Jacques 5:15 - Kálar Nzyɛ̌m : Ejwán é Sáá

¹⁵ Minjɨʼla myaá, myé sɨ́sáŋɔ́ɔ́ ó e búʼó. Nó yé ósâ ó, Nzyɛ̌m tíʼɨɨ mʉr waá yɨ́. Yé bé nye á be ó sí sâ syóm nó, Nzyɛ̌m ópɛʼ nyé baa ébébe nyé á pa niʼe ɨ́ lɔ̌b syóm waá yɨ́.

Kálara Zyɛ̌m Edwán é mpʉ̌n

¹⁵ Mɨnjwɨʼla myaa, myé esaŋɔ-saŋɔ ó, é zi buʼo. No yé esa ó, Da tiʼɨ mʉr waa, lé egbɛl nye si. Yé be ó, nye a be ó si sa syem nɛʼɛ, Da ópɛʼ nye baa nye a niʼe é lɔb syem waa ɛ.

Jacques 5:15 ပူးပေါင်းရင်းမြစ်များ

Jacques 5:13

Mʉ̂r sɔ́má yɨ́n bê sí bee ó, nye ɨ́ mitúú nó, nye jɨ̂ʼlaa e Nzyɛ̌m. Nyʉ́ʉ́ mʉ̂r bé ɨ́ bisʉhʉʉ nó, nye ɨ́ jala le edyɛɛ méjéme mé édwě Nzyɛ̌m kûm.

Jacques 5:16

Jɔʼ bɨ́n dí ebíle yɨ́, mʉr nyɨnyɛ̂h, nye ɨ́ jala le egwîh ébébe lé. Bɨ̌n bé ɨ́ jala le ejɨʼla páʼ nyɨ́n, bɨ̌n bʉr o tɨ̂, ɨ́ jɨʼla jɨʼla, tó pyâl ɨ́ jɔʼ bɨ́n ngá tíʼe yɨ́, ebě, minjɨʼla mi mʉ̂r dí tîtyěl nyá, myé e nkul.

Jacques 1:6

Sâ gwár, nye ɨ́ jala le ejɨʼla e Nzyɛ̌m ó, lɨ́ ekʉ́ dyɛ̂ʼwo e né. Nyě sá ó, alíʼa lɨ́ ejaʼ ócwóó waá, ebě, mʉr dí elíʼa lɨ́ ejaʼ míndwéá mé Nzyɛ̌m nyá, nyě nwɨɨlá ó, le obóʼó ó mâŋ pubó dí etíne, tyěn gúmó yɨ́yɛ̂h wɨ́.

Mataos 17:20

Nye nzě yala e bé ó: «Yé ó ɨ́ lɔ̌b búʼó yɨ́n dí ɨ́ twâʼwo yɨ́. Mě lɛ́ɛ́ bɨ́n lɨ́ otyeetye ó, bɨ́n óbe e mâ búʼó mpʉ díh é nyʉ́ó nó, bɨ̌n bé óbe e nkul elɛ́ɛ le ecwɨ́ʼ lɨ̂ʼ ó: “Nkɛ́yɨ́ɨ́ gó mʉr tɨ̂ʼ wâ. Tó tyɛ̂b kâ,” yé óbánǎ sâ nó. Abe e sá yé ógbâ bɨ́n mekɔbla tɨ̂.»

Yʉanes 5:14

Píe tɨ̂, Yésʉs nzě tó bɔma e mʉr waá ɨ́ mpáh Nzyɛ̌m. Nye e né ó: «Mě lɛ́ɛ́ gó, ɨ́ jɔʼ yɨ̂, go mû ó sí tiʼe. Akǎ báʼǎ sâ syóm. Sá dí ɨ́ buú bébe yɨ́, yé ámû jaá pyâl gô.»

Yʉanes 6:39

Mʉr á ntɨh me nyá, nyě gwɨ́m ó, me ayɨ́ dímle mʉ̂r ngwár ɨ́ sɔ́má bʉ̂r o nyé á dwe me bá. Nyě gwɨ́m ó, me pɛ́ʼɛɛ bé lɨ́ eswie, pɛh bé ɨ́ móhó ésúʼlá é kʉ́ e sí.

1 Korɛnt 1:21

Nzyɛ̌m á tíʼe ɨ́ páʼ wé ó, bʉr ó sí yɨ̂ʼ gʉ́ŋaa nye ɨ́ nzɨ̌ ocwóó wé nye mʉr tɨ̂. Tó kœb ó, bé á si kâr egʉ́ǎ Nzyɛ̌m e nzɨ̌ nyaá. Bé á ka sáa egʉ́a nyé ó, ɨ́ nzɨ̌ wɔ́ɔ́ ócwóó, bé bʉr o tɨ̂. Sá tɨ̂ʼ ó Nzyɛ̌m á ka bee embɨa ɨ́ páʼ wé ó, nyě tǐʼ ó baá o dí ebúʼlǎ lɔ́ɔ́ wé bá yɨ́. Lɔ́ɔ waá, wé ó sá bʉ́ʉ́ bʉ̂r dí ebeě mpʉ ógʉ̌ yɨ́.

2 Korɛnt 4:14

Ebě, bɨ̌h bé lɨ́ ekʉ́ gʉ́a ó, waá á pɛh Tî Yésʉs, dwih nyé lɨ́ odwe nyá, nye ntémé ópɛh mɨ́ná gá le onɔ́ɔ́. Nyé otyêl mɨ́ná gá ɨ́ míh mé, ɨ́ gúmó Yésʉs dí yɨ́.

Jacques 5:20

gʉ́ŋáá gá ó, mʉr waá dí epɛʼ syɛ̂l misyóm ɨ́ nzɨ̌ misyóm myé, tyêl nyé ɨ́ nzɨ̌ mpâ nyá, nyɨ́ tǐʼ sísǐm me syɛ̂l misyóm waá. Nyɨ́ sâ ó, Nzyɛ̌m pɛ́ʼɛɛ nye bibaa bí ébébe ɨ́ buo buo.