Jacques 5:14 - Kálar Nzyɛ̌m : Ejwán é Sáá

¹⁴ Waá nyɨnyɛ̂h dí ebíle ɨ́ sɔ́má yɨ́n nyá, nye jébaa otyɛ̂b bé ésôʼ ó Mbɛ̌r-Nzyɛ̌m. Bé onzě jɨʼla e Nzyɛ̌m lɨ́ esú lé, le elœm nyé múlo, le epɨr e díé mé Tî gá wɨ́ná.

Kálara Zyɛ̌m Edwán é mpʉ̌n

¹⁴ Waa nyiwɛh lé esyɛb é l'esama lɨn ɨ, nye jeba ocyɛb be efoʼ o Mbɛr-Zyɛm. Bé óze jwɨʼla e Zyɛm é l'efu le, le elœm nye mulo, pere e die mo Da Yesʉs.

Jacques 5:14 ပူးပေါင်းရင်းမြစ်များ

Markus 6:13

Nó ó bé á nze so meleme ɨ́ bʉr ɨ́ buo buo, le elœm mímbêl múlo, le etiʼ myê.

Mɨlʉmlʉ 28:8

Tó kœb ó, sɔ́ŋ mé Publɨ́ɔs á be ó njáʼ sí ɨ́ joó lɨ́ ejóʼo éjwóo, le ebíle nkúmlo metié. Pɔ̂l nzě tó dwɛ̂ʼ nyê, nzě jɨʼla e Nzyɛ̌m, ntɔ̂ʼ kɛl nyé mebô, nye ntɔ̂ʼ tiʼ nyê.

Markus 16:18

Bé ómɛ̂r ónyʉ́a e mebô. Bé ódě joʼo nó, adwe. Sɔ̂ʼ, yé ákóʼó sâ bé ebébe. Bé ókɛl mímbêl mebô, mimbêl myaá ntɔ̂ʼ tiʼe.»]

Títos 1:5

Ɨ́ mpʉ mé á líʼe go náǎ ɨ́ tíhé Krɛ̂t yɨ́, yé á be ó, go nkʉ̂ swâhlě syɛ́ɛ́ yé á buʼo gʉ̂ʼ yɨ́. Syɛ́ɛ́ yaá, yé á be ó, go pɛ́hɛɛ otyɛ̂b bé ésôʼ ó Mbɛ̌r-Nzyɛ̌m, tyêl bé bínkana e bínkana byɛ̂h, lɨ́ esâ mpʉ mé á líʼe go etié yɨ́.

Mɨlʉmlʉ 15:4

Jɔʼ bé á pyâl Yerʉ́zalɛm yɨ́, bʉr ó Mbɛ̌r-Nzyɛ̌m, bé á si nʉa bê, bé e bʉr o mílʉ́mlʉ́ mé Yésʉs, bé le otyɛ̂b bé ésôʼ ó Mbɛ̌r-Nzyɛ̌m. Bʉr o b'á duhǒ Antiôs bá bɨɛ, bê nzě lɛ́ɛ bé sá yɨ́yɛ̂h Nzyɛ̌m á sâ ɨ́ sɔ́má yɔ́ɔ́ yɨ́.

Mɨlʉmlʉ 14:23

Ɨ́ sɔ́má bʉ̂r ó Mbɛ̌r-Nzyɛ̌m yɨ́yɛ̂h, bé á be lɨ́ etyêl ótyɛ̂b bé ésôʼ. Bé á tityêl bé ó, sí pǎ ti méde, le ejɨʼla e Nzyɛ̌m. Bé á titímle bé ó, ɨ́ mebó mé Tî Yésʉs, mʉr bé á dyɛ̂ʼwo e né nyá.

Mɨlʉmlʉ 9:40

Nó Pétrus á nze pyêl bʉr bɨ́bɛ̂h kʉ̌l, nye ntɔ̂ʼ bɨʼ mébóó sí, jɨʼla e Nzyɛ̌m. Nye ntɔ̂ʼ dwirǎ nkǒ múu, wé á be yɨ́, nzě lɛ́ɛ ó: «Tabitâ, gbɔlwaa sí.» Nye ntɔ̂ʼ bɛ́ɛ mîh, beě Pétrus, ntɔ̂ʼ dǐ ndîndǐl.

Mɨlʉmlʉ 11:30

Nó ntémé ó bé á sâ yɨ́. Bê nzě nʉa míngúlá myaá, tímlɔɔ̌ Banabâs, bé e Saʉ̂l. Bɨ́ɛ ntɔ̂ʼ tóŋɔɔ e myê, tó dweŋɔɔ ótyɛ̂b bé ésôʼ ó Mbɛ̌r-Nzyɛ̌m.