Jacques 5:5 - Kálar Nzyɛ̌m : Ejwán é Sáá

⁵ Bɨ̌n bé á tíʼe ɨ́ sí yɨ̂ʼ ó, ɨ́ mepwaʼ, lɨ́ ejaá sáǎ njɨ elóŋlǒ gwɨ́má bísâ. Bɨ̌n ntémé bé á be ó sí buú de ɨ́ de de de, bwǎʼ mpʉ mímyáʼ ɨ́ tu, bɨ̌n bɨɛ lɨ́ ekʉ́ gwá gʉ́a ó, yé e dʉ́ó mímyáʼ ngá tíʼɔɔ lɨ́.

Kálara Zyɛ̌m Edwán é mpʉ̌n

⁵ Bɨn bé a kpɛl é si nwaʼ ó, tiʼ entwɨʼ e nkul bɨtiʼ mɨmbi mimyɛh. To kœb ó, dobo bɨn lé esaa ó, bɨn bul díle e, yé ó dobo mɨmyaʼ lé etiʼɔ ɛ!

Jacques 5:5 ပူးပေါင်းရင်းမြစ်များ

1 Timotɛ 5:6

Kúho dí etíʼe ɨ́ gwɨ́má bísâ wɨ́, wɨ́haá, wɨ́ boó dwe yé kɔ́m, damá be ó, wé dína ó lɨ́ ekubla.

Lʉkas 16:25

Nó ó Abraham á lɛ́ɛ e né ó: “Mwân wǎm ɔ́, símsáá ó, go á di ó ɨ́ diá mépwaʼ ɨ́ jɔʼ gó á be ɨ́ twiʼ yɨ́ ɔ̌! Lazare nyɨɛ á jaa didi ó, njɨ ɨ́ diá éntéʼe. Ɨ́ báánâ, nye mû ó sí póblɔɔ kâ; gua, go lɨ́ ejóʼo mégunwa.

Lʉkas 16:19

«Yé á be ó e nyʉ́ʉ́ mʉ̂r á be e bisâ ɨ́ buo buo nyá. Melú mɨ́mɛ̂h, nye á bwâr ó, mikán myé á be ɨ́ lele tâŋ mí. Nye á titiʼe dʉ́ó lɨ́lɛ̂h ó ɨ́ mepwaʼ.

Mɨngwiha 18:7

Ɨ́ mpʉ nyé á lɨlɛ́ɛ njɨ ó, nyě e kûm, ó nyě tíʼé ó, ɨ́ mepwaʼ yɨ́, bé dwêʼ nye bintɨ́ʼá, dû bím yaá, ebě, nye á lɨlɛ́ɛ ɨ́ lémé wé tʉ́ŋlʉ̌ ó: «Me ó wâʼ sí ndîndǐl ɨ́ ntuuu mpʉ njwɨ́ɨ. Mé abě kúhó mʉ́má. Me ákǎ jɨ éswie e nyʉ́ʉ́ mʉ̂r.»

Yʉ̂d 1:12

Jwɨʼ yɔ́ɔ́, yé lɨ́ entɨ̂ʼ ɨ́ páʼ wɨ́n. Bé buú ntɨ̂ʼ ó, ɨ́ jɔʼ bɨ́n le onɔ́ɔ́ dé méde ɨ́ Mbɛ̌r-Nzyɛ̌m yɨ́. Bé dɨ́dé ó, lɔ̂ʼwǎ lɔ́ʼwáa, ajóʼo bá sôn. Bé jaá gbɨgbâ méde ó, njɨ ɨ́ myɔ́ɔ́ mínum. Bé ó mpʉ médwíne me mpíé, pubó dí etíne, mpíé nyɨɛ akǎ nwɨ́ɨ má. Bé ntémé, bé ó mpʉ bílɨ́ bi dí abe lɨ́ egúmo mpúmó ɨ́ jɔ̌ʼ nkóno bí. Byé lɨ́ edwe nzɔ̂ʼ bá, ebě, byé lɨ́ emuna sí.

2 Pyɛr 2:13

Bé óbi myɛ́na mé ébébe bé á pa sâ bʉr lɨ́. Bé mɨmɛɛla ó, lɨ́ edi ɨ́ twiʼ mépwaʼ témé móhó. Jɔʼ bé dí esyɛŋa e bɨ̌n lɨ́ ede yɨ́, nkʉ̂ bɨ̌n nwɨɨla ó e nyʉ̂l, bé ó dí mebar me nyʉ̂l nyaá. Bé lɨ́ esahle lɨ́ ede, lɨ́ edû bígwɨ́má byɔ́ɔ́. Byé lɨ́ edímle bé ɨ́ nzɨ̌ mikóo myɔ́ɔ́.

2 Timotɛ 3:4

Bé óbɛ́ma bʉ̂r ó njoo yɔ́ɔ́. Bé ósâ bísyɛ́ɛla bíbyɛ̂h ó, apǎ nyɛɛ́ pahle. Bé óbuú nkɛ́ɛ ményʉ́l mɔ́ɔ́. Bé ójaá kpɛl ó, njɨ bisyɛ́ɛla ményʉ́l mɔ́ɔ́ dí ebuú gwɨ̂m bí, akpɛlɔɔ̌ Nzyɛ̌m.

Rôm 13:13

Mɨná, bʉr o dí etye ɨ́ móhó bá, mɨná tíʼaa gá mpʉ dí ejala yɨ́. Mɨná bé ayɨ́ lɔ̂ʼwa gá lɨ́ ede méde, nkʉ̂ puro ményoʼ, nkʉ̂ lœʼ ményʉ́l gá mɨ́ná ɨ́ nzɨ̌ bijoó, nkʉ̂ sâ bímolá nzam le ekomo. Mɨná bé ayɨ́ kǎ gœ́a páʼ gá nyɨ́ná, nkʉ̂ síila páʼ gá nyɨ́ná.