ bisá bílɛ̂l byaá, yaá dí elaa byaá byúú yɨ́, yé ó kpɛ̌l.

Mɨlʉmlʉ 24:15

Lémé wâm, wɨ́ lóno ɨ́ mpûʼla mpwár bé bʉr o tɨ̂ʼ dí e nye nyɨ́. Bɨ̌h bé e mpûʼla ɨ́ miléme ó, bʉr, bé ópah: otîtyěl o bʉ̂r, le onzyɛ́h ó bʉ̂r.

1 Timotɛ 1:15

Lɔ́ɔ́ ébûʼlɔɔ, waá bʉ̂r bɨ́bɛ̂h jálá le ekam wɨ́, wé ó wɨ̂: Yésʉs-Krîst á nze ɨ́ sí yɨ̂ʼ ó, nye ntáa nzě tíʼ ósyɛ̂l o mísyóm. Nó ó, ɨ́ sɔ́má bʉ̂r o b'á sâ misyóm bá, mɛm ó b'á sahle.

2 Tesalonika 2:16

Nó ó, Tî gá wɨ́ná Yésʉs-Krîst mʉr tɨ̂, ti e Nzyɛ̌m Sɔ́ŋ gá wɨ́ná, waá á lɛ̂ʼle mɨ́ná gá kpɛ̌l nyá, waá dí egbâ mɨ́ná gá nkul ɨ́ miléme, nyaá dí asíesie nyɨ́, waá dí elɛ̂ʼle mɨ́ná gá mpam, le egbâ mɨ́ná gá mpûʼla ɨ́ miléme nyá, nye gbâʼ bɨ̌n nkul ɨ́ miléme. Nye gbâʼ bɨ̌n pîm ɨ́ búʼó. Nye tyɛ́bɨɨ bɨ̌n ɨ́ miléme, ó bɨ̌n sâʼ bisyɛ́ɛla bimpâ, le elɛ́ɛ mílɔ́ɔ́ mímpâ, mimbi mímyɛ̂h.

Kolosi 3:16

Kamaa gá ó, lwǐb mé Krîst, yé lóŋlaa milémé mín. Milémé mín, myé díʼee ekʉ̌m lɨ́ esú é lwǐb yé yaá. Jwidweelaa gá páʼ nyɨ́n milɛ́ʼlá mi dí le ocwóó mí. Jwidweelaa gá metwɨ́ɨ́ páʼ nyɨ́n. Jyɛyɨɨ gá meswɨ̂ʼlɨ lɨ́ esú é Nzyɛ̌m, mejéme, ti e bidyɛɛ́ biswîh Sísǐm ngá lɛ̂ʼle bɨ́n bí. Mejéme maá, mé óduho ó, bɨ̌n ɨ́ miléme mi dí edwě Nzyɛ̌m nzyǒo mí.

Rôm 10:8

Mekaná mé Nzyɛ̌m mɨ́ɛ lɛ́ɛ́ ó: Lɔ́ɔ́ mé Nzyɛ̌m, wé ó bǎʼ e go. Wé ó, ɨ́ num gô tʉ́ŋlʉ̌. Wé ó dí ɨ́ lémé gô tʉ́ŋlʉ̌ wɨ́. Lɔ́ɔ́ ngwár e ngwár waá, wé ó waá bɨ́h dí etúno ó, bʉr bûʼlaa wé wɨ̂.

Mɨlʉmlʉ 10:36

Bɨ̌n bé lɨ́ egʉ́ǎ lɔ́ɔ́ Nzyɛ̌m á lɛ́ɛ bʉr o b'Ɨ́zraɛ̂l wɨ́. Mbɨambɨa Lɔ́ɔ waá, wé ó waá mépyɛbla bʉ̂r dí ebi ɨ́ nzɨ̌ mé Yésʉs-Krîst, dí Njwɨ́ɨbʉr bɨ́bɛ̂h nyá wɨ́.

Lʉkas 12:33

Bɛ́máá gá mebi mɨ́n. Súʼáá gá baántéʼenteʼe o bʉ̂r. Laraa gá mimpɨ́ʼ bímɔnɨ́ mi dí aswɨ́ɨ mí. Máʼáá gá okúm le ogbaa wɨ́n ɨ́ jʉ́o kʉ́, gúmó byé ngá be, adîm yɨ́, ebě, mindíblʉ̌, myé abe e nkul ekúnwo e tɨ̂. Oswôʼ ntémé, ajʉ́a byê.

Mɨlʉmlʉ 13:26

«Bɨ́ɔɔ́ bâm! Okɛ́l bâm! Bɨ̌n bwá bé ónta mé Abraham, le baá o dí edwáawǒ Nzyɛ̌m bá! Lɔ́ɔ́ wɨ̂, wé á túnɔɔ ó, lɨ́ esú gá lɨ́ná, dumo e tiʼá Nzyɛ̌m mû sí tiʼ bʉ̂r wɨ́.

2 Korɛnt 6:7

túnó bɨ́h dí etúno ótyeetye wɨ́, nkǔl nɨ́nɨ́ɨ́ mé Nzyɛ̌m, bisá bí mɔ̂m bɨ́h dí elwímla dɔ̂m lɨ́ esú lé ótîtyěl mé Nzyɛ̌m e tɨ̂ʼ bí, bîʼ le ejʉ̂m, byúú le emyɛ̌l,

Galásia 2:5

Sâ gwár, bɨ̌h bé á bé asâ bé mejóʼo, damá jóʼo ó, mâ jɔʼ tîtííǎ. Bɨ̌h bé á bé abîr ó, bé ndámaa Mbɨambɨa Lɔ́ɔ, pɛʼ ótyeetye wé. Bɨ̌h bé á kpɨkpɛl ó, bɨ̌n jóʼaa wé mpʉ wé á boo be yɨ́.

Galásia 2:14

Mpʉ mé á bee ó, bé á bé akǎ be lɨ́ etye lɨ́ otyeetye mpʉ̌ Mbɨambɨa Lɔ́ɔ dí etɨ́e mɨ́ná gá yɨ́, me nzě lwib e Kefâs, bɨ́bɛ̂h ɨ́ mediá. Me á lɛ́ɛ e né ó: «Gua mʉr dí Yúden nyá, gǒ tiʼé wâʼ ó mpʉ bʉ̂r o bíkúl bíswîh. Mpʉ yé dí nó yɨ́, gǒ kpɛ̌l étíne bʉ̂r bâʼ ó, bɨ́ɛ tíʼaa mpʉ óYúden ɨ́ yé ɛ́?

Éfɛsɔs 4:21

Bɨ̌n bé á si gwa kʉ jóʼo sá yɨ́yɛ̂h dí edumo e né yɨ́. Bɨ̌n bé á si lɛ̂ʼlɔɔ ɨ́ díé lé tʉ́ŋlʉ̌. Bé á lɛ̂ʼle bɨ̌n ó, bɨ̌n dúʼoo otyeetye dí ɨ́ milɔ̌b mé Yésʉs wɨ́.

2 Pyɛr 1:12

Bɨ̌n bé lɨ́ eboó gʉ́a ótyeetye dí egʉ́ŋɔɔ ɨ́ jɔʼ yɨ̂ʼ wɨ́. Milɔ̌b mi tɨ̂ʼ ó dí esâ ó, bɨ̌n tyɛ́bɨɨ mekʉ̌ sí ɨ́ sɨ́ŋ, apɨ́ŋla yɨ́. Bɨ̌n damá gʉ́a nó, me ósímsa bɨ́n otyeetye waá ɨ́ jɔʼ yɨ́yɛ̂h.