Jacques 5:7 - Kálar Nzyɛ̌m : Ejwán é Sáá

⁷ Bɨ́ɔɔ́ bâm! Okɛ́l bâm! Diʼee gá e bíhwó, tó pyâl ɨ́ jɔʼ Tî gá wɨ́ná óbáʼǎ nze yɨ́. Diʼee gá e bíhwó mpʉ óbel o mémpeʼ dí e nye yɨ́. Ebě, bé lɨ́ edûhwo, ó bipemé bé á be bí, byé gúmaa mpumó mpâ. Bé dúhwó ó, ebóno ómpíé bé ésôʼ le baá bé épíhe.

Kálara Zyɛ̌m Edwán é mpʉ̌n

⁷ Ebe no, obɨɔ ga bam aa! Diʼe ga e bihbe, to pyal é dobo Da Yesʉs óbula ze e. Diʼe ga e bihbe mpʉ obèl o mompœʼ, ebe, bé edihbe-dihbe, ó peme bé a li le ebè e, yé guma mɨmpaŋ mɨ mpumo. Bé edihbe lé ebono ompie be efoʼ e baa be epihe.

Jacques 5:7 ပူးပေါင်းရင်းမြစ်များ

Galásia 6:9

Mɨná tôʼ dóló le esɨsâ gá bisyɛ́ɛla bimpâ, akâr. Mɨ́ná bé abîr gá bisyɛ́ɛla byaá nó, mɨná bé ódira gá nyɔm tɨ̂, píe mâ jɔʼ.

Kolosi 1:11

Bɨ̌h jɨjɨʼlá e né ntémé ó, nye tyɛ́bɨɨ bɨ̌n ɨ́ miléme, ó bɨ̌n séaa bisyɛ́ɛ́ bí nkûl mimbi mímyɛ̂h e nkul ɨ́ buo buo nyé dí e né nyɨ́. Bɨ̌n sɨ̂sea nó ó e bíhwó, le esia e mitúú, ti e bisʉhʉʉ.

Ebrœ̂ 6:15

Abraham á si dûhwo mpʉ̂n. Sá tɨ̂ʼ ó nyé á bi sâ Nzyɛ̌m á kɛʼ nye yɨ́.

Rôm 2:7

Bâʼ bʉ̂r, bé sáá ó kûm, le dúu le twiʼ dí asíesie yɨ́. Bé lɨ́ edûhwǒ sɔ́ɔlʉ waá e bíhwó, lɨ́ esâ mímpaŋ bísyɛ́ɛla. Bé ó baá Nzyɛ̌m ngá dwě twǐʼ njʉ̌m dǐ bá.

Galásia 5:5

Bɨ̌h bɨɛ, bé á si dyɛ̂ʼwo e Nzyɛ̌m. Nyɨ́ gbâ bɨ́h mpûʼla ɨ́ miléme ó, nye ódwe bɨ́h nkam. Bɨ̌h bé e mpûʼla nyaá ó e nzɨ̌ Sísǐm mé Nzyɛ̌m.

1 Tesalonika 2:19

Onzé dí egbâ bɨ́h mpûʼla ɨ́ miléme? Bisʉhʉʉ bɨ́h dí esoho bî, byé duhó le onzé? Ɨ́ jɔʼ Tî gá wɨ́ná Yésʉs ónze yɨ́, yáǎ syɛ́ɛ́ bɨ́h ngá lɛ̂ʼle nyé, lɨ́ esú ó, nye bórɨɨ bɨ̌h káráá dúu ɛ̌? Bɨ̌n ó ngá sâ ó, bɨ̌h nʉ́aa kûm ɨ́ jɔʼ yaá.

Mataos 24:44

Sɨ́ǎ yaá ó bɨ́n jálá le edi ɨ́ cǎr yɨ́. Mwân mé Mʉr ámû jaá pyâl bɨ́n metwɨrâ lɨ́ ewala bɨ́n dí abóno nyé lɨ́.»

1 Tesalonika 3:13

Nye gbâʼ bɨ̌n nkul ɨ́ miléme ó, myé díʼee bɨ̌n ɨ́ sɔ́ɔ́ɔ́, abe e mebě ɨ́ mpǒm mé mʉr dí Nzyɛ̌m gá wɨ́ná, waá dí ntémé Sɔ́ŋ gá wɨ́ná nyá. Diʼee gá nó, tó kumo ɨ́ jɔʼ Tî gá wɨ́ná Yésʉs óbáʼǎ nze yɨ́. Nye ónze ó, bé e bʉr bɨ́bɛ̂h dí egúmo e né bá.

Mataos 24:27

Ebě, mpʉ̌ ndweh dí edweh, táarě nko dʉ́o dí ejɨma, tó kumǒ nko lé dí edíme yɨ́ ó Mwân mé Mʉr ngá báʼǎ nze yɨ́.

Rôm 15:4

Yé á cɛmɔɔ nó ó, lɨ́ esú lé écɨ̂l mɨ́ná gâ, jwɨʼ gwár e gwár e mpʉ̌ sá yɨ́yɛ̂h, yé á cɛmɔɔ ɨ́ Mekaná mé Nzyɛ̌m yɨ́. Mekaná mé, mé lɨ́ ecɨ̂l mɨ́ná gâ, ó milémé gá míná nkʉ̂ lóno ɨ́ mpûʼla. Myé lʉ́lónó ɨ́ mpûʼla ó, ɨ́ lɔ̌b nkûl mékaná mé dí egbâ mɨ́ná gá ɨ́ miléme nyɨ́, le bíhwó mɨ́ná dí esâ gá nyɨ́.

2 Pyɛr 3:4

ebě, bʉr baá bé ólɨlɛ́ɛ ó: «Lɔ́ɔ́ nyé á lɨlɛ́ɛ ó, nye ónze wɨ́, wé ó kwahaá dwêh. Odâ, bɨ́ boó dwe, nye l'apyâlpyal. Sá yɨ́yɛ̂h, yé ó jwɨʼ gwár e gwár e mpʉ yé á boo be, duho ɨ́ metááré mé kʉ́ e sí yɨ́.»

1 Tesalonika 1:3

Ɨ́ minjɨʼla bɨ́h dí ejɨʼla e waá dí Nzyɛ̌m gá wɨ́ná, waá dí ntémé Sɔ́ŋ gá wɨ́ná nyá mí, bɨ̌h bé lɨ́ esímsǎ syɛ́ɛ́ bɨ́n á séa ɨ́ lɔ̌b búʼó yɨ́n yɨ́. Yé á be ó, ɨ́ kpɛ̌l bɨ́n dí ekpɛ̌l Nzyɛ̌m yɨ́. Bɨ̌h símsá ntémé ó, mitúú bɨ́n á sia e myé ɨ́ nzɨ̌ mpûʼla Tî Yésʉs-Krîst á gbâ bɨ̌n ɨ́ miléme nyɨ́ mí. Bɨ̌h sá nó ó, ɨ́ mpǒm mé Nzyɛ̌m gá wɨ́ná, dí Sɔ́ŋ gá wɨ́ná nyá.

1 Korɛnt 1:7

Tó pyâl ó, sá yɨ́yɛ̂h Nzyɛ̌m dí edwe bʉ̂r bé yɨ́, nyɨ́ dwe bɨ́n ntémé yǎ. Jɔʼ yɨ́yɛ̂h bɨ́n dína lɨ́ ebónǒ nzéá Tî gá wɨ́ná, Yésʉs-Krîst ngá nze wɨ́ yɨ́, bɨ̌n mû ó le mindwéá mé Nzyɛ̌m myaá.

Lʉkas 21:27

Jɔʼ yaá ó bé ngá bee Mwân mé Mʉr lɨ́ enze ɨ́ dwiné tʉ́ŋlʉ̌, lwɨ́ŋlá e nkul ɨ́ buo buo ti e mentyɛnwa yɨ́.

Lʉkas 18:8

Mě lɛ́ɛ́ bɨ́n ó: nye ókpâhwǎ dwe bé nkam ɨ́ milɔ̌b myɔ́ɔ́. Sâ gwár, ɨ́ jɔʼ Mwân mé Mʉr ónze yɨ́, nzê nye ókǎ kœb ó, bʉr ó sí yɨ̂, bé dína lɨ́ edyêʼ koo e né ɛ́?»

Lʉkas 8:15

Nó bʉ́ʉ́ bʉ̂r, bé ó mpʉ̌ mpeʼ, yé á kur ɨ́ bwǎh métyɛʼ yɨ́. Bé lɨ́ ejóʼǒ lɔ́ɔ́ mé Nzyɛ̌m e mimbɨambɨa míléme. Bé lɨ́ emɛ̂r lɔ́ɔ waá ɨ́ kpɨ́ɨ́ɨ́, le esâ bíhwó, gúmo ntémé mpumó ɨ́ buo buo.»

Mataos 16:27

Ebě, Mwân mé Mʉr múo nzě pyâl ɨ́ mentyɛnwa me Sɔ́ŋ wé, bé e bééngeles bé. Jɔʼ yaá ó nyé ngá tíʼe bʉ̂r milɔ̌b, dû mpʉ bísyɛ́ɛla byɔ́ɔ́, byé á be yɨ́.

Mataos 16:28

Mě lɛ́ɛ́ bɨ́n lɨ́ otyeetye ó, ɨ́ sɔ́má bʉ̂r o dí wâʼ báánâʼ bá, bʉ́ʉ́, bé ádwe, apǎ bee Mwân mé Mʉr lɨ́ enzě tyêl Mpóʼo nyé.»

Yʉanes 21:22

Yésʉs, nye e né ó: «Mé sí kpɛl ó, nye díʼee, tó pyâl ɨ́ jɔʼ mé óbáʼǎ nze yɨ́ nɛ́ɛ: gó e wáǎ lɔ̌b tɨ̂? Gua, dúʼóó mê.»

Yʉanes 21:23

Táare ɨ́ jɔʼ yaá, lɔ́ɔ nzě myaŋla ɨ́ sɔ́má óbûʼla ó, mpʉ́n waá, nye ákǎ dwe. Tó kœb ó, Yésʉs á bé alɛ́ɛ̌ Pétrus ó: “Nye ákóʼó dwe.” Nye á lɛ́ɛ ó: “Mé sí kpɛl ó, nye díʼee, tó pyâl ɨ́ jɔʼ mé óbáʼǎ nze yɨ́ nɛ́ɛ: gó e wáǎ lɔ̌b tɨ̂?”

Jacques 4:11

Bɨ́ɔɔ́ bâm! Okɛ́l bâm! Asâ gá mesyɛ́ɛla páʼ nyɨ́n. Waá nyɨnyɛ̂h dí esâ mɨ́ɔɔ́ mesyɛ́ɛla, dwe nyé mebě nyá, nye mû ó mpʉ̌ sá lɛ́ɛ́, nyɨ́ bee étié mé Nzyɛ̌m e bigwǐh. Yé ntémé, yé ó mpʉ̌ sá lɛ́ɛ́, nyě dwé ó etié laá mebě. Nyé akǎ be mʉ̂r dí ebaʼle étié laá nyá. Nye mû ó lɨ́ edwe lé mebě.

Jacques 5:3

Gʉ̂l ndu e mɔnɨ́ yɨ́n, yɨ́ bǐl myámnkɛ̂l. Myámnkɛ̂l waá, wé óboʼlo mébébe mɨ́n. Wé ntémé, wé ódîʼ bɨ́n mpʉ̌ siʼe, ebě, bɨ̌n bé á si komo okúm ɨ́ melú mé épíhé mâ.

Jacques 5:10

Bɨ́ɔɔ́ bâm! Okɛ́l bâm! Ogwíha o mílɔ̌b bé á dûhwo mitúú e bíhwó bá, bé ó bɨ́n jálá le edû bá. Bé ó b'á kala mɨná gá lwǐb mé Dâ.