Jacques 5:6 - Kálar Nzyɛ̌m : Ejwán é Sáá

⁶ Bɨ̌n bé á si dwe bʉr o b'á be akúnwo e mpɨŋ bá mebě, le ejʉ̂ bê. Bé á bé akamle e menyʉ́l mɔ́ɔ́.

Kálara Zyɛ̌m Edwán é mpʉ̌n

⁶ Bɨn bé a si dwe ocɨcyel o bʉr mobe mo twii ceme, le ejʉ be. Bɛɛ nteme, bé a be ó, abe e nkul esa bɨn mongan.

Jacques 5:6 ပူးပေါင်းရင်းမြစ်များ

Jacques 4:2

Bɨ̌n bé lɨ́ egwɨ̂m bísɔ̂ʼ. Bɨ̌n bɨɛ abe e byê. Ɨ́ tɨ̂, bɨ̌n bé ɨ́ cǎr ó, bɨ̌n jʉ́ʼoo bʉr, le esíe bê. Sâ gwár, bɨ̌n bé abe e nkul ebi byê, ebě, bɨ̌n bé abe lɨ́ ejǎʼ Nzyɛ̌m.

Mɨlʉmlʉ 8:32

Náǎ yé ó, pêh Mékaná mé Nzyɛ̌m nyé á lɨláa yɨ́, yé á lɛ́ɛ ó: “Nye á di ó mpʉ̌ nteme mû lɨ́ etó tíʼɔɔ twíí yɨ́. Nye á be ó mpʉ mâ nteme dídí ɨ́ puuu ɨ́ jɔʼ bé dí ecɨa nyé myě yɨ́ nyá. Nye á bé abɛ́ɛ̌ num.

Mataos 5:39

Nó mɛ̌m lɛ́ɛ́ bɨ́n ó: alwímla gá e mʉr dí esâ bɨ́n ebébe nyá. Mʉ̂r ŋmɛ́h gó bɛ̂h lɨ́ emúʼ lé éjʉ̂m nó, bírɨ́ɨ́ ntémé ó, nye ŋmɛ́hɛɛ ɨ́ laá lé émyɛ̌l.

Ebrœ̂ 10:38

Mʉr wǎm ngá bi nkâm ɨ́ lɔ̌b búʼó yé nyá, óbǐ twǐʼ njʉ̌m dǐ, duho tɨ̂. Yé sí kǎ pyâl ó, nyɨ́ bwóolo ntúʼó nó, lémé wâm, wé l'akǎ bee nyé mbɨ̂mbɨá.»

Mɨlʉmlʉ 22:14

Nó nyé á lɛ́ɛ e me ó: “Nzyɛ̌m bimpám bíná á boo twâr go ó, go gʉ́ŋaa gwɨ́má yé, ó go béyɨɨ waá dí Tîtyěl Mʉr nyá, ó go jóʼaa nye lɨ́ elwib e num wé nye mʉr tɨ̂.

Jacques 2:6

Tó kœb ó, bɨ̌n bé á si sâ baántéʼenteʼe o bʉ̂r baá bisá bí ésɔ́m! Ntʉ ókúm ó bʉ̂r ónɨ̌ ó dí esâ bɨ́n mpêl ɛ̌? Ntʉ bé dí etó pur bɨ́n ɨ́ mempáh mílɔ̌b ɛ́?

Mɨlʉmlʉ 7:52

Lɛ́yɨ́ɨ́ gá me: wáa ngwíha milɔ̌b bímpám gá bíná, byé á be atíble nyá? Byé á si jʉ̂ bʉr o b'á túno nzéá mé Tîtyěl Mʉ̂r bá. Nó ó, ɨ́ báánâ, bɨ̌n bɨɛ mû ó sí bɛ́ma mʉ̂r waá, jʉ́ŋɔɔ nyê.

Mataos 27:20

Nó ó ójwɨ́ɨ o mpáh Nzyɛ̌m, bé e l'otɔ́má bʉ̂r, bé á bɨbêhle entumo e bʉ̂r ó, nye bírɨɨ bé Barábas, bé jʉ́ʼoo Yésʉs.

Mataos 21:38

Tó kœb ó, bilóbila byaá, mbeá byé á bee mwân wé waá lɨ́ enze yɨ́, byé ntɔ̂ʼ lɛ́ɛla páʼ nyɔ́ɔ́ ó: “Beyɨɨ gá, medilá me kúm pemé ó mâ! Ntáʼ gâ, mɨná jʉ́ʼoo gá nye. Bilíʼé byé bíbyɛ̂h, byé nkʉ̂ sûʼla byaá gá bíná.”

1 Pyɛr 4:18

Ebě, yê cɛmá ó: «Otîtyěl o bʉ̂r pǎ nyɛɛ́ bǐ twiʼ ti e mekɔbla, á dwɛʼra e bʉr o dí adwáawǒ Nzyɛ̌m bá, le osyɛ̂l o mísyóm! Bɨ́ɛ, bé ókǎ tó nyɨ̂n ɨ́ yáǎ sûm?»