Jacques 5:13 - Kálar Nzyɛ̌m : Ejwán é Sáá

¹³ Mʉ̂r sɔ́má yɨ́n bê sí bee ó, nye ɨ́ mitúú nó, nye jɨ̂ʼlaa e Nzyɛ̌m. Nyʉ́ʉ́ mʉ̂r bé ɨ́ bisʉhʉʉ nó, nye ɨ́ jala le edyɛɛ méjéme mé édwě Nzyɛ̌m kûm.

Kálara Zyɛ̌m Edwán é mpʉ̌n

¹³ ǃƗ nuu mʉr é l'esama lɨn si bee ó, nye é mɨtuu nɛʼɛ, nye jwɨʼla e Zyɛm. Yé be ó, nuu mʉr, nye ó e bɨsʉhʉ nɛʼɛ, nye ejala le ejɛɛ Zyɛm osam.

Jacques 5:13 ပူးပေါင်းရင်းမြစ်များ

Éfɛsɔs 5:19

Jyɛyɨɨ gá meswɨ̂ʼlʉ lɨ́ esú é Nzyɛ̌m, le mejéme, ndu e mejémé Sísǐm wé dí elɛ̂ʼle bɨ́n ó, bɨ̌n dyɛ́yɨɨ má. Jyɛyɨɨ gá mé lɨ́ esêʼle Tî Yésʉs, e milémé mín mímyɛ̂h.

Ebrœ̂ 5:7

Jɔ̌ʼ Krîst á títíʼe ɨ́ sí yɨ̂ʼ yɨ́, nye á bɨbe lɨ́ ejɨʼla e mʉr á be e nkul epɛʼ nyé lɨ́ eswie nyá. Nye á si bʉ̂ bitím, jɨ kʉ́kʉ́, Nzyɛ̌m ntɔ̂ʼ jóʼo nyé ntémé ɨ́ lɔ̌b méjóʼǒ Yésʉs á sâ nye má.

Mɨngwiha 14:3

Bipuŋa bi bʉ̂r byaá, byé á tityɛ̂b ó, ɨ́ mpǒm diá jwɨ́ɨ́ mé Nzyɛ̌m, le otɔ́má bʉ̂r, ndu e mikublakúbla mí ótír minâ. Bé á dyɛɛ ó, edwán é jɨ̂m. Jɨ̂m yaá, nyʉ́ʉ́ mʉ̂r swîh, nyé abe e nkul ejɨ̂ʼ yê, pɛ̌ʼ njɨ bipuŋa bi bʉ̂r byaá, bʉr otɔ́ɔ́sin nter le otɔ́ɔ́sin mekám ménâ le onâ (144.000). Nzyɛ̌m á si dwih bé ɨ́ mpila ébébe, pɛʼ bé ɨ́ sí yɨ̂.

Mataos 26:30

Bê nzě dyɛɛ méjéme méswɨ̂ʼlʉ. Bê nzě mɔǎ sûm yaá, tóŋɔɔ lɨ́ Ecwɨ́ʼ lé ólivier.

Mɨngwiha 7:10

Bé á lɨlɛ́ɛ kʉ́kʉ́ ó: «Nzyɛ̌m dí ɨ́ mecwɨ́ɨ́ mé jwɨ́ɨ nyá, bé e Mâ Nteme, twiʼ, yé duho ó e bê.»

1 Korɛnt 14:26

Bɨ́ɔɔ́ bâm! Okɛ́l bâm! Mɨná bé ókǎ lɛ́ɛ gá nyá? Jɔʼ bɨ́n dí egwɨ̂hla yɨ́, nyâʼ mʉ̂r, nye ó e jɨ́m nyé ódyɛɛ yɨ́. Nyʉ́ʉ́, e lɛ́ʼlá nyé ódwe wɨ́. Nyʉ́ʉ́, e gúú solá sɔ̂ʼ nyé ógwîh wɨ́. Nyʉ́ʉ́, nyě e lɔ́ɔ ɨ́ lwǐb ayogoyogo. Nyʉ́ʉ́, nyě e nkul epâʼlǎ sá lwǐb ayogoyogo yaá dí elɛ́ɛ yɨ́. Yé jala ó, syɛ́ɛla yaá yɨ́yɛ̂h gbâʼ Mbɛ̌r-Nzyɛ̌m pîm ɨ́ búʼó.

Lʉkas 23:42

Nó ó, nye ntɔ̂ʼ lɛ́ɛ e Yésʉs ó: «Yésʉs, mwánǎ, símsáá mé ɨ́ jɔʼ gó ngá tyêl Mpóʼo nyǒ yɨ́!»

1 Korɛnt 14:15

Nó ó, me ósâ nyá? Me ójɨjɨʼla e Nzyɛ̌m e sísǐm wâm lɨ́ elwib báayogoyogo. Me ntémé, me ójɨʼla e né ó e pɨʼ nyǎm, ɨ́ lwǐb yâm. Me ódyɛɛ méjéme e sísǐm wâm. Me ódyɛɛ ntémé ó e pɨʼ nyǎm.

Jacques 5:10

Bɨ́ɔɔ́ bâm! Okɛ́l bâm! Ogwíha o mílɔ̌b bé á dûhwo mitúú e bíhwó bá, bé ó bɨ́n jálá le edû bá. Bé ó b'á kala mɨná gá lwǐb mé Dâ.