Jacques 5:10 - Kálar Nzyɛ̌m : Ejwán é Sáá

¹⁰ Bɨ́ɔɔ́ bâm! Okɛ́l bâm! Ogwíha o mílɔ̌b bé á dûhwo mitúú e bíhwó bá, bé ó bɨ́n jálá le edû bá. Bé ó b'á kala mɨná gá lwǐb mé Dâ.

Kálara Zyɛ̌m Edwán é mpʉ̌n

¹⁰ Obɨɔ ga bam aa! Toŋla ga bʉr o b'a ze e die mo Zyɛm lé egwih bɨna ga mɨlɔb mo Zyɛm ɨ. Bé ó ndɨ elɛʼle ebò e cyen bʉr lé ejala le ekœʼ œ. Bé a si dihbe mɨtuu e mɨndɛl.

Jacques 5:10 ပူးပေါင်းရင်းမြစ်များ

Ebrœ̂ 13:7

Sísímsáá gá otyɛ̂b bé ésôʼ bɨ́n, baá bé á lɨlɛ́ɛ bɨ̌n lɔ́ɔ́ mé Nzyɛ̌m bá. Símsáá gá kʉ̌ tyen wɔ́ɔ́ le ndumló bícwiʼ byɔ́ɔ́. Dyɛ́ʼwáá gá e Nzyɛ̌m mpʉ bé á sâ yɨ́.

Mɨlʉmlʉ 7:52

Lɛ́yɨ́ɨ́ gá me: wáa ngwíha milɔ̌b bímpám gá bíná, byé á be atíble nyá? Byé á si jʉ̂ bʉr o b'á túno nzéá mé Tîtyěl Mʉ̂r bá. Nó ó, ɨ́ báánâ, bɨ̌n bɨɛ mû ó sí bɛ́ma mʉ̂r waá, jʉ́ŋɔɔ nyê.

Mɨlʉmlʉ 3:21

Báánâ, nye ɨ́ jala le edi ɨ́ jʉ́o kʉ́, ɨ́ di di di, tó pyâl ɨ́ jɔ̌ʼ Nzyɛ̌m óbáʼǎ tyêl bísá bíbyɛ̂h ɨ́ bityé byɔ́ɔ́ mpʉ nyé á boo kɛʼ, duho myâ yɨ́. Nye á kɛʼ nó ó, cɨɨ e nzɨ̌ ogwíha o mílɔ̌b bé, baá dí egúmo e né bá.

Lʉkas 6:23

Sohaa gá ɨ́ dʉ́o laá. Lyáháá gá ɨ́ lɔ̌b bísʉhʉʉ, ebě, myɛ́na mɨ́n, mé ɨ́ buo. Mé ó komá ɨ́ jʉ́o kʉ́. Bimpám bi bʉ̂r o dí ebene bɨ́n bá, byé á bɨbe ó lɨ́ esâ bísyɛ́ɛla bimpwár byaá, lɨ́ etíble ógwíha o mílɔ̌b mé Nzyɛ̌m.

Lʉkas 13:34

«Yerʉ́zalɛm, Yerʉ́zalɛm, gua mʉr dí ejʉ̂ ógwíha o mílɔ̌b le elúmo baá Nzyɛ̌m dí elómlo gó bá mekóʼ nyá! Nzɔʼ ntíá mé á be lɨ́ egwɨ̂m ésyɛŋ bwán bô mpʉ ábyɛɛ́-kúo dí esyɛŋ bwán bé sí mempabaá mé yɨ́, bɨ̌n bɨbené benáa.

Jacques 4:11

Bɨ́ɔɔ́ bâm! Okɛ́l bâm! Asâ gá mesyɛ́ɛla páʼ nyɨ́n. Waá nyɨnyɛ̂h dí esâ mɨ́ɔɔ́ mesyɛ́ɛla, dwe nyé mebě nyá, nye mû ó mpʉ̌ sá lɛ́ɛ́, nyɨ́ bee étié mé Nzyɛ̌m e bigwǐh. Yé ntémé, yé ó mpʉ̌ sá lɛ́ɛ́, nyě dwé ó etié laá mebě. Nyé akǎ be mʉ̂r dí ebaʼle étié laá nyá. Nye mû ó lɨ́ edwe lé mebě.

Jacques 5:7

Bɨ́ɔɔ́ bâm! Okɛ́l bâm! Diʼee gá e bíhwó, tó pyâl ɨ́ jɔʼ Tî gá wɨ́ná óbáʼǎ nze yɨ́. Diʼee gá e bíhwó mpʉ óbel o mémpeʼ dí e nye yɨ́. Ebě, bé lɨ́ edûhwo, ó bipemé bé á be bí, byé gúmaa mpumó mpâ. Bé dúhwó ó, ebóno ómpíé bé ésôʼ le baá bé épíhe.

Jacques 5:9

Bɨ́ɔɔ́ bâm! Okɛ́l bâm! Ayɨ́ sɛ́ɛla gá bipurá páʼ nyɨ́n, ebě, Nzyɛ̌m nkʉ̂ be, atíʼe bɨ́n lɔ̌b tɨ̂. Tîʼ milɔ̌b mû ó kúno enze.

Jacques 5:13

Mʉ̂r sɔ́má yɨ́n bê sí bee ó, nye ɨ́ mitúú nó, nye jɨ̂ʼlaa e Nzyɛ̌m. Nyʉ́ʉ́ mʉ̂r bé ɨ́ bisʉhʉʉ nó, nye ɨ́ jala le edyɛɛ méjéme mé édwě Nzyɛ̌m kûm.