Jacques 5:19 - Kálar Nzyɛ̌m : Ejwán é Sáá

¹⁹ Bɨ́ɔɔ́ bâm! Okɛ́l bâm! Mʉ̂r ɨ́ sɔ́má yɨ́n sí dû míkóo, bɔ́ʼa le otyeetye, nyʉ́ʉ́ mʉ̂r ntɔ̂ʼ nze e né ɨ́ nzɨ̌ twiʼ nó,

Kálara Zyɛ̌m Edwán é mpʉ̌n

¹⁹ Obɨɔ ga bam aa! ǃƗ mʉr é l'esama lɨn si fuuba bɔʼa é l'ocyecye, nuu mʉr ntɔʼ liʼle nye é zi tiʼ nɛʼɛ,

Jacques 5:19 ပူးပေါင်းရင်းမြစ်များ

Galásia 6:1

Bɨ́ɔɔ́ bâm! Okɛ́l bâm! Bɨ́n óbee mʉ̂r lɨ́ esâ syóm nó, bɨ̌n bʉr o dí e Sísǐm mé Nzyɛ̌m ɨ́ miléme bá, kɛmɨɨ gá nye ó, nye pʉ́ʼaa ɨ́ nzɨ̌ nyaá. Sâ gwár, tɨ́áá gá nye e mekǎn ɨ́ tala tala. Mʉr nyɨnyɛ̂h ɨ́ sɔ́má yɨ́n, nye dwɛ́ʼɛɛ ntémé mpʉ nyé mʉr tɨ̂ʼ dí yɨ́, ebě, nye ntémé ámû duma ɨ́ mebʉ́blá.

Mataos 18:15

Yésʉs, nye e bé ó: «Mɨ́ɔɔ́ gǒ sí sâ syóm nó, tóʼ, tó sáa nyê. Go e lɛ́ʼlé nyé syóm waá, bɨ̌n e nɔ́ɔ́ obá. Nyé sí jóʼo gó nó, gʉ́ŋáá ó, gʉ́ pɛʼ mɨ́ɔɔ́ gǒ ɨ́ syóm.

Jacques 5:20

gʉ́ŋáá gá ó, mʉr waá dí epɛʼ syɛ̂l misyóm ɨ́ nzɨ̌ misyóm myé, tyêl nyé ɨ́ nzɨ̌ mpâ nyá, nyɨ́ tǐʼ sísǐm me syɛ̂l misyóm waá. Nyɨ́ sâ ó, Nzyɛ̌m pɛ́ʼɛɛ nye bibaa bí ébébe ɨ́ buo buo.

Lʉkas 22:32

Sâ gwár, me á si jɨʼla e Nzyɛ̌m lɨ́ esú lô, ó búʼó yô, yé sá akur. Jɔʼ nyé ósâ nó, go ntémé sí báʼǎ nze kwá nyǎm yɨ́, go e súʼó bɨ́ɔɔ́ bô bibúʼó byɔ́ɔ́!»

2 Pyɛr 3:17

Ɨ́ páʼ wɨ́n, bɨ̌n osó bâm ɛ̌! Bɨ̌n bé lɨ́ eboó gʉ́ǎ lɔ̌b waá. Gwá di gá le ocwóó páʼ bʉ̂r o dí agbâ mémpéné ɨ́ nkɔb bá. Bɨ̌n ámû jaá dyɛ̂l ɨ́ nzɨ̌ nyɔ́ɔ́, ntɔ̂ʼ tó dîm. Apʉʼa gá ɨ́ tyé mélele bɨ́n dí tɨ̂ʼ yɨ́.

1 Timotɛ 6:10

Ebě, enkpɔɔ é mɔnɨ́, lé ó etín é bísá bí ébébe bíbyɛ̂h. Tó kœb ó, bʉ́ʉ́ bʉ̂r ó sɔ́má gá yɨ́ná, bé á be ɨ́ nyɛɛ́ bûʼlǎ Nzyɛ̌m, bé ntɔ̂ʼ kǎ lʉ́ŋa ɨ́ bɨ́ bígwɨ́má. Bɨ́ dîm. Bé mû ó sí dyɛ̂l ɨ́ nzɨ̌ swîh. Nó ɨ́ báánâ, bɨ́haá, bé mû ó sí dulo mítúú ɨ́ buo buo ɨ́ menyʉ́l mɔ́ɔ́.

1 Timotɛ 6:21

Mbǐ ngwɨ́á waá, bʉ́ʉ́ bʉ̂r, bé á si kam wê, ntɔ̂ʼ bîr búʼó yɔ́ɔ́. Ncwɨ́ncwɨ́a mé Nzyɛ̌m díʼee e bɨ̌n óbɛ̂h.

Yʉ̂d 1:11

Nkoó, nye ó e bʉr baá! Ebě, bɨ́ dû nzɨ́ Kayɨ̂n á kar nyɨ́. Bé á si dîm, lɨ́ edû nzɨ́ mikóo mé Balâm, ebě, bé á gwɨ̂m ó myɛ́na. Bé á ka to dwe ó mpʉ bʉ̂r ó Korê bé á dwe ɨ́ jɔʼ bé á gbɔba e Moyɨ̂z yɨ́.

Jacques 3:14

Sâ gwár, yé bé bɨ̌n bé lɨ́ esâ égú le epɨra e bʉr ɨ́ milémé mín nó, ayɨ́ nkʉ́na gá dwêh. Milɔ́ɔ́ bíbɛr myaá, myé ó kwahaá tʉ̂toʼó.

2 Timotɛ 2:18

Bɨ́ sâ ébébe énɨ́nɨ́ɨ́. Bé amɛ̂r ótyeetye. Bé lɛ́ɛ́ ó, Nzyɛ̌m, nyɨ́ boó pɛh ódwe kɔ́m. Lɔ́ɔ́ wɔ́ɔ́ waá, wɨ́ dímle bʉ́ʉ́ óbûʼla búʼó yɔ́ɔ́.

Ebrœ̂ 5:2

Para nyɨnyɛ̂h, nyě e nkul ekɛm bígʉʼlʉgʉ́ le bʉr o mû sí dîm bá, ebě, ɨ́ mipáʼ mímyɛ̂h, etyɛʼ lé, lé lɨ́ enyɨ̂n ɨ́ míh mé.

Jacques 1:16

Bɨ́ɔɔ́ bâm! Okɛ́l bâm, bʉr mé dí ekpɛl bá! Mʉ̌r sá ajéʼě sɨ̂:

Jacques 1:19

Bɨ́ɔɔ́ bâm! Okɛ́l bâm, bʉr mé dí ekpɛl bá! Gʉ́ŋáá gá ó: mʉr, nye ɨ́ jala le ekpâhwǎ jóʼo, sâ gwár, akpâhwǎ lwib, akpâhwǎ kpaa ébúʼ.