Jacques 5:9 - Kálar Nzyɛ̌m : Ejwán é Sáá

⁹ Bɨ́ɔɔ́ bâm! Okɛ́l bâm! Ayɨ́ sɛ́ɛla gá bipurá páʼ nyɨ́n, ebě, Nzyɛ̌m nkʉ̂ be, atíʼe bɨ́n lɔ̌b tɨ̂. Tîʼ milɔ̌b mû ó kúno enze.

Kálara Zyɛ̌m Edwán é mpʉ̌n

⁹ Obɨɔ ga bam aa! Asa ga bɨpura paʼra win, ebe, Zyɛm nkʉʼ be, atiʼe bɨn lɔb tɨ. Tiʼà mɨlɔb ga wina mu ó kunokuno le epyal!

Jacques 5:9 ပူးပေါင်းရင်းမြစ်များ

1 Korɛnt 4:5

Ɨ́ tɨ̂ʼ ɨ́, alɨ̌ tíʼe gá lɔ̌b mé nyʉ́ʉ́ mʉ̂r ɨ́ jɔʼ yé dí apǎ pyâl jɔʼ élab yɨ́. Bónáá gá ó, Tî Yésʉs, nye ntâʼ. Nyé opyêl sá dí lɨ́ edúrʉ́ʉ́ yɨ́, tyen yé ɨ́ myɛ́n. Nyé ogwîh mípahlá mi dí misolá ɨ́ milémé mí bʉ̂r mí. Jɔʼ yaá ó Nzyɛ̌m ódwe mʉ̂r nyɨnyɛ̂h kûm jálá e né nyɨ́ yɨ́.

Jacques 4:11

Bɨ́ɔɔ́ bâm! Okɛ́l bâm! Asâ gá mesyɛ́ɛla páʼ nyɨ́n. Waá nyɨnyɛ̂h dí esâ mɨ́ɔɔ́ mesyɛ́ɛla, dwe nyé mebě nyá, nye mû ó mpʉ̌ sá lɛ́ɛ́, nyɨ́ bee étié mé Nzyɛ̌m e bigwǐh. Yé ntémé, yé ó mpʉ̌ sá lɛ́ɛ́, nyě dwé ó etié laá mebě. Nyé akǎ be mʉ̂r dí ebaʼle étié laá nyá. Nye mû ó lɨ́ edwe lé mebě.

Mataos 24:33

Mpʉ yaá ntémé ó, jɔʼ bɨ́n óbee bísâ byaá mû lɨ́ epyâl yɨ́, gʉ́ŋáá gá ó, Mwân mé Mʉr mû ó kúno epyâl, kwahaá lɨ́ ebê.

1 Pyɛr 4:9

Atárwa gá lɨ́ ebaʼla páʼ nyɨ́n ɨ́ mimbɛ̌r mín.

Galásia 5:26

Mɨná bé ayɨ́ nkɛ́ɛ gá menyʉ̂l gá mɨ́ná. Mɨná bé ajala le egbâ gá bʉ́ʉ́ bʉ̂r ebúʼ ɨ́ miléme. Mɨná bé ajala le egwɨ̂m gá bisá byé onkán.

1 Pyɛr 4:5

Bé ókar mílɔ̌b myɔ́ɔ́ ɨ́ mpǒm mé Nzyɛ̌m. Nye mû ó ɨ́ cǎr ó, nye tíʼaa mikublakúbla le odwe milɔ̌b.

Galásia 5:14

Metié mɨ́mɛ̂h, mé lɨ́ ebɔma le etié egwár ó: Kpɛlɨɨ mɨ́ɔɔ́ gǒ mʉr mpʉ gó dí ekpɛl gó mʉr tɨ̂ʼ yɨ́!

1 Korɛnt 10:11

Bé á bɔma e bisyɛ́ɛla byaá ó, lɨ́ ecɨ̂l bʉ̂r. Bʉ́ʉ́ bʉ̂r nzě cɛma byé ɨ́ Mekaná mé Nzyɛ̌m ó, mɨná líʼɨɨ gá le epahle byê. Yé ó lɨ́ esú ó, mɨná gʉ́ŋaa gá sá mɨ́ná jálá le esyɛ̂hle gá yɨ́, mɨná gá bɨɛ, bʉr o dí ebeě mpʉ sí yɨ̂ʼ mû lɨ́ ekumo lɨ́ eswéhlɨ́ yɨ́ bá.

Markus 13:29

Mpʉ yaá ntémé ó, jɔʼ bɨ́n óbee bísyɛ́ɛla byaá lɨ́ esyɛ́ɛ yɨ́, gʉ́ŋáá gá ó, Mwân mé Mʉr mû ó kúno epyâl, kwahaá lɨ́ ebê.

2 Korɛnt 9:7

Yé jala ó, mʉr nyɨnyɛ̂h dwêʼ Nzyɛ̌m mindwéá, dû mpʉ nyé á pa tíʼe ɨ́ lémé wé yɨ́. Ayɨ́ dwe gá nye myǎ e miléme mi dí ejʉba mí, nkʉ̂ ɨ́ lɔ̌b tíná. Dwéʼ gá ɨ́ mpyaʼá, ebě, Nzyɛ̌m bee mbɨ̂mbɨá ó, mʉr dí edwe ɨ́ mpyaʼá nyá.

Markus 6:19

Erodiâd nzě sâ nyé otié. Nye nzě sáa ménzɨ̌ mé éjʉ̂ nyê. Sâ gwár, yé á bé abána.

Mɨngwiha 3:20

Paá bee gâ: me ó wâʼ lɨ́ ekwâʼle ébé lô ó, me níʼee. Mʉr ngá jóʼǒ lwǐb yâm, dib mé lǎ nyá, me ónî kwá nyé. Bɨ̌h e nɔ́ɔ́, bé opûhla mébô lɨ́ ede.

Jacques 4:12

Nó ó, Nzyɛ̌m, nye omér ó dí etyêl métié. Nye ntémé ó dí etíʼe mílɔ̌b. Nye óbɛ̌m tíʼ mʉ̂r, nkʉ̂ jʉ̂ nyê. Gua, go nzé, gó dí edwe mɨ́ɔɔ́ gǒ mʉr mebě nɨ̌?

Jacques 5:7

Bɨ́ɔɔ́ bâm! Okɛ́l bâm! Diʼee gá e bíhwó, tó pyâl ɨ́ jɔʼ Tî gá wɨ́ná óbáʼǎ nze yɨ́. Diʼee gá e bíhwó mpʉ óbel o mémpeʼ dí e nye yɨ́. Ebě, bé lɨ́ edûhwo, ó bipemé bé á be bí, byé gúmaa mpumó mpâ. Bé dúhwó ó, ebóno ómpíé bé ésôʼ le baá bé épíhe.

Jacques 5:10

Bɨ́ɔɔ́ bâm! Okɛ́l bâm! Ogwíha o mílɔ̌b bé á dûhwo mitúú e bíhwó bá, bé ó bɨ́n jálá le edû bá. Bé ó b'á kala mɨná gá lwǐb mé Dâ.